Wahyu 9:21 - Taaz Weru Witu u Nunuwu'en Tombulu

²¹ Ni séra kasii é soo tumula'u am pahwangunen néra, tanu a: mahwunu' tou, mahriara, mahsamek wo mahremu'.

Wahyu 9:21 Iomraidhean Croise

Matius 15:19

Pahpaan witu un até mahondolé péléng ang genang léwo', u mahwunu' tou, u mahmuali a sinéro' im pahmualin né zéi'kampé' kimawéng, u mahsamek, u mahremu', u mahkua an zéi'kan ulit tumoro a niilek wo an tinalingana, wo kasii u mahtawuruk.

2 Korintus 12:21

Ni aku kasii é maindé', sa ni aku méyé sumaup, si Opo Empung mapaiza-izang ni aku witu u sinaru niou makaz un atéku i rumara. Pahpaan, im wia ni kamu é lakezpé' sé memangu-mangunpé' a singkéla' rengan im puuna wo zéi'kampé' timula'u a saparuni, a samek wo mahwangun ang kaizangnokané.

Galatia 5:20

mahongkot wo mahsigi' wia sé opo-opo, mahriara, lakez kakoro', tangkoro'en, téutéu, uupi'en, memandung uman un tou in esa, mangun sé tou makahkoro', mahwangun sé tou makayo',

Wahyu 13:13

Si binatang kazua itii é mahwangun a makakompo'en an zéi'mo kakuaan. Lumousé niitu, witu u sinaru né tou lakez, ni sia é mahtumpamé un api witi langit wia ung kaayahan.

Wahyu 13:15

Wo si binatang kazua itii ém winéhan ung kawasa i méhé un asengan witu um patong ni binatang kataré itii. Karia in téntu, si patong ni binatang kataré itii én toro mahnuwu' wo toro mahwangun apa uman taka-takazan péléng sé tou sé zéi'kan mahongkot wo mahsigi' si patong ni binatang itii ém wunu'en.

Wahyu 13:7

Ni sia kasii é niénéan ing kumoro' wo kumala sé tou ni Opo Empung wo winéhan ung kawasa i merénta wia péléng sé tahsasana suzu wo sé tahsasana réwok mahtuari wo sé tahsasana nunuwu'en wo sé tahsasana wanua.

Wahyu 14:8

Wéwéhan kasii si malaekat kazua timondongé si malaekat kataré, ang kumuama, “Kemumo, Babel, um wanua tua'na itii éng kemumo! Sé tou witu é nimangunola péléng sé tahsasana wanua i mahsamek, tanumokan ni séra nimanguna sé tou nimatewelen karia un anggor.”

Wahyu 16:6

Ni séra é nimunu'mo sé tou ni Opo Empung wo sé nabi, ni séra kasii ém winéhan-Numola un zaha' in elepen. Un ukuman itii um wangun im wia ni séra!”

Wahyu 17:2

Sé kolano wia ung kaayahan é simamekola karia ni wéwéné sangaya itii. Maan sé mahento' wia ung kaayahan ém winangunnamola mahsamek pahpaan in tewelen nimelep un anggor méiwéhéna.”

Wahyu 17:4

Si wéwéné itii éng kimarai u roko' monong wo totoz rangdang. Ni sia ém pinerong a mas, am watu totoz mahal wo a mutiara. Witu u lengenna ém wéwéhan un eelepan mas am wangunen, u mawuta-wuta a léwo'an wo a makati'tiren pahpaan ung kasamekanna.

Wahyu 17:5

Wo witu un tungtungna ém pinantikan u ngaran ung kalakoana é méiwunipé'. U méipantik itii én téntii, “Babel totoz ipahkua-kua! Ina' péléng né wéwéné sangaya wo péléng a léwo'an wia ung kaayahan.”

Wahyu 18:3

Pahpaan péléng sé tahsasana wanua wia ung kaayahan ém winangunnamola mahsamek tanumokan in tewelen pahpaan nimelep un anggor méiwéhéna. Sé kolano wia ung kaayahan é nimahsamekola kariana. Wo sé tou mahwangké-wangkér wia ung kaayahan é nimawa'ilanola pahpaan sé tou witu um wanua tua'na itii én totoz lumelo in tumeles an ipahwangkér.”

Wahyu 19:2

Pahpaan ni Sia i mahtotoz ulit kaapa zéi'kan am pahwangunen né tou én ulit wo zéi'kan mahsanaweka. Ni Siamo si nimukum um wanua tua'na Babel un tanumokan si wéwéné sangaya si ipahkua-kua itii, si liméwo' sé tou wia ung kaayahan kenu karia ang kasamekanna; wo um wanua tua'na itii é niukum-Na pahpaan nimunu'mo sé ata-Na.”

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”

Wahyu 22:15

Taan sé tou tanumokan sé asu wo sé meriara, sé samek, sé mahwunu' tou, sé mahongkot wo mahsigi' sé opo-opo, wo sé totoz paaz an towo wo mahwangun niana, zéi'kan toro muntep witu um wanua tua'na itii.

Wahyu 9:20

Taan sé tou walina sé zéi'kan nimaté pahpaan an zézéha itii é soopé' tumula'u am pahwangunen néra. Ni séra én zéi'kan mazéi' i mahongkot wia sé sétang, sé patong né opo-opo sé mas, péra', perunggu, watu, wo kai am wangunen; sé zéi'kan makailek kaapa zéi'kan makatalinga kaapa zéi'kan mata'u lumampang.