Wahyu 8:13 - Taaz Weru Witu u Nunuwu'en Tombulu

¹³ An ilekengkuma ém wéwéhan si kiokiok menéwé-néwél rakék witi langit, talingangkumé sia i mahkérété, “Ikaléwo', ikaléwo', ikaléwo'mo sé tou wia ung kaayahan! Pahpaan telupé' sé malaekat sumengo am pontuang néra.”

Wahyu 8:13 Iomraidhean Croise

Ibrani 1:14

Sa téntu, séi ndéén sé malaekat kenu wé? Ni séra é roh sé mahsawang si Opo Empung. Ni séra méiatu ni Opo Empung i mésumawang sé tou ma'éman sé méipilot im witu un ukuman wana a singkéla'.

Wahyu 11:14

U meléwo' kazua é limangkoioma. Taan ilekena, u meléwo' katelu é mahéyémo.

Wahyu 12:12

Niitumo, o kasendukan, mahpaa-paazola, wo ni kamu péléng sé mahento' witu. Taan ikaléwo'la kamu sé wia um wawo un tana' wo sé witi tasik! Pahpaan karia in totoz maupi' si tonaas né sétang én timumpamoma wia ni kamu. Pahpaan un orasna i mahwangun a léwo' én zéi'mo mauréma.”

Wahyu 14:3

Ni séra é mahkantar ung kakantaren weru witu u sinaru u rurumezan ni Kolano wo witu u sinaru né epat tumou-tou wo né pahtutu'an itii. Zéi'kan siapa zozo' in esa si toro mahtata'u ung kakantaren itii, akaz uman sé sana atus epatna pulu' wo epatna riwu tou sé tinubus im wia ung kaayahan sé toro mahtata'u niitu.

Wahyu 14:6

An ilekengkuma si malaekat walina menéwé-néwél witi langit. Ni sia é nimahalimé u Nuwu' Lé'os tumoro si Yesus u makaz ing kauré-uré. U Nuwu' Lé'os itii én iwoka' wia sé tou mahento' wia ung kaayahan wo wia sé tahsasana wanua wo wia sé tahsasana suzu wo wia sé tahsasana nunuwu'en wo wia sé tahsasana réwok mahtuari.

Wahyu 19:17

Ilekengkuma si malaekat esa rimendai witu um wawo ni endo, a sia kuméréta totoz rimez wia péléng sé menéwé-néwél witi langit, “Méyémo wia'i, maréwoké mémahwali-wali witu um pésta wangko' ni Opo Empung,

Wahyu 3:10

Pahpaan ni kamu én zéi'kan mazéi' i mahkiit a nuwu'-Ku in ezen ma'ento' ni Aku, niitumo, ni kamu éng kelungang-Ku im wana am pema'wa'en a mamuali wia péléng ung kaayahan i méma'wa' sé tou memia-mia ung kaayahan.

Wahyu 8:2

An ilekengkuma sé pitu malaekat rimendai witu u sinaru ni Opo Empung. Ni séra ém winéhan tata'saan um pontuang.

Wahyu 9:1

A si malaekat kalima sumengoma um pontuangna, ilekengkuma si tototi'en nimaragosé witi langit timoromé ung kaayahan. Wia si tototi'en itii ém winéhan ung kusi' um woso um patéan.

Wahyu 9:12

U meléwo' kataré é limangkoioma, taan wéwéhampé' zua u meléwo' mahtondongé.