Wahyu 8:5 - Taaz Weru Witu u Nunuwu'en Tombulu

⁵ Tumondong niitu si malaekat itii méndomé um pahtunuan ang kamania, tutungannala karia un api niéndonamé witu um pahtunuan a raragés, a niitu ilombo'namé wia ung kaayahan. A zumanimé un erut nimahwalimé karia un tila'pong wo un éhzo'.

Wahyu 8:5 Iomraidhean Croise

Matius 24:7

Pahpaan sé tahsasana wanua é makumoro' wo sé tahsasana wanua walina wo ung kakolanoan esa é makumoro' wo ung kakolanoan walina. Ung kaahreman wo an éhzo' é mamuali wana a lakez tampa.

Lukas 12:49

Ang kuan ni Yesus, “Ni Aku niméyé é mangun sé tou ma'éman wia ni Aku wo sé tou zéi'kan ma'éman é makahkoro', niitu é masuat wo ni Aku merita un api wia ung kaayahan wo ung kapaaz-Ku un api itii é mahlayaso.

Kisah Rasul-rasul 16:26

Kumompo'mé é mahéhzo'mo totoz repet makaz an to'tolan um bui itii én ogémokan. In toro niitukan, péléng am pepenet é nimawukama wo a méiranté wia péléng sé binui é nimawukama.

Kisah Rasul-rasul 4:31

Karegas i mengaléi, un tampa kinaréwokan néra é mahogémo. Ni séra péléng éng kinawasamo ni Roh Lenas, a séra mahwoka' u Nuwu' ni Opo Empung karia in zéi'kan siapa un ikaindé'.

Wahyu 11:13

In toro niitu, a méhzo'mé totoz repet. U sana pahpulu' um wanua tua'na itii é nimakemu, wo sé pituna riwu tou é nimaté pahpaan un éhzo' itii. Sé tou walina én totoz maindé', a séra mahsigi' wo mahlooz si Opo Empung si witi kasendukan.

Wahyu 11:19

A mawukama um Walé ni Opo Empung um witi kasendukan. Ilekengkuma un Tatahu'an liné'osan um pinataazan ni Opo Empung witi untep um Walé-Na itii. A mahsena'mé an tila'pong wo mahzanimé an erut, méhzo'mé wo mahuzané éis totoz repet.

Wahyu 4:5

Im witu u rurumezan ni Kolano um witu un unez itii, mahpetoté un tila'pong wo mahenderé un erut. Witu sinaru u rurumezan itii ém wéwéhan am pitu obor melaya-layas, niitu é sé pitu Roh ni Opo Empung.

Wahyu 6:12

An ilekengku kasiima si Anak ni Domba itii i nimukama u segel kaenem. A méhzo'mé totoz repet wo si endo é nimazemdem tanu u roko' zemdem wo si loloho'en é nimarangdang tanumokan un zaha'.

Wahyu 8:3

Méyé si malaekat walina, a sia rumendaila witu rété um pahtunuan a raragés, mahali-ali um pahtunuan ung kamania u mas am wangunen. Wia ni sia ém winéhan ang kamania lakez in iragés karia péléng am pengaléien né tou ni Opo Empung, witu um wawo um pahtunuan a raragés u mas am wangunen, witu sinaru u rurumezan ni Kolano itii.