Yakobus 2:5 - Taaz Weru Witu u Nunuwu'en Tombulu

⁵ Katuari-katuari ikararaatéku! Talingana, zéi'kankuaa si Opo Empung é niméléng sé tou sé pahkuan né tou wia ung kaayahan kenu in tou zéi'kan siapa apa, i maéndo tou wa'ilan witu um pa'émanen, wo maéndo tou-Na witi Kakolanoan-Na, tanu u méitaaz-Na wia sé tou rumaraaté ni Sia?

Yakobus 2:5 Iomraidhean Croise

Matius 11:5

sé letok én toromo mahilek, sé lailai én toromo mahlampang, sé tinoro ung kusta é lé'oso, sé lunteng é mahtalingamo, sé nimatémo é méitoumomé sumaup wo sé tou zéi'kan siapa apa én timalingamo u Nuwu' Lé'os um wia si Opo Empung a méyé.

Matius 25:34

Tumondong niitu, si Kolano éng kumua wia sé tou witu ung kakan-Na in téntii, ‘Méyémo, é kamu sé kinamango ni Ama'-Ku. Muntepomé witu ung Kakolanoan u niimeko wia ni kamu rengané ung kaayahan kenu im winangun.

Matius 5:3

“Mahpaa-paazola sé tou zéi'kan siapa apa wo niméré' uman wia si Opo Empung, pahpaan ni séramo sé makaanu ung Kakolanoan ni Opo Empung.

Markus 7:14

A si Yesus tumawahmé sumaup sé tou lakez ang kumua wia ni séra, “Ni kamu péléng, tumalingama lé'os wo katulapan nioua un ikua-Ku.

Lukas 12:21

Téntu u mamuali wia si tou si mahtututu' uman i mahréwok a sangkumna, taan zéi'kan mahtututu' i maéndo wa'ilan witu u sinaru ni Opo Empung.’ ”

Lukas 12:32

Ni kamu én toyo' uman! Taan zozo'pé' in téntu, ni kamu én tia'mo maindé'. Pahpaan si Ama' niou si witi kasendukan é mahpaa-paaz i ni kamu nimaéndomo tou witi Kakolanoan-Na.

Lukas 16:22

Matéma si tou zéi'kan siapa apa itii, a sia ipahwalima né malaekat maméirumez witu u rété ni Abraham. Si tou wa'ilan kangkasii é matéma, a sia mailewengé.

Lukas 16:25

Taan si Abraham é nimingkot umané in téntii, ‘É oki'ku, amoké genangenula! Im puuna i ni ko menou-noupé', ni ko é nimakailekomé péléng am wangun. Taan si Lazarus ndootuu i menou-noupé', ang kinailekanamé ém péléng an zéi'kan wangun. Taan in tarékan ni sia é sénango im wia'i wo ni ko kahuman én zézéha im wana.

Lukas 22:29

Niitumo ni kamu ém wéhang-Ku ung kakolanoan tanu si Ama'-Ku niméhé ung kakolanoan wia ni Aku.

Lukas 6:20

A si Yesus mileka wia sé pahtuzu'en-Na ang kumua, “Mahpaa-paazola, é ni kamu sé tou zéi'kan siapa apa, pahpaan ni kamumo sé makaanu ung Kakolanoan ni Opo Empung.

Yohanes 7:48

Wéwéhan wé si esaané im wia sé tonaas kaapa si esaané im wia sé sana réwok tou Farisi ma'éman ni Sia?

Kisah Rasul-rasul 7:2

A si Stefanus mingkotla, “Katuari-katuari wo sé ama', talingana! Im puuna, i si nimaopota Abraham mahento' witi tana' Mesopotamia, puunala sia i mahento' witi Haran, si Opo Empung si totoz im pahsigi'en wo pahloozen é nimapailekola un tou-Na wia ni sia,

Roma 8:17

Sa ni kita én oki'-Na, ni kita kangkasii é maéndo tou makasangkum a méitaaz ni Opo Empung. Ni kita é makailek a sangkum itii karia ni Kristus. Niitu éng kailekanta sa ni kita mazéha karia-Na, wo ni kita kangkasii é loozen wo sigi'en karia-Na.

1 Korintus 2:9

Tanu u méipantik witu um Pinantik Lenas, in téntii, “Un zéi'kampé' pinahile-ilekla, pinahtali-talingala wo kagenanganla né tou, é niimeko ni Opo Empung wia sé tou rumaraaté ni Sia.”

2 Korintus 4:15

Péléng niitu é mamuali pahpaan ung kawangunan niou. Niitu mamuali wo lakez sé tou mamé'an ung kamang tatambér-Na. Karia in téntu, kalakezna sé tou mahkua u makasé wia si Opo Empung. Ang kenu é mangun ing kalakezna sé tou mahsigi' si Opo Empung.

2 Korintus 6:10

Ni kai sekezé é mahpaa-paaz zozo' i rumara un até. Ni kai én zéi'kan siapa apa, taan nimangun sé tou lakez nimawa'ilan. Ni kai ém pahileken in zéi'kan siapa apa, taan péléng am péléng ém wia ni kai.

2 Korintus 8:9

Ni kamu é mata'umo ung kamang méitambér ni Yesus Kristus si Mahpiarata wia ni kamu. Ni Sia im wa'ilan, winangun-Na un tou-Na zéi'kan siapa apa pahpaan ni kamu, wo kamu toro mawa'ilan pahpaan winangun-Na un tou-Na in zéi'kan siapa apa.

Efesus 1:18

Ni aku kasii é mengaléi wia si Opo Empung, wo ung genang niou é mawuka wo toro makatulap um pahéré'an niou wia si Opo Empung si timawah ni kamu. Wo ni kamu kangkasii én toro mata'u kalakez ung kamang totoz wangun u niimeko ni Opo Empung wia sé tou linenas-Na,

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

1 Tesalonika 2:12

wo totoz mahaléi wia ni kamu i menou-nou mengiit um paaz ni Opo Empung. Ni Siamo si Opo Empung si timawah ni kamu i muntep witu ung Kakolanoan-Na wo witu ung kawangko'an-Na.

2 Tesalonika 1:5

Niitu un tumuzu'mé i si Opo Empung én zéi'kan mahsanaweka i mahtotoz ulit kaapa zéi'kan am pahwangunen né tou. Ni kamu in tarékan én zézéha pahpaan mahtali-talinga wia si Opo Empung, niitumo ni Sia kimua i ni kamu ém wangun i muntep witi Kakolanoan-Na.

1 Timutius 6:18

Ipapagenangla wia ni séra wo séra mahwangunla am wangun, mawa'ilan wana am wangun, paaz mahsawang wo paaz mahtambér.

2 Timutius 4:18

Si Yesus Mahpiara é milot ni aku im wana ang genang léwo' né tou wia ni aku. Ni Sia é milot ni aku wo mahwali ni aku i muntep witu ung Kakolanoan-Na witi kasendukan. U sigi wo looz wia uman ni Sia makaz ing kauré-uré! Amin.

2 Timutius 4:8

In tarékan ung kukulu iwéhé wia ni aku é niimeko ni Opo Empung, pahpaan ni aku é nimangunola an ulit witu u sinaru-Na. Ni Sia én zéi'kan mahsanaweka i mahtotoz ulit kaapa zéi'kan am pahwangunen né tou. Zéi'kan uman ni aku si makailek niitu, taan maan péléng sé ma'ento' si Yesus i mawurimé sumaup.

Ibrani 11:26

Witu ung genang ni Musa, tawimo sia séro'an pahpaan si Kristus, taan makailek péléng a sangkum witi Mesir. Pahpaan pahéré'ennala um wawaér iwéhémé ni Opo Empung wia ni sia é lumouspé'mé a sangkum witi Mesir.

Yakobus 1:12

Mahpaa-paazola si tou ezen im wana am pema'wa'en, pahpaan sa sia ezen, ni sia é makailek ung kukulu, ung katou-touan makaz ing kauré-uré u mémoitaaz ni Opo Empung wia sé tou rumaraaté ni Sia.

Yakobus 1:16

Katuari-katuari ikararaatéku. Tia' kamu ikalulu!

Yakobus 1:19

Katuari-katuari ikararaatéku, totoz wéhanla genang ang kenu: Péléng sé tou é léwo'zéi' rewek i mahtalinga taan tia' tahlous rewek i mahnuwu' wo tia' rewek maupi'.

Yakobus 1:9

Si katuari esa pa'émanen zéi'kan siapa apa, ni sia é léwo'zéi' i mahpaa-paaz sa sia irakék ni Opo Empung,

1 Petrus 1:4

Im witu um pahéré'anta itii, pa'émanenta i ni kita én toro makailek a sangkum. A sangkum itii éng kamang ni Opo Empung a méilé'os witi kasendukan an iwéhé wia ni kita. Ang kamang itii én zéi'kan maléwo', zéi'kan makilamu' wo zéi'kan maweles.

2 Petrus 1:11

Karia in téntu, zéi'kan siapa si mahapé-apé' wia ni kamu i muntep witu ung Kakolanoan ni Opo Empung, um pahwéha-wéhan makaz ing kauré-uré ni Yesus Kristus, Mahpiara, si nimilot ni kita im witu un ukuman wana a singkéla'.

Wahyu 2:9

Kata'uang-Ku ni kamu én zézéha wo zéi'kan siapa apa, taan ni kamu ém wa'ilan im witu u sinaru ni Opo Empung. Kata'uang-Ku kasii an tumoro sé mahtawuruk ni kamu. Ni séra é mahkua i ni séra én tou Yahudi sé pinéléng ni Opo Empung, taan un ulitna én zéi'kan. Un ulitna ni séra én jamaat ni tonaas né sétang.

Wahyu 21:7

Séi si nimuntung, niitu péléng éng kailekanna. Ni Aku é maéndo Opo Empungna, wo ni sia é maéndo oki'-Ku.

Wahyu 3:18

Niitumo, isésa-Kuma wia ni kamu in tumelesola u mas wia ni Aku um wineresimo karia un api, wo kamu uli-ulit mawa'ilan. Wo tumeleso kasiila ung karai kulo' ing karaien niou wo kamu zéi'kan pahileken kaizangnokané in timangkol. Wo tumelesla undam i mundam am weren niou, wo kamu toro milek.