Yakobus 1:18 - Taaz Weru Witu u Nunuwu'en Tombulu

¹⁸ Witu um paaz-Na in esa, ni Sia nimangun ni kita nimaéndo oki'-Na mengiité u nuwu' kaulitan. Winangun-Na téntu wo kita maéndo wua'na kataré im wana am winangun-Na.

Yakobus 1:18 Iomraidhean Croise

Yohanes 1:13

Ni séra nimaéndo oki' ni Opo Empung én zéi'kan uman pahpaan um paaz né tu'a, zéi'kan pahpaan um paaz un awak wo kasii zéi'kan pahpaan um paaz ni tuama, taan pahpaan um paaz ni Opo Empung.

Roma 4:17

Tanu u méikua ni Opo Empung u méipantik witu um Pinantik Lenas, “Ni ko én tinotoz i maéndo ama' né tahsasana wanua lakez.” Ni sia én ama'ta im witu u sinaru ni Opo Empung. Un taaz itii é méiwéhéla ni Opo Empung wia si Abraham wo totoz pa'émanenna un taaz ni Opo Empung, si timou sumaup sé nimaté. Ni Sia kasii si numuwu' umana é mangun an zéi'kan siapa é mawia.

1 Korintus 4:15

Pahpaan ni aku si nimaéndo ama' niou, zozo' sé nimahtuzu' ni kamu tumoro si Kristus ém woo mariwu-riwu tou. Ni aku si nimaéndo ama' im witu ung katou-touan niou i mahkiit si Kristus Yesus, pahpaan ni aku si nimahalimé wia ni kamu u Nuwu' Lé'os tumoro si Kristus.

2 Korintus 6:7

Ni kai é mahtuzu' uman an ulit karia ung kawasa ni Opo Empung. Un ulit pahwangunen nai niitu masuat wo u nimaéndo ipahkoro' i mahsaru sé tou kaapa ing kumelung un tou nai.

Efesus 1:12

Karia in téntu, ni kita sé im puuna niméré' uman wia si Kristus é lumooz ni Sia pahpaan ung kawangko'an-Na.

Efesus 1:13

Téntu kangkasii ni kamu é nimaéndomo tou ni Opo Empung i ni kamu timalingamola u nuwu' kaulitan um wia si Opo Empung a méyé, niitumo u Nuwu' Lé'os u nimilot ni kamu im witu un ukuman wana a singkéla'. I ni kamu nima'émanola u Nuwu' Lé'os itii, si Opo Empung é niméhémé si Roh Lenas wia ni kamu un tumuzu'mé i ni kamu én tou-Na, mengiit u mémoitaaz-Na.

2 Timutius 2:15

Mahtututu'la, wo ko wangun witu u sinaru ni Opo Empung in tou si zéi'kan maizang i mahpaayang wia ni Sia, si zéi'kan mahwuni-wuni i mahwoka' u nuwu' tumoro ung kaulitan itii.

Ibrani 12:23

Ni kamu kasii é mahilekan karia né tou sé nimaéndo oki' tu'a ni Opo Empung, a ngaran néra mémoipantik witi kasendukan. Wo ni kamu é mahilekan karia ni Opo Empung, si mahtotoz am pahwangunen péléng né tou in ulit kaapa zéi'kan wo mahilekan karia né roh né tou niéndo ulit sé zéi'mo siapa um pahséro'an.

Yakobus 1:15

Sa u lelo léwo'na itii éng kiniitannala, niitu é mua'mé u singkéla'. Sa u singkéla' itii lekepo, niitu é mua'mé um patéan.

Yakobus 1:21

Niitumo, itia'la péléng a makazi'zisen wo a léwo' totoz lakez am pemangu-mangunen niou. Wo sungkulela u nuwu' ni Opo Empung u mémoiwéhé witu un até niou karia u roros até. Pahpaan u nuwu' itii ém wéwéhan kawasa i milot ni kamu im witu un ukuman wana a singkéla'.

Yakobus 3:14

Taan sa kamu téutéu wo akaz uman mahgenang un tou niou in esa, tia' kamu mahwera-wera' un tou niou, wo tia' mahtowo i mahsaru ang kaulitan.

1 Petrus 1:23

Pahpaan niitumo, ni kamu nimakailekola ung katou-touan weru. Ung katou-touan weru itii én zéi'kan wia si tou si toro uman maté a méyé, taan witu u Nuwu' ni Opo Empung um pa'émanenta a méyé. U Nuwu' itii é menou-nou wo memia-mia makaz ing kauré-uré.

1 Petrus 1:3

Loozela si Opo Empung, si Ama' ni Yesus Kristus Mahpiarata. Pahpaan ung kawangko'an u raraatéan-Na makaz ni kita én toro nimakailek ung katou-touan weru mengiité si Yesus Kristus si méitoumé sumaup ni Opo Empung im wia sé nimaté. Niitu u mahenté' um pahéré'anta i menou-nou.

1 Yohanes 3:9

Sé tou nimaéndomo oki' ni Opo Empung én zéi'mo memua-muali a singkéla'. Pahpaan si Opo Empung é menou-nou witu un touna un tanumokan ni Sia én timanemé um watuna tatanemen witu un até ni tou an tumoumé. Ni sia én zéi'mo mata'u memua-muali a singkéla', pahpaan ni sia é nimaéndomo oki' ni Opo Empung.

Wahyu 14:4

Ni séra én tanumokan si tuama zéi'kampé' nimahteke-tekela karia ni wéwéné pahpaan kapaaz néra ung katou-touan néra ém weresi. Ni séra é sé mahkii-kiit si Anak ni Domba wisa uman un angéan-Na. Ni séramo sé tinubus im wia sé tou i maéndo tanu raragés kataré-taré wia si Opo Empung wo si Anak ni Domba.