Wahyu 6:12 - Taaz Weru Witu u Nunuwu'en Tombulu

¹² An ilekengku kasiima si Anak ni Domba itii i nimukama u segel kaenem. A méhzo'mé totoz repet wo si endo é nimazemdem tanu u roko' zemdem wo si loloho'en é nimarangdang tanumokan un zaha'.

Wahyu 6:12 Iomraidhean Croise

Matius 11:21

Kuano kasii ni Yesus, “Ikaléwo'mo ni kamu in tou Khorazim! Ikaléwo'mo ni kamu in tou Betsaida! Pahpaan sa a makakompo'en winangun-Ku wana am wanua niou ém winangun-Ku witi Tirus wo Sidon, tantumo urémo ni séra ing kimarai ung karai pengangaraien witi pinatéan wo an ulu néra ém wuzwuzan néra an awu, un tumuzu'mé ni séra é mene'selo wo timula'umola a singkéla' néra.

Matius 24:29

Ang kuan ni Yesus, “Sa nimazéi'moma an zézéha witu un oras itii, si endo é marimbengbeng wo si loloho'en én zéi'mo sumena'. Sé tototi'en é magogo im witi langit wo ang kawasa witi langit é makayo'.

Matius 24:7

Pahpaan sé tahsasana wanua é makumoro' wo sé tahsasana wanua walina wo ung kakolanoan esa é makumoro' wo ung kakolanoan walina. Ung kaahreman wo an éhzo' é mamuali wana a lakez tampa.

Matius 27:45

Rengané witu un jam mapulu' wo zua i lolambot makaz witu un jam katelu im wengindo, péléng um witi tana' itii é nimarimbengbeng.

Matius 27:54

Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”

Matius 28:2

Kumompo'mé a méhzo'mé totoz repet pahpaan si malaekat ni Opo Empung si witi kasendukan én timumpamé a méyé witu um watu méipalot u lelewengan itii, a