Yakobus 1:19 - Taaz Weru Witu u Nunuwu'en Tombulu

¹⁹ Katuari-katuari ikararaatéku, totoz wéhanla genang ang kenu: Péléng sé tou é léwo'zéi' rewek i mahtalinga taan tia' tahlous rewek i mahnuwu' wo tia' rewek maupi'.

Yakobus 1:19 Iomraidhean Croise

Matius 5:22

Taan in tarékan ni Aku éng kumuama wia ni kamu: Séi uman sé maupi' wia si katuarina, ni sia é léwo'zéi' in ukumen. Séi si mahsalou si katuarina, ni sia é léwo'zéi' in isaru wia sé Mahkama Agama. Wo séi si mahkua si katuarina i letup, ni sia é léwo'zéi' in ilombo' witu un api naraka zéi'kan mahpaté.

Markus 12:37

Si Daud in esa mahkua si Mesias in ‘Tuang’, kura kahuman ni Sia kangkasii é suzuna?” Sé tou lakez itii mahtalinga an ipahkua ni Yesus karia i mahpaa-paaz.

Markus 2:2

A méyé sé tou totoz lakez nimaréwoké, taka-takazan im witu én zéi'mo siapa tampa, maan im witu u loloangan ém wutamo né tou. Karegas si Yesus mahtuzu' wia ni séra u Nuwu' ni Opo Empung,

Lukas 15:1

Makasamé, sé menanagi am pajak wo sé tou memua-muali a singkéla', méyé in tumalinga si Yesus.

Lukas 19:48

taan ni séra én zéi'kan méikailek lalan kura i mangun niitu, pahpaan péléng sé tou ém paaz wia ni Sia wo paaz tumalinga am pahtuzu'-Na.

Kisah Rasul-rasul 1:15

I sana endo, sé katuari esa pa'émanen é nimaréwok. Ung kalakez néra ém woo sana atus wo zuana pulu' tou. A si Petrus rumendaila witu un unez néra ang kumua,

Kisah Rasul-rasul 10:33

Niitumo ni aku rengan nimatuma tou i matumawah ni ko. Wo ni ko é niméyémo karia i mahpaa-paaz. In tarékan, ni kai péléng é nimaréwoko wia'i witu u sinaru ni Opo Empung in tumalinga u méiperénta ni Opo Empung wia ni ko in ikua wia ni kai péléng.”

Kisah Rasul-rasul 13:48

Tumalingamé niitu, péléng sé tou zéi'kan Yahudi é mahpaa-paaz karia i mahsigi' wo mahlooz u nuwu' ni Opo Empung. Tumondong niitu, péléng sé tou sé tinotozo ni Opo Empung i makailek ung katou-touan makaz ing kauré-uré é nima'éman.

Kisah Rasul-rasul 17:11

Um pakahgena-genang né tou Yahudi witi Berea é lumé'ospé'mé sé tou Yahudi witi Tesalonika. Ni séra én totoz paaz i mahtalinga u Nuwu' ni Opo Empung itii. Wo sekez in endo ni séra é mahtata'u am pinantik witu um Pinantik Lenas i mahtata'u sa péléng am pahtuzu' ni Paulus én ulit kaapa zéi'kan.

Kisah Rasul-rasul 2:42

Ni séra én uli-ulit mahtalinga an tutuzu' ipahtuzu' né aatu ni Yesus wo meréwo-réwok. Wo ni séra kasii sekezé é mahkan wo mahmengaléi mahwali-wali.

Efesus 4:26

Sa kamu maupi', tia'mo pahpaan un upi' niou itii mangun ni kamu sumingkéla'. Tia'mo mengupi-ngupi' makaz si endo i muntep,

Efesus 4:31

Péléng a merara un até, a raranguan, an upi', a mengoro-ngoro' wo mahkua an zéi'kan ulit tumoro sé tou walina én zéi'enola im wia ni kamu, téntu kangkasii péléng a léwo'an én izou-zou' im wia ni kamu.

