Wahyu 9:5 - Taaz Weru Witu u Nunuwu'en Tombulu

⁵ Sé koropit itii é niénéan zéi'kan i munu' sé tou, taan in zuméha uman sé tou limana loloho'en ung kauréna. An zézéha pahpendanen néra én tanu ung kazéha i sinéhéz ni kalajengking.

Wahyu 9:5 Iomraidhean Croise

Yohanes 19:11

Si Yesus nimingkotla, “Ni ko én zéi'kan siapa kawasa zozo' in esa wia ni Aku, sa ung kawasa itii zéi'kan méiwéhémé ni Opo Empung. Pahpaano niitu, si tou nimayo ni Aku wia ni ko, u singkéla'na é lumouspé'mé u singkéla'mu.”

Wahyu 11:7

Sa séra nimakakuamoma an tinalinga wo am pina'ilek néra, wéwéhan si meneza' tou mondolé witu um woso um patéan, mékumoro' karia néra zua wo kumala ni séra wo munu' ni séra.

Wahyu 13:5

Si binatang makaindé'en itii é niénéan i mahkua ang kaweraan wo mahséro' wia si Opo Empung. Ni sia kangkasii ém winéhan ung kawasa i mangun niitu epatna pulu' wo zuana loloho'en ung kauréna.

Wahyu 13:7

Ni sia kasii é niénéan ing kumoro' wo kumala sé tou ni Opo Empung wo winéhan ung kawasa i merénta wia péléng sé tahsasana suzu wo sé tahsasana réwok mahtuari wo sé tahsasana nunuwu'en wo sé tahsasana wanua.

Wahyu 9:10

An ipus né koropit itii én tanumokan an ipus né kalajengking wo wéwéhan a séséhézna, wo wana an ipus néra itii ém wéwéhan ung kawasa in zuméha sé tou limana loloho'en ung kauréna.

Wahyu 9:3

Im wana an teremuz itii, mahondolé sé koropit timumpamé wia ung kaayahan. Sé koropit itii ém winéhan ung kawasa makawawa i mahséhéz tanu sé kalajengking sé wia ung kaayahan.