Yakobus 1:26 - Taaz Weru Witu u Nunuwu'en Tombulu

²⁶ Sa si tou mahgenangla i ni sia é mahragés wia si Opo Empung, taan zéi'kan makaimek u lila'na, ni sia é mahtowomo witu un touna in esa. U raragésna wia si Opo Empung én zéi'kan siapa torona.

Yakobus 1:26 Iomraidhean Croise

Matius 15:9

Zéi'kan siapa torona séra i mahragés wia ni Aku, pahpaan an tutuzu' ipahtuzu' néra ém perénta ni tou.’ ”

Markus 7:7

Zéi'kan siapa torona séra i mahongkot wo mahsigi' wia ni Aku, pahpaan an tutuzu' ipahtuzu' néra é mengiit uman ang kinanaram né tou.’

Lukas 8:18

Niitumo, totoz pahwéhanla genang an tinalinga niouo. Pahpaan séi si mahtata'u u Nuwu' ni Opo Empung, ni sia é mawangunen ni Opo Empung makatulap niitu. Taan séi si soo mahtata'u u Nuwu' ni Opo Empung, makaz am pahgenangennala ing kata'uannamo ém pakaéndon.”

1 Korintus 15:15

Lumouspé'mé niitu, sa ulit sé tou nimatémo zéi'kan méitoumé sumaup ni Opo Empung, ni kai én timowomola tumoro si Opo Empung pahpaan ni kai é mahkua si Kristus é méitoumé sumaup ni Opo Empung. Sa si Opo Empung zéi'kan timou sumaup si Kristus, tantumo sé tou nimatémo én zéi'kan méitou-Namé sumaup.

1 Korintus 15:2

Sa u Nuwu' Lé'os méipahwoka'ku itii én uli-ulit pa'émanen niou, ni kamu é méipiloté im witu un ukuman wana a singkéla'. Taan sa u Nuwu' Lé'os itii zéi'kan uli-ulit pa'émanen niou, um pa'émanen niou én zéi'kan siapa torona.

1 Korintus 3:18

Tia' wo wéwéhan si tou mahtowo witu un touna in esa. Sa wéwéhan si tou mahkua un touna én tulap mengiit am wia ung kaayahan kenu, ni sia é maéndopé'la lemou wo taré sia toro uli-ulit matulap.

Galatia 2:6

Tumoro sé tonaas sé pahsigi-sigi'en né jamaat witi Yerusalem, (wia ni aku, azi niitu apa um pahpaayangen néra, tonaas kaapa sé tou uman im puuna é masuat uman, pahpaan si Opo Empung kangkasii én zéi'kan meméléng tou). Ni séra én zéi'kan nimatu ni aku i mawesla apa uman witu um pahtuzu'ku wia sé tou u Nuwu' Lé'os tumoro si Yesus.

Galatia 2:9

I nimilekola ung kamang méitambéré ni Opo Empung wia ni aku, si Yakobus, si Petrus wo si Yohanes sé pahkuan in tonaas ipahpuu-puuna né jamaat, nimaayoala lengen kariaku wo karia ni Barnabas, niitu un tumuzu'mé i ni kai é nimaesaano. Um pinaesaan nai é, ni kai mahwoka' u Nuwu' Lé'os tumoro si Yesus wia sé tou zéi'kan Yahudi wo ni séra é mahwoka u Nuwu' Lé'os tumoro si Yesus wia sé tou Yahudi.

Galatia 3:4

Totoz kasiapa torona wé péléng am pinendan nioué itii? Amo kahuman niitu zéi'kan siapa torona!

Galatia 6:3

Pahpaan sa si tou mahgenangla i ni sia é lumousé sé tou walina, taan ndéén zéi'kan, ni sia é mahtowomo witu un touna in esa.

Efesus 4:29

Tia'mo a nunuwu'en saparuni mahondolé im witu u sumahmu. Taan mahnuwu' umané am wangun i sumawang sé tou walina i ni séra memandung a sasawang, wo sé tou timalingama u méipahnuwu'muma é makailek ung kamang.

Efesus 5:4

Téntu kangkasii ang kukuan saparuni, an zéi'kan siapa torona kaapa an uuwaken zéi'kan mata'u un adat, pahpaan an téntu én zéi'kan wangun. Taan tawimo ni kamu kumuala u makasé wia si Opo Empung.

Kolose 4:6

I mahnuwu' wia sé tou, pahwangunela um pakahnuwu' niou i makapaazen wo tariis im pahtalingan, wo kata'uan nioula kura i mahwiwingkot wia si séi uman si meligau.

Yakobus 1:19

Katuari-katuari ikararaatéku, totoz wéhanla genang ang kenu: Péléng sé tou é léwo'zéi' rewek i mahtalinga taan tia' tahlous rewek i mahnuwu' wo tia' rewek maupi'.

Yakobus 1:22

Ni kamu é léwo'zéi' i mahwangunla u nuwu' ni Opo Empung, zéi'kan uman mahtalinga niitu. Pahpaan sa zéi'kan téntu, ni kamu é mahtowomo witu un tou niou in esa.

Yakobus 2:20

É tou lemou, paaz ko wé in tarékan i makaulité sa um pa'émanen zéi'kan kinaria um pahlé'osen én zéi'kan siapa torona?

1 Petrus 3:10

Witu um Pinantik Lenas é méipantik in téntii, “Séi si lumelo ung katou-touan, wo paaz milek an endona lé'os, u lila'na é léwo'zéi' im pahimeken wo tia' menuwu'-nuwu' a léwo', wo um wiwihna én tia' mengua-ngua an towo.