Wahyu 7:10 - Taaz Weru Witu u Nunuwu'en Tombulu

¹⁰ Karia i rimez ni séra mahkua in téntii, “Si toro milot ni kita im witu un ukuman wana a singkéla' én akaz uman si Opo Empungta si rimumez witu u rurumezan-Na ing Kolano wo si Anak ni Domba.”

Wahyu 7:10 Iomraidhean Croise

Lukas 3:6

Wo péléng sé tou é milek si Opo Empung i milot sé tou im witu un ukuman wana a singkéla'.”

Yohanes 1:29

Masandonamé, si Yohanes nimilek si Yesus méyé wia ni sia. A si Yohanes kumuala, “Ilekena si Anak ni Domba ni Opo Empung, si zuméi' a singkéla' né tou wia ung kaayahan.

Yohanes 1:36

I ni sia mileka si Yesus lumangkoi, ang kuana, “Ilekena si Anak ni Domba ni Opo Empung!”

Yohanes 4:22

Ni kamu in tou Samaria mahragés wia si zéi'kan kata'uan niou, ni kai in tou Yahudi é mahragés wia si kata'uan nai, pahpaan si tou mémilot sé tou im witu un ukuman wana a singkéla' ém wia sé tou Yahudi a méyé.

Efesus 2:8

Pahpaan ung kamang méitambér ni Opo Empung, ni kamu méipiloté im witu un ukuman wana a singkéla' mengiité um pa'émanen niou, zéi'kan pahpaan um winangun niou taan méitambér umané ni Opo Empung.

Wahyu 12:10

An talingangkumé u nuwu' rimez witi kasendukan u mahkuamé, “In tarékan én orasnamo si Opo Empung i milot sé tou-Na im witu un ukuman wana a singkéla' i mapailek ung kawasa-Na, merénta ing kolano wo si Kristus si méitaaz-Na i mapailek ung kawasa-Na ing kolano wia ung kaayahan. Pahpaan si tonaas né sétang si im puuna endo wo wengi rimendai witu u sinaru ni Opo Empung i mahtoké sé katuari esa pa'émanen é méiondolomé an ilombo'mé wia ung kaayahan.

Wahyu 19:1

Kumawusa niitu, an talingangkumé u nuwu' totoz rimez tanu u nuwu' né tou totoz lakez witi kasendukan, mahkuamé, “Haleluya! Si Opo Empungta uman si milot sé tou im witu un ukuman wana a singkéla', si pahsigi'en wo pahloozen, wo si mahkawasa.

Wahyu 21:5

Ni Sia si rimumez witu u rurumezan-Na ing Kolano éng kimuamé, “Ilekena, péléng am péléng ém pahwerung-Kumo!” Ang kuan-Na wia ni aku, “Ipantikla, pahpaan péléng a méikuama kenu én toro pa'émanen wo ulit.”

Wahyu 22:3

Im witu um wanua tua'na itii zéi'mo siapa sé matoron un epa'. U rurumezan ni Opo Empung ing Kolano wo u rurumezan ni Anak ni Domba ing Kolano é maizeta' witu un untep um wanua tua'na itii. Wo sé ata-Na é marumagés wia ni Sia.

Wahyu 4:6

Wo witu sinaru u rurumezan itii ém wéwéhan un tasik kaca, ung kalénona é masuat wo ung kristal. Wo wana a liklik u rurumezan um witu un unez itii ém wéwéhan sé tumou-tou epat. Witu um puuna wo u muri un awak néra é mawuta-wuta am weren.

Wahyu 5:7

A si Anak ni Domba itii maméndomé ung kitap ginulung itii, im witu u lengen kakan ni Kolano si rimumez witu u rurumezan-Na.