Wahyu 7:12 - Taaz Weru Witu u Nunuwu'en Tombulu

¹² karia i mahkua, “Amin! A lolooz, ang kawangko'an, ang katulapan, a makasé, a sisigi'an, ang kawasa wo ang kaenté'an ém wia uman si Opo Empungta makaz ing kauré-uré! Amin!”

Wahyu 7:12 Iomraidhean Croise

Matius 6:13

wo tia'mo ipahwali ni kai witu um pema'waan, taan ipiloté ni kai im wia si léwo'. [Pahpaan ni Komo si makaanu ung Kakolanoan, wo ung kawasa, wo ung kawangko'an makaz ing kauré-uré. Amin.]

Roma 11:36

Pahpaan péléng am péléng ém winangun-Na, wo wia ni Sia a méyé, wo wia ni Sia uman. U looz wo sigi' ém wia ni Sia uman makaz ing kauré-uré. Amin.

1 Korintus 14:16

Pahpaan, sa si rohmu kumua u makasé wia si Opo Empung karia u nunuwu'en un akaz uman si Roh Lenas si mata'u, un zéi'kan kata'uan ni tou mahtalinga niitu, kura si tou itii toro kumua ‘amin’?

2 Korintus 4:15

Péléng niitu é mamuali pahpaan ung kawangunan niou. Niitu mamuali wo lakez sé tou mamé'an ung kamang tatambér-Na. Karia in téntu, kalakezna sé tou mahkua u makasé wia si Opo Empung. Ang kenu é mangun ing kalakezna sé tou mahsigi' si Opo Empung.

Kolose 2:7

Um pa'émanen niou é léwo'zéi' in enté' tanu un ahmut ung kai in timeptep witu un tana', menou-nou mahkiit uman ni Sia. Um pa'émanen niou kangkasii é léwo'zéi' ing kaenté'na tanu u mémoituzu' wia ni kamu, wo ni kamu kangkasii én tia' mazéi' i mahkua u makasé.

Kolose 3:17

Péléng am pahnuwu'en niou kaapa péléng am pahwangunen niou, péléng niitu ém wangunela mengiit u ngaran ni Yesus Mahpiara, karia i mahkua u makasé wia si Opo Empung, si Ama'ta mengiité si Yesus.

Yudas 1:25

Si Opo Empung si esa uman, si nimiloté ni kita im witu un ukuman wana a singkéla', mengiité si Yesus Kristus Mahpiarata. Wia ni Sia uman u sigi' wo looz, ung kawangko'an, ung kaketezan wo ung kawasa um wiamo rengané im puuna, in tarékan wo makaz ing kauré-uré. Amin.

Wahyu 1:18

wo Si Menou-nou. Ni Aku é nimatémoma, taan ilekené, ni Aku é Menou-nou makaz ing kauré-uré wo ni Aku si timion péléng ang kusi' um patéan wo um pahwéha-wéhan né tou nimatémo.

Wahyu 19:4

Ang kumuruzla sé zuana pulu' wo epat pahtutu'an wo sé epat tumou-tou itii wo mahsigi' si Opo Empung si rimumez witu u rurumezan-Na ing Kolano. Ang kuan néra, “Amin! Haleluya!”