Wahyu 6:4 - Taaz Weru Witu u Nunuwu'en Tombulu

⁴ A mondol kasiimé si kawalo esa walina. Si kawalo itii é rangdang tanumokan u layasna un api. Si simaké wia si kawalo itii ém winéhan ung kawasa i maméndo u mahlé'o-lé'osan né tou wia ung kaayahan, makaz sé tou mahwuwunu'an, wo ni sia kangkasii ém winéhan um pisou tua'na.

Wahyu 6:4 Iomraidhean Croise

Matius 10:34

“Tia' kamu mahgenangla ni Aku i niméyé é mahalimé u mahlé'o-lé'osan wia sé tou wia ung kaayahan. Ni Aku i niméyé én zéi'kan nimahalimé u mahlé'o-lé'osan taan nimahalimé am pahkoro'an né tou wia ung kaayahan.

Matius 24:6

Ni kamu én tumalinga im wéwéhan sé mahkoro' kaapa a sirita tumoro sé mahkoro'. Taan, tuméga-tégam wo tia'mo maarét, pahpaan péléng niana é léwo'zéi' i mamuali, taan niitu én zéi'kampé' un orasna ung kaakazan ung kaayahan.

Yohanes 19:11

Si Yesus nimingkotla, “Ni ko én zéi'kan siapa kawasa zozo' in esa wia ni Aku, sa ung kawasa itii zéi'kan méiwéhémé ni Opo Empung. Pahpaano niitu, si tou nimayo ni Aku wia ni ko, u singkéla'na é lumouspé'mé u singkéla'mu.”

Wahyu 12:3

An ileken kasiima un tanda walina witi langit. Pahilekena im wéwéhan si naga tua'na totoz rangdang. An ulu ni naga tua'na itii ém pitu, a sungéna é mapulu' wo wana am wawo an uluna itii ém péléng wéwéhan am poporongen né kolano.

Wahyu 13:10

Séi si tinotozo im buin, tantumo ni sia é maiuntep bui. Séi si tinotozo im wunu'en karia um pisou, ni sia é léwo'zéi' im wunu'en karia um pisou. Niitumo un totoz ipahpuu-puuna, sé tou ni Opo Empung é léwo'zéi' in ezen wo tia' mazéi' i ma'éman.

Wahyu 17:3

A ni aku kawasanla ni Roh ni Opo Empung, an ipahwalima ni malaekat itii witi kapelasan. Im witu niilekkumé ém wéwéhan si wéwéné rimumez wia si binatang si totoz rangdang, si pinantikan mawuta-wuta a ngaran séséro' wia si Opo Empung. An ulu ni binatang itii ém pitu wo a sungéna é mapulu'.

Wahyu 17:6

Ilekengkuma si wéwéné itii én teweleno pahpaan nimelep an zaha' né tou ni Opo Empung wo an zaha' né tou sé mahkua a niilek wo tinalinga néra tumoro si Yesus. Ni aku i nimileka si wéwéné itii én totoz mengusi-ngusingsing.