Wahyu 7:2 - Taaz Weru Witu u Nunuwu'en Tombulu

² An ilekengkuma si esa malaekat walina nimondolé witi pahondolané ni endo. Si malaekat itii é mahali-ali un ipahtanda anu ni Opo Empung si menou-nou. A si malaekat itii kuméréta wia sé malaekat epat sé winéhano ung kawasa i luméwo' un tana' wo un tasik,

Wahyu 7:2 Iomraidhean Croise

Matius 16:16

A mingkotla si Simon Petrus, “Ni Komo si Mesias, Oki' ni Opo Empung si menou-nou.”

Matius 26:63

Taan si Yesus é memene-menes uman. A si Walian Wangko' itii kumua kasiima wia ni Sia, “Karia u ngaran ni Opo Empung si menou-nou, ikuamé wia ni kai, apa ni Ko é Mesias, si Oki' ni Opo Empung, kaapa zéi'kan?”

Yohanes 6:27

Ni kamu én tia'mo mahpaayang i menéro an tikohon rewek maapu wo toro uman mawuul, taan maayangla i menéro an tikohon zéi'kan mawuul, a mahwéhémé ung katou-touan makaz ing kauré-uré un iwéhé ni Oki' ni Tou wia ni kamu. Pahpaan ni Siamo si winéhan kawasa ni Opo Empung, si Ama'.”

2 Korintus 1:22

Si Opo Empung si niméhé si Roh Lenas witu un atéta un tumuzu'mé i ni kai én toro makailek péléng a méitaaz-Na wia ni kai. Si Roh Lenas én tanu u meterai un tumuzu'mé i ni kita én tou-Na.

Efesus 1:13

Téntu kangkasii ni kamu é nimaéndomo tou ni Opo Empung i ni kamu timalingamola u nuwu' kaulitan um wia si Opo Empung a méyé, niitumo u Nuwu' Lé'os u nimilot ni kamu im witu un ukuman wana a singkéla'. I ni kamu nima'émanola u Nuwu' Lé'os itii, si Opo Empung é niméhémé si Roh Lenas wia ni kamu un tumuzu'mé i ni kamu én tou-Na, mengiit u mémoitaaz-Na.

Efesus 4:30

Tia'mo mahwangun un até ni Roh ni Opo Empung i rumara pahpaan si Roh ni Opo Empung si tumuzu'mé i ni kamu én anu ni Opo Empung makaz witu un endo kaakazan ung kaayahan i si Opo Empung méhé ung katou-touan makaz ing kauré-uré.

1 Tesalonika 1:9

Pahpaan ni sérakan sé simiritala kura kamu i simungkul ni kai wo kura kamu in timula'u sé opo-opo a menéro si Opo Empung si menou-nou wo ulit, i maayang wia ni Sia.

2 Timutius 2:19

Taan un to'tolan winangun ni Opo Empung én totoz enté', witu um wawona ém pinantikan téntii, “Si Mahpiara én totoz mata'u sé tou anu-Na” wo “Péléng sé tou mahkua i ni sia én anu ni Mahpiara é léwo'zéi' in tumula'ula a léwo'an.”

Ibrani 12:22

Taan ni kamu é niméyémo wia ung kentur Sion, witi wanua tua'na ni Opo Empung si menou-nou, niitumo u Yerusalem witi kasendukan wo mahilekan karia né mariwu-riwu malaekat sé nimaréwok i mahpaa-paaz.

Wahyu 1:3

Mahpaa-paazola sia si nimacama wo séra sé timalingama a méipantik tumoro a mamuali wo mahkiit a méipantik witu. Pahpaan péléng niana én zéi'mo uré i mamuali.

Wahyu 10:1

An ilekengkuma si malaekat ketezen walina timumpamé im witi kasendukan, sinaput u ninahak, wo witu um wawo un uluna ém wéwéhan un zuni', ung giona é mahsena' tanu si endo, wo un a'éna én tanumokan un tombol melaya-layas.

Wahyu 10:4

I nimakanuwu'momé un erut pitu itii, ipahpapantikkumo a méikuamé un erut itii, taan talingangkumé um witi kasendukan éng kimuamé, “Tia'mo ipahpapantikmu itu! Totoz in iwunimula an ipahkuamé an erut pitu itii.”

Wahyu 16:12

Si malaekat kaenem mamuwu'mé witi so'so'an selah u makangaran Efrat, a méitahu' witu un eelepan um wia ni sia, a maperama u so'so'an itii. Karia in téntu, sé kolano sé witi sendangan a méyé én toromo lumampang witu.

Wahyu 5:2

An ilekengku kasiima si malaekat ketezen. Ni sia é meligau karia i mahkérét, “Séi si wangun i muka am pitu segel wo muka ung kitap ginulung itii?”

Wahyu 8:3

Méyé si malaekat walina, a sia rumendaila witu rété um pahtunuan a raragés, mahali-ali um pahtunuan ung kamania u mas am wangunen. Wia ni sia ém winéhan ang kamania lakez in iragés karia péléng am pengaléien né tou ni Opo Empung, witu um wawo um pahtunuan a raragés u mas am wangunen, witu sinaru u rurumezan ni Kolano itii.

Wahyu 9:14

U nuwu' itii éng kimuama wia si malaekat kaenem si timion um pontuang in téntii, “Maipiloté sé malaekat epat sé méiapus witi tembir u so'so'an selah Efrat!”

Wahyu 9:4

Sé koropit itii ém pinerénta in tia' mahléwo' an zukut, an tinanem kaapa ang kai wia ung kaayahan. Sé toro uman i séhézen néra é sé tou zéi'kan winéhan un tanda ni Opo Empung witu un tungtung néra.