Yakobus 1:1 - Taaz Weru Witu u Nunuwu'en Tombulu

¹ U sigi'ku Yakobus, si ata ni Opo Empung wo ni Yesus Kristus si Mahpiara. Um pinantik kenu iwéhé wia sé mapulu' wo zua suzu ni Israel sé ma'émano wia si Kristus sé wana a séséngkotan.

Yakobus 1:1 Iomraidhean Croise

Matius 10:3

si Filipus wo si Bartolomeus, si Tomas wo si Matius si im puuna menanagi am pajak, si Yakobus oki' ni Alfeus, si Tadeus,

Matius 13:55

Zéi'kankuaa ni Sia én oki' ni bas kai? Zéi'kankuaa si ina'-Na é makangaran Maria, wo sé katuarina é si Yakobus, si Yusuf, si Yudas wo si Simon?

Matius 19:28

Kuan ni Yesus wia ni séra, “Uli-ulit ikua-Kuma wia ni kamu, im péléng am péléng pinakawerumoma ni Opo Empung, i si Oki' ni Tou rumumez witu u rurumezan-Na ing Kolano um pahsigi'en wo pahloozen, ni kamu i mahkii-kiit ni Aku é marumumez kangkasii witu u mapulu' wo zua rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.

Markus 3:18

si Andreas, si Filipus, si Bartolomeus, si Matius, si Tomas, si Yakobus oki' ni Alfeus, si Tadeus, si Simon si wia sé sana réwok tou Zelot sé mahsaru sé tou Roma,

Lukas 22:30

Karia in téntu ni kamu én toro mahkan wo mahelep mahwali-wali karia-Ku witi Kakolanoang-Ku. Ni kamu kasii é marumumez witu u rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.”

Lukas 6:15

si Matius, si Tomas, si Yakobus oki' ni Alfeus, si Simon si wia sé sana réwok tou Zelot sé mahsaru sé tou Roma,

Yohanes 12:26

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

Yohanes 7:35

Niitumo, sé tonaas né tou Yahudi é mahkukuaan wia si esa wo si esa, “Wisa un angéan-Na taka-takazan ni kita én zéi'kan mata'u mahilekan karia-Na? Apa Sia mangé wia sé tou Yahudi witi séngkotan sé mahento' wia sé tou Yunani in tumuzu' sé tou Yunani?

Kisah Rasul-rasul 1:13

I ni séra méikaayomola witi Yerusalem, a séra mangé witi pahento'an néra a menéka witu um porés witu un atas um walé itii. Ni séra é: si Petrus, si Yohanes, si Yakobus, si Andreas, si Filipus, si Tomas, si Bartolomeus, si Matius, si Yakobus oki' ni Alfeus, si Simon tou né sana réwok tou Zelot wo si Yudas oki' ni Yakobus.

Kisah Rasul-rasul 12:17

Taan si Petrus é nimayatla u lengenna wo séra menesla. An isiritanala wia ni séra kura si Mahpiara i simawangé ni sia nimondolé witi bui. Ang kuan kasii ni Petrus wia ni séra, “Ipapata'ula a nimamuali kenu wia si Yakobus wo wia sé katuarita esa pa'émanen.” Makakuala niitu, a sia mondolé im witu a mangé witi tampa walina.

Kisah Rasul-rasul 15:13

Sumampeta si Paulus wo si Barnabas i mahnuwu', ang kumuamé si Yakobus, “É katuari-katuari, talingana ni aku:

Kisah Rasul-rasul 15:21

Pahapaan rengané im puuna un ukum ni Musa é mémoikua wana péléng am wanua tua'na. Wo makaz in tarékan un ukum itii ém pahbacan wana am walé peraragésan né tou Yahudi sekez in endo Sabat.”

Kisah Rasul-rasul 15:23

Ni séra ém winéhanna um pinantik in téntii, “Sigi' wangko' nai in aatu ni Yesus wo né penatua wo né katuari niou, ipapaayo wia ni kamu katuari-katuari esa pa'émanen sé tou zéi'kan Yahudi sé witi Antiokhia, Siria wo Kilikia.

Kisah Rasul-rasul 2:5

In endo mahpésta itii, lakez sé tou Yahudi sé uli-ulit mahragés wia si Opo Empung, sé siméngkot wana péléng am wanua wia ung kaayahan é niméyé witi Yerusalem.

Kisah Rasul-rasul 21:18

Masandomé, si Paulus wo ni kai é nimangé mahilekan karia ni Yakobus, im witu kangkasii péléng sé penatua é nimaréwoko.

