Yakobus 1:6 - Taaz Weru Witu u Nunuwu'en Tombulu

⁶ Taan sa sia mahaléi niitu é léwo'zéi' karia um pa'émanen wo zéi'kan mahzua-zua genang. Pahpaan si tou mahzua-zua genang éng kasuat u sempa' witi tasik, um pemolé-moléi uman u reges wayaan ung kasaruan.

Yakobus 1:6 Iomraidhean Croise

Matius 14:28

Ang kuan ni Petrus wia ni Sia, “Tuang, sa uli-ulit ni Ko, tawahena ni aku i mangé wia ni Ko lumampang witu um wawo un zano.”

Kisah Rasul-rasul 10:20

Rumendaiomé wo tumumpamoma wo mangémo karia né tou telu itii. Tia'mo ko mahzua-zua genang pahpaan ni Aku si nimatu ni séra.”

Efesus 4:14

Karia in téntu ni kita én zéi'mo tanu sé koki' sé mahkii-kiit uman an tutuzu' nimahwali-walinaan né menunuzu' towo. Niitu én tanumokan u sempa' pemolé-moléi u reges. Ni séra mahlululu uman karia an towo néra.

1 Timutius 2:8

Niitumo kapaazku sé tuama wisa uman ni séra i mengaléi, u lengen é méiayat karia un até weresi, zéi'kan maupi' wo zéi'kan siapa pahéndo-éndoan.

Ibrani 10:23

Méyémo kita enté' i mahéré' wo zéi'kan mahzua-zua genang witu um pa'émanenta wia si Yesus, pahpaan si Opo Empung én zéi'kan maliuz i mangun a méitaaz-Na.

Ibrani 11:6

Niitumo, zéi'kan mamuali si tou in ikapaaz ni Opo Empung sa zéi'kan ma'éman wia ni Sia. Pahpaan séi si paaz méyé wia si Opo Empung, totoz pa'émanenna i si Opo Empung én uli-ulit im wia, wo totoz pa'émanenna i ni Sia si mahwéhé um wawaér wia si tou uli-ulit mahtututu' i mahragés wia ni Sia.

Ibrani 13:9

Tia' kamu mahkiit péléng an tutuzu' a nimahwali-walinaan an zéi'kan siapa kaulitan mengiit u Nuwu' Lé'os tumoro si Yesus, an ipahtuzu' né tou walina an toro mangun ni kamu ikalulu. Un atéta é léwo'zéi' nienté' karia ung kamang méitambér ni Opo Empung, pahpaan niitumo um wangun, zéi'kan karia an tinotoz tumoro ang kakanen an zéi'kan siapa torona im wia ni séra sé mahkiit niitu.

Yakobus 1:7

Si tou mahzua-zua genang én tia' mahgenangla im wéwéhan ung kailekannamé wia si Opo Empung,

Yakobus 5:15

Sa séra mengaléi karia um pa'émanen, si tou saki itii é malé'os. Si Mahpiara é mangun si tou itii in uli-ulit malé'os, wo sa sia nimangunla a singkéla', ni sia én ampungan.

2 Petrus 2:17

Sé méster towo itii én zéi'kan siapa torona, tanu ung kembu'an nimaperamo, tanu u semu nimazéi'ma pahpaan i méiwalima u reges repet. Ni séra é niimekano ni Opo Empung un ukuman in iuntep witu ung karimbengbengan un totoz rimbengbeng.