Yakobus 1:22 - Taaz Weru Witu u Nunuwu'en Tombulu

²² Ni kamu é léwo'zéi' i mahwangunla u nuwu' ni Opo Empung, zéi'kan uman mahtalinga niitu. Pahpaan sa zéi'kan téntu, ni kamu é mahtowomo witu un tou niou in esa.

Yakobus 1:22 Iomraidhean Croise

Matius 12:50

Pahpaan séi uman si mahlé'os ang kapaaz ni Ama'-Ku si witi kasendukan, ni siamo si katuari-Ku tuama, katuari-Ku wéwéné wo ina'-Ku.”

Matius 28:20

wo tuzu'ela séra i mahwangun péléng a mémoiperénta-Ku wia ni kamu. Kata'uan nioula, ni Aku é menaté-natér ni kamu makaz ung kaakazan ung kaayahan.”

Lukas 11:28

Taan kuan ni Yesus, “Si mahpaa-paaz é si tou mahtalinga wo mahwangun u Nuwu' ni Opo Empung.”

Yohanes 13:17

Sa niia péléng kinata'uan niouola, ni kamu é mahpaa-paaz sa ni kamu mahwangun niana.

Roma 2:13

Pahpaan sé niéndo ulit im witu u sinaru ni Opo Empung én zéi'kan sé timalinga un ukum Torat, taan sé niéndo ulit é sé tou mahwangun un ukum itii.

1 Korintus 15:33

Tia' kamu ikalulu: mahkari-karia wana an zéi'kan wangun é luméwo' ang kinanaram wangun.

1 Korintus 3:18

Tia' wo wéwéhan si tou mahtowo witu un touna in esa. Sa wéwéhan si tou mahkua un touna én tulap mengiit am wia ung kaayahan kenu, ni sia é maéndopé'la lemou wo taré sia toro uli-ulit matulap.

1 Korintus 6:9

Kaapa zéi'kan kata'uan niou wé, i sé tou zéi'kan ulit én zéi'kan iwéhé ni Opo Empung i maéndo tou witi Kakolanoan-Na? Tia' kamu ikalulu! Sé tou: memua-muali a sinéro' im pahmualin né zéi'kampé' kimawéng, mahsigi' sé opo-opo, samek, sé tuama mahsamek karia né katuama néra, sé mahwangun a makaizangen wia sé kasuat néra,

Galatia 6:3

Pahpaan sa si tou mahgenangla i ni sia é lumousé sé tou walina, taan ndéén zéi'kan, ni sia é mahtowomo witu un touna in esa.

Galatia 6:7

Tia' kamu ikalulu! Si Opo Empung én zéi'kan mata'u pahléléongan. Apa u méikeroz ni tou, niitu kangkasii u maupu'enna.

Filipi 4:8

Ung kamurian katuari-katuari, péléng an ulit, péléng am wangun im pahloozen, péléng an zéi'kan mahsanaweka, péléng am weresi, péléng an tombal, péléng an tariis im pahtalingan, péléng am wéwéhan torona wo an toro pahloozen, niana péléng é léwo'zéi' ing genangen nioula.

Kolose 3:17

Péléng am pahnuwu'en niou kaapa péléng am pahwangunen niou, péléng niitu ém wangunela mengiit u ngaran ni Yesus Mahpiara, karia i mahkua u makasé wia si Opo Empung, si Ama'ta mengiité si Yesus.

2 Timutius 3:13

taan sé tou léwo' wo tantowo kahuman éng kalousna i mahwangun a léwo'an, ni séra mahlulu sé tou wo ilulu né tou walina.

Titus 3:3

Pahpaan im puuna ni kita kangkasii é menou-nou witu ung kalemouan: zéi'kan mahtali-talinga, méikalulu, nimaéndo ata wana a lelo léwo' un awak wo a makapaazen meléwo' un tou, menou-nou mahwangun a léwo'an wo téutéu, ikazi'zis né tou wo mahzizi'zisan.

Yakobus 1:26

Sa si tou mahgenangla i ni sia é mahragés wia si Opo Empung, taan zéi'kan makaimek u lila'na, ni sia é mahtowomo witu un touna in esa. U raragésna wia si Opo Empung én zéi'kan siapa torona.

Yakobus 4:11

Katuari-katuari, tia' kamu mahtatawurukan! Séi si mahtawuruk kaapa mapahsasala' si katuarina esa pa'émanen, ni sia é mahtawuruko wo mapahsasala'mo un ukum ni Opo Empung. Wo sa ko mapahsasala' un ukum itii, ni ko én zéi'kan mahwangun un ukum itii taan nimaéndomo menonotoz ulit kaapa zéi'kan un ukum itii.

Yakobus 4:17

Niitumo, sa si tou mata'u kura i mahwangun a lé'os, taan zéi'kan pahwangunenna, si tou itii é mahsingkéla'mo.

2 Petrus 2:13

wo mamendan an zézéha pahpaan a léwo'an pahlé'osen néra. Ung kapaaz néra é mahkan wo mahelep zéi'kan kaimekan, zozo' in endo. Ni séra én tanu a sezingna wo rimberek, pahpaan sa séra mahkan mahwali-wali karia niou, ni séra én zéi'kan mazéi' i mahtowo wia ni kamu.

1 Yohanes 1:8

Sa kita kumuala i ni kita én zéi'kan simingkéla', ni kita é mahtowomo im witu un touta in esa, wo ung kaulitan én zéi'kan siapa im wia ni kita.

1 Yohanes 2:3

Sa kita mahkiit am perénta ni Opo Empung, niitu én tumuzu'mé i ni kita é mata'u ni Sia.

1 Yohanes 3:7

É kamu in oki'ku, tia' ipahwaya niou séi uman si mahlululu ni kamu. Séi si mahlé'os ang kaulitan, ni sia én tou ulit, tanu si Kristus in ulit.

3 Yohanes 1:11

Katuari ikararaatéku. Tia' mahkéré a léwo', taan mahkéréla a lé'os. Séi si mahwangun a lé'os, ni sia ém wia si Opo Empung a méyé. Taan séi si mahwangun a léwo', ni sia én zéi'kampé' mata'u si Opo Empung.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 22:7

Ang kuan ni Yesus, “Un ulitna ni Aku zéi'mo uré é méyémo. Mahpaa-paazla sé tou mahkiit a nuwu' ni Opo Empung a méipantik witu ung kitap kenu!”