Kolose 3:15

Wangunela ung kaluasan witu un até u méiwéhémé ni Kristus mahkawasa wia ni kamu, pahpaan ni kamu én tinawahmo ni Opo Empung i maéndo esa awak. Wo ni kamu é léwo'zéi' i mahkuala u makasé wia ni Sia.

Kolose 3:8

Taan in tarékan, itula'umola péléng ang kenu: an upi', a raranguan, a léwo'an, mahtawuruk, wo a sasalou a mahondolé witu u sumah niou.

1 Tesalonika 2:13

Wéwéhan kasii u nimangun ni kai zéi'kan kumana' i mahkua u makasé wia si Opo Empung, pahpaan i ni kai mahwoka'mé u Nuwu' ni Opo Empung wia ni kamu, ni kamu é simungkul u Nuwu' itii zéi'kan tanu u nuwu' um wia si tou a méyé, taan u Nuwu' um wia si Opo Empung a méyé. U Nuwu' itii én uli-ulit wia si Opo Empung a méyé, ung karegas i mahpaayang wia ni kamu in tou ma'éman.

Yakobus 1:16

Katuari-katuari ikararaatéku. Tia' kamu ikalulu!

Yakobus 1:2

Katuari-katuariku, mahpaa-paazola zozo' lakez am pema'wa'en pahpendanen niou.

Yakobus 1:26

Sa si tou mahgenangla i ni sia é mahragés wia si Opo Empung, taan zéi'kan makaimek u lila'na, ni sia é mahtowomo witu un touna in esa. U raragésna wia si Opo Empung én zéi'kan siapa torona.

Yakobus 2:1

Katuari-katuariku, ni kita in tou ma'éman wia si Yesus Kristus Mahpiarata si pahsigi'en wo pahloozen én tia' meméléng tou.

Yakobus 2:5

Katuari-katuari ikararaatéku! Talingana, zéi'kankuaa si Opo Empung é niméléng sé tou sé pahkuan né tou wia ung kaayahan kenu in tou zéi'kan siapa apa, i maéndo tou wa'ilan witu um pa'émanen, wo maéndo tou-Na witi Kakolanoan-Na, tanu u méitaaz-Na wia sé tou rumaraaté ni Sia?

Yakobus 3:10

Im witu u sumah esa é mahondolé a lolooz wo an epa'. Katuari-katuariku, ang kenu én zéi'kan toro mamuali wia ni kita.

Yakobus 4:11

Katuari-katuari, tia' kamu mahtatawurukan! Séi si mahtawuruk kaapa mapahsasala' si katuarina esa pa'émanen, ni sia é mahtawuruko wo mapahsasala'mo un ukum ni Opo Empung. Wo sa ko mapahsasala' un ukum itii, ni ko én zéi'kan mahwangun un ukum itii taan nimaéndomo menonotoz ulit kaapa zéi'kan un ukum itii.

Yakobus 5:12

Katuari-katuari, un totoz wéhan nioula genang én tia' kamu mahtiwa' karia u ngaran kasendukan kaapa ung kaayahan kaapa am walina. Sa éné éng kumuala éné, sa zéi'kan éng kumuala zéi'kan, wo kamu zéi'kan ukumen.

Yakobus 5:19

Katuari-katuariku, sa wéwéhan im wia ni kamu si zéi'mo mahkiit ung kaulitan, am wéwéhan si tou walina nimangunla ni sia i nimawurila sumaup witu ung kaulitan,

1 Yohanes 2:21

Ni aku é mantika an iwéhé wia ni kamu, zéi'kan pahpaan ni kamu én zéi'kan mata'u ang kaulitan, taan pahpaan niitu éng kata'uan niouo wo kasii pahpaan kata'uan niouo in zéi'kan siapa an towo a mahondolé wana an tutuzu' kaulitan.