Yakobus 2:20 - Taaz Weru Witu u Nunuwu'en Tombulu

²⁰ É tou lemou, paaz ko wé in tarékan i makaulité sa um pa'émanen zéi'kan kinaria um pahlé'osen én zéi'kan siapa torona?

Yakobus 2:20 Iomraidhean Croise

Roma 1:21

Zozo' ni séra é mata'u si Opo Empung, ni séra én zéi'kan mahlooz wo mahsigi' ni Sia in Opo Empung wo zéi'kan kumua u makasé wia ni Sia. Taan ang ginenang néra é nimawiling uman taré i megena-genang uman an zéi'kan siapa torona, taka-takazan ni séra é nimalemou wo ung genang néra é nimarimbengbeng.

Roma 3:28

Totoz kata'uan nai sa sé tou é niéndo ulit pahpaan um pa'émanen, zéi'kan pahpaan i mahwangun un ukum Torat.

Roma 9:20

Apamo ko wé wo wuaya i mahéndo-éndoan karia ni Opo Empung? Toro wé ung kuré' tana' kumua wia si nimangun, “Kaa ni aku winangunmumé téntu?”

Galatia 5:6

Pahpaan sinunat kaapa zéi'kan sinunat é masuat uman im wia sé tou sé nimaesamo karia ni Kristus Yesus. Un totoz ipahpuu-puuna é ma'éman si Kristus Yesus un toro pa'ileken karia i rumaraaté sé tou walina.

Galatia 6:3

Pahpaan sa si tou mahgenangla i ni sia é lumousé sé tou walina, taan ndéén zéi'kan, ni sia é mahtowomo witu un touna in esa.

Kolose 2:8

Mile-ilek, én taa wéwéhan sé maheenou ni kamu karia an tutuzu' néra an zéi'kan siapa torona wo mahlululu uman um pa'émanen niou um wia si Kristus. An tutuzu' néra én zéi'kan mahkiit an tutuzu' ni Kristus, taan mahkiit uman ang kinanaram né nimaopo néra im puuna wo ung kapaaz né roh wia ung kaayahan.

1 Timutius 1:6

Taan wéwéhan sé tou sé zéi'mo mahwangun niana péléng wo méilulu um pahéndo-éndoan un zéi'kan siapa torona.

Titus 1:10

Pahpaan in tarékan im wia sé jamaat é lakezo sé mahsasarumokan, kataré-taré é sé im wia sé tou Yahudi sé ma'émano taan mahkiitpé' an tinotoz im pahsunaten. Ni séra menuwu-nuwu' an towo i mahlululu sé tou.

Yakobus 1:26

Sa si tou mahgenangla i ni sia é mahragés wia si Opo Empung, taan zéi'kan makaimek u lila'na, ni sia é mahtowomo witu un touna in esa. U raragésna wia si Opo Empung én zéi'kan siapa torona.

Yakobus 2:17

Téntu kangkasii um pa'émanen: Sa um pa'émanen itii én zéi'kan pahileken wana am pahlé'osen, um pa'émanen itii én zéi'kan siapa torona.

Yakobus 2:26

Pahpaan tanu un awak sa zéi'kan kinaria ni roh é nimaté, téntu kangkasii um pa'émanen, sa zéi'kan kinaria am pahlé'osen é nimaté.