Yakobus 2:21 - Taaz Weru Witu u Nunuwu'en Tombulu

²¹ Si Abraham, si nimaopota é niéndo ulit ni Opo Empung pahpaan am pahlé'osenna, i si Ishak oki'na méiwéhéna wia si Opo Empung witu um peraragésan.

Yakobus 2:21 Iomraidhean Croise

Matius 12:37

Pahpaan ni ko én éndon ulit ni Opo Empung mengiit an ipahkuamu, wo ni ko kangkasii én ukumen mengiit an ipahkuamu.”

Matius 3:9

Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, si Opo Empung én toro mangun am watu kenu maéndo suzu ni Abraham!

Lukas 1:73

Un taaz itii é méikua ni Opo Empung wia si Abraham nimaopota, i ni Sia én tumambér wia ni kita ung kamang,

Lukas 16:24

A si tou wa'ilan itii kuméréta, ‘Ama' Abraham, iraraaté ndootuumé aku. Ipekiwahu'pé'mé un tutundu' ni Lazarus wo méyépé' wahu'ené u lila'ku. Ni aku én totozo zézéha im wia un api kenu.’

Lukas 16:30

A si tou wa'ilan itii mingkoté, ‘Azo ndootuu ama' Abraham, zéi'kan mamuali sa téntu uman. Taan sa wéwéhan si esaané im wia sé nimaté si méitoumé sumaup wo mangé wia ni séra, ni séra én tumula'u a singkéla' pahlé'osen néra.’

Yohanes 8:39

A séra mingkotla wia si Yesus, “Si ama' nai é si Abraham.” Kuan ni Yesus wia ni séra, “Sa ni kamu uli-ulit suzu ni Abraham, tantumo ni kamu é mahwangun am pahwangunen ni Abraham.

Yohanes 8:53

Sa si Abraham é nimatémoma wo sé nabi kangkasii é nimatémoma, séi Ko wé? Toro kahuman wo ni Komo si wangko' taan si nimaopo nai Abraham!”

Kisah Rasul-rasul 7:2

A si Stefanus mingkotla, “Katuari-katuari wo sé ama', talingana! Im puuna, i si nimaopota Abraham mahento' witi tana' Mesopotamia, puunala sia i mahento' witi Haran, si Opo Empung si totoz im pahsigi'en wo pahloozen é nimapailekola un tou-Na wia ni sia,

Roma 3:20

Zéi'kan siapa zozo' in esa si tou niéndo ulit im witu u sinaru ni Opo Empung pahpaan mahwangun un ukum Torat. Taan, pahpaan wéwéhan un ukum Torat, a sé tou mata'ula im wéwéhan a singkéla'.

Roma 4:1

Niitumo, apa u maikuata tumoro a nimamuali wia si Abraham, si ama' né nimaopota?

Roma 4:12

Ni sia kasii é niéndo ama' né tou sinunat, sé zéi'kan uman sinunat, taan kangkasii pahpaan ni séra menou-nou karia i ma'éman wia si Opo Empung tanu um pa'émanen ni Abraham, si ama' né nimaopota, puunala sia i sinunat.

Roma 4:16

Niitumo, pahpaan um pa'émanen wia si Opo Empung a makailek un taaz-Na. Un taaz itii é makailekan pahpaan ung kamang méitambéré ni Opo Empung. Niitu é makailekan péléng né suzu ni Abraham, zéi'kan uman sé tou mahkiit un ukum Torat, taan kasii wia sé tou ma'éman tanu um pa'émanen ni Abraham, si ama'ta péléng sé ma'émano.

Ibrani 11:17

Pahpaan i ma'éman, si Abraham im pema'wa'en ni Opo Empung é niméhé si Ishak in iragés wia ni Sia. Si Abraham si nimakailekola u méitaaz ni Opo Empung itii ém paaz i méhé si Ishak si oki'na si esa uman in iragés,

Yakobus 2:18

Taan woo wéwéhan tou mahkua, “Wia ni ko ém wéwéhan um pa'émanen wo wia ni aku ém wéwéhan um pahlé'osen.” Ni sia ém wingkotengku, “Ipapaileké wia ni aku um pa'émanennu itii taan zéi'kan kinaria um pahlé'osennu, wo ni aku é mapailek wia ni ko um pa'émanengku karia am pahlé'osengku.”

Yakobus 2:24

In tarékan é niilek niouo, i si tou é niéndo ulit pahpaan am pahlé'osenna, zéi'kan uman pahpaan um pa'émanen.