Yakobus 2:8 - Taaz Weru Witu u Nunuwu'en Tombulu

⁸ Taan ni kamu é nimangunola u lé'os, sa kamu uli-ulit mahwangun un ukum ni Opo Empung un ipahpuu-puuna tanu u méipantik witu um Pinantik Lenas in téntii, “Iraraatéla si kasuatmu tou tanu ko i rumaraaté un toumu in esa.”

Yakobus 2:8 Iomraidhean Croise

Matius 22:39

Wo um perénta kazua u masuat wo niitu é: Iraraatéla si kasuatmu in tou tanu ni ko i rumaraaté un toumu in esa.

Matius 25:21

Ang kuan ni tuangna wia ni sia, ‘Totoz wangun um winangunmula itii. Ni ko én ata lé'os wo toro pa'émanen. Ni ko én toro pa'émanen i mahpaayang ang kori', niitumo ni ko én tarawésaangku u lumouspé'mé niitu. In tarékan muntepomé wo méyémo i mahpaa-paaz kariaku!’

Matius 25:23

Ang kuan ni tuangna itii wia ni sia, ‘Totoz wangun um winangunmu itii. Ni ko én ata lé'os wo mahtali-talinga. Pahpaan ni ko én toro pa'émanen i mahpaayang ang kori', ni ko én tarawésaangku u lumouspé'mé niitu. Niitumo in tarékan, muntepomé wo méyémo i mahpaa-paaz kariaku.’

Matius 7:12

Péléng ang kapaaz niou im wangunené né tou wia ni kamu, téntu kangkasii um wangunen nioula wia ni séra. Nianamo a méipantik witu un ukum Torat wo wana ang kitap am pinantik né nabi.”

Roma 13:10

U raraatéan én zéi'kan mahwangun a léwo'an wia si kasuat tou, pahpaan u raraatéan é masuat wo u mahwangun péléng un ukum Torat.

Galatia 5:14

Pahpaan péléng un ukum Torat ém pinakasamo witu u Nuwu' ni Opo Empung kenu, “Iraraatéla si kasuat tou tanu ko rumaraaté un toumu in esa.”

Galatia 6:2

Mahsawa-sawangala i mengali am pengalin! Sa ni kamu nimangunola niana, ni kamu é mahtali-talinga um perénta ni Kristus.

Filipi 4:14

Zozo' in téntu, um pahwangunen niou én totoz lé'os, ni kamu mahsawango ni aku im wana ang kasusaangku.

1 Tesalonika 4:9

Tumoro kura i mahraa-raatéan karia né katuari esa pa'émanen én zéi'mo totoz ipantikkuma wia ni kamu, pahpaan ni kamu én tinuzu'mo ni Opo Empung kura i mahraa-raatéan.

Yakobus 1:25

Taan si tou uli-ulit mahtata'u un ukum ni Opo Empung u lekep, u nimilot ni kita im witu un ukuman wana a singkéla', wo zéi'kan uman mahtalinga a maliuza taan uli-ulit mahwangun niitu, si tou itii é mahpaa-paaz pahpaan am pahwangunenna itii.

Yakobus 2:12

Mahnuwu'la wo mahwangunla tanu sé tou matotozen ulit kaapa zéi'kan am pahwangunen néra, karia un ukum un zuméi' a singkéla' né tou.

Yakobus 2:19

Pa'émanennu i si Opo Empung én esa uman? Niitu ém wangun! Taan maan sé sétang é ma'éman niitu wo mahgerger i maindé'.

Yakobus 4:11

Katuari-katuari, tia' kamu mahtatawurukan! Séi si mahtawuruk kaapa mapahsasala' si katuarina esa pa'émanen, ni sia é mahtawuruko wo mapahsasala'mo un ukum ni Opo Empung. Wo sa ko mapahsasala' un ukum itii, ni ko én zéi'kan mahwangun un ukum itii taan nimaéndomo menonotoz ulit kaapa zéi'kan un ukum itii.

1 Petrus 2:9

Taan ni kamumo sé pinéléng ni Opo Empung, walian i mahpaayang wia si Opo Empung si Kolano, tahsasana wanua linenas, nimaéndo tou méisanapa' wia ni Sia, wo ni kamu mahwoka' am pahwangunen ni Opo Empung an totoz wangko'. Si Opo Empung si timawahmomé ni kamu mondolé im witu ung karimbengbengan a muntep witu un ayah-Na un totoz makakompo'en.