Wahyu 8:12 - Taaz Weru Witu u Nunuwu'en Tombulu

¹² Si malaekat kaepat sumengoma um pontuangna, an toroana u sana pahtelu ni endo, u sana pahtelu ni loloho'en, wo u sana pahtelu né tototi'en taka-takazan u sana pahtelu un endo én zéi'mo tahlous ayah, téntu kangkasii u sana pahtelu um wengi én totoz nimarimbengbenga.

Wahyu 8:12 Iomraidhean Croise

Matius 24:29

Ang kuan ni Yesus, “Sa nimazéi'moma an zézéha witu un oras itii, si endo é marimbengbeng wo si loloho'en én zéi'mo sumena'. Sé tototi'en é magogo im witi langit wo ang kawasa witi langit é makayo'.

Matius 27:45

Rengané witu un jam mapulu' wo zua i lolambot makaz witu un jam katelu im wengindo, péléng um witi tana' itii é nimarimbengbeng.

Markus 13:24

Si Yesus kumua kasiila, “Taan kumawusa un oras in zézéha itii, si endo é marimbengbeng wo si loloho'en én zéi'mo sumena'.

Markus 15:33

Péléng un tana' itii é nimarimbengbenga rengan witu un jam mapulu' wo zua i lolambot makaz witu un jam katelu im wengindo.

Lukas 21:25

“Im wia si endo, si loloho'en wo sé tototi'en ém wéwéhan a mamuali. Im wia ung kaayahan péléng sé tahsasana wanua é maindé' wo malinganga i mahsaru un ender wo u sempa'na un tasik.

Kisah Rasul-rasul 2:20

Si endo é marimbengbeng wo si loloho'en é marangdang tanu un zaha'. Péléng niana é mamuali puunala un endo ni Opo Empung. Un endo itii én endo wangko' zéi'mo kakuaan.

2 Korintus 4:4

Sé tou itii zéi'kan ma'éman pahpaan ung genang néra éng kinawasapé' ni tonaas né sétang si kimawasa wia ung kaayahan kenu. Niitumo, zéi'kan kailekan néra u sena' u Nuwu' Lé'os tumoro ung kawangko'an ni Kristus si totoz masuat wo si Opo Empung.

Wahyu 12:4

Wo un ipusna é mahkéhongé sana pahtelu né tototi'en witi langit, an ilombo'nama sé tototi'en itii witi kaayahan. Si naga tua'na itii é rimendai witu u sinaru ni wéwéné si mahento-ento'mokan in tumoumé si oki'na, i sumo'kep wo luma'meza si itoumé ni wéwéné itii.

Wahyu 16:10

Si malaekat kalima mamuwu'mé witu u rurumezan ing kolano ni binatang makaindé'en itii, u méitahu' witu un eelepan um wia ni sia. A marimbengbenga ung kakolanoan ni binatang itii, taka-takazan sé mahongkot wia si binatang itii é mahketep lila' pahpaan in totozo raraan.

Wahyu 6:12

An ilekengku kasiima si Anak ni Domba itii i nimukama u segel kaenem. A méhzo'mé totoz repet wo si endo é nimazemdem tanu u roko' zemdem wo si loloho'en é nimarangdang tanumokan un zaha'.

Wahyu 9:15

A maipilotnamé sé epat malaekat méiapus itii witu un jam, un endo, u loloho'en wo un ta'un un tinotozo, i mamunu' sé sana pahtelu im wia sé tou wia ung kaayahan.

Wahyu 9:18

Karia un telu meléwo' kenu: an api, an teremuz wo am walélang pasu' a mahondolé wana a sumah né kawalo itii, sé sana pahtelu tou wia ung kaayahan ém winunu'.