Kisah Rasul-rasul 23:26

“U sigi'ku, Klaudius Lisias wia si gubernur Feliks pahsigi'engku.

Kisah Rasul-rasul 26:7

Sé mapulu' wo zua suzu ni Israel é mengento-ngento' un oras ni Opo Empung i mélumekep a méitaaz-Na itii. Wo karegas i ma'ento' a méitaaz itii, endo wo wengi ni séra én zéi'kan mazéi' i mahragés. O kolano Agripa, pahpaano um pahéré'an itii, sé tou Yahudi é mahtoké ni aku.

Roma 1:1

Um pinantik kenu ém wia ni aku Paulus, ata ni Kristus Yesus, si tinawah ni Opo Empung i maéndo aatu ni Yesus Kristus wo tinotoz i mahwoka' u Nuwu' Lé'os ni Opo Empung.

Galatia 1:19

In toro niitu, sé aatu walina ni Yesus Kristus én zéi'kan nimahilekané kariaku, akaz uman si Yakobus si katuari ni Yesus Mahpiara si nimahilekané kariaku.

Galatia 2:12

Pahpaan puunala sé woopira tou sé méiatumé ni Yakobus i niméyé, si Petrus é mahkan mahwali-wali karia né katuari esa pa'émanen sé zéi'kan tou Yahudi. Taan i nimawitula sé tou méiatumé ni Yakobus, si Petrus zimou'mé im wia sé katuari esa pa'émanen zéi'kan tou Yahudi itii wo soomo kuman mahwali-wali karia néra pahpaan ni sia é maindé' wia sé tou Yahudi sé sinunat sé méiatumé ni Yakobus.

Galatia 2:9

I nimilekola ung kamang méitambéré ni Opo Empung wia ni aku, si Yakobus, si Petrus wo si Yohanes sé pahkuan in tonaas ipahpuu-puuna né jamaat, nimaayoala lengen kariaku wo karia ni Barnabas, niitu un tumuzu'mé i ni kai é nimaesaano. Um pinaesaan nai é, ni kai mahwoka' u Nuwu' Lé'os tumoro si Yesus wia sé tou zéi'kan Yahudi wo ni séra é mahwoka u Nuwu' Lé'os tumoro si Yesus wia sé tou Yahudi.

Filipi 1:1

Um pinantik kenu ém wia ni aku Paulus wo si Timotius a mangé. Ni kai én ata ni Kristus Yesus. Um pinantik kenu én iwéhé wia sé tou linenas ni Opo Empung pahpaan nimaesa karia ni Kristus Yesus sé witi Filipi wo wia sé tonaas né jamaat wo wia sé diaken.

2 Timutius 4:21

Mahtututu'mé méyé wia'i in zéi'kampé' oras un zaté. Si Ebulus, si Pudes, si Linus, si Klaudia wo péléng sé katuari esa pa'émanen é mapaayoma u sigi' néra wia ni ko.

Titus 1:1

Um pinantik kenu ém wia ni aku Paulus a mangé, ata ni Opo Empung wo aatu ni Yesus Kristus. Ni aku é méiatu in tumuzu' sé tou pinéléng ni Opo Empung wo um pa'émanen néra é maenté', wo kasii séra toro mata'u tumoro an tutuzu' ulit am pengingilekenta im wana am peraragésanta wia si Opo Empung.

1 Petrus 1:1

Um pinantik kenu ém pinantikku, Petrus si aatu ni Yesus Kristus, iwéhé wia sé tou mahlepu-lepu wo méikasera im wia sé tou zéi'kampé' mata'u si Opo Empung sé witi tana': Pontus, Galatia, Kapadokia, Asia oki' wo Bitinia.

2 Petrus 1:1

Um pinantik kenu ém pinantikku, Simon Petrus, ata wo aatu ni Yesus Kristus, iwéhé wia sé mahwali-wali karia nai sé ma'émano. Ni kita nima'éman wia si Yesus Kristus pahpaan ni Sia é si Opo Empung wo si nimilot ni kita im witu un ukuman wana a singkéla' wo si zéi'kan mahsanaweka.

Yudas 1:1

Um pinantik kenu ém pinantikku, Yudas, ata ni Yesus Kristus wo katuari ni Yakobus, iwéhé wia sé tou tinawah wo ikararaaté ni Opo Empung Ama'ta wo sé pahtéizan-Na i maéndo anu ni Yesus Kristus.

Wahyu 7:4

An talingangkumé ung kalakez né tou tinandaan wana an tungtung néra é sana atus epatna pulu' wo epatna riwu tou, sé péléng uman wia sé suzu ni Israel a méyé.