Wahyu 8:11 - Taaz Weru Witu u Nunuwu'en Tombulu

¹¹ U ngaran ni tototi'en itii é Apsintus. U sana pahtelu un zano kinaragosané ni tototi'en itii é nimapa'it. Lakez sé tou nimaté pahpaan i nimelep un zano nimapa'ito itii.

Wahyu 8:11 Iomraidhean Croise

Ibrani 12:15

Mile-ilekla wo zéi'kan siapa zozo' in esa im wia ni kamu si kinaliongan ung kamang tatambér ni Opo Empung. Pahpaan sa wéwéhan si téntu, ni sia é maéndo tanu tinanem melangu un toro lumangu sé tou lakez wo mangun sé tou lakez maléwo'.

Wahyu 12:4

Wo un ipusna é mahkéhongé sana pahtelu né tototi'en witi langit, an ilombo'nama sé tototi'en itii witi kaayahan. Si naga tua'na itii é rimendai witu u sinaru ni wéwéné si mahento-ento'mokan in tumoumé si oki'na, i sumo'kep wo luma'meza si itoumé ni wéwéné itii.

Wahyu 8:7

A si malaekat kataré sumengoma um pontuangna, an tumumpamé un uzan éis wo un api sinembor un zaha'. Péléng niitu é méilombo'mé wia ung kaayahan. A mala'unga u sana pahtelu ung kaayahan, u sana pahtelu ang kai wo kasii péléng an zukut mata'pé'.

Wahyu 9:15

A maipilotnamé sé epat malaekat méiapus itii witu un jam, un endo, u loloho'en wo un ta'un un tinotozo, i mamunu' sé sana pahtelu im wia sé tou wia ung kaayahan.

Wahyu 9:18

Karia un telu meléwo' kenu: an api, an teremuz wo am walélang pasu' a mahondolé wana a sumah né kawalo itii, sé sana pahtelu tou wia ung kaayahan ém winunu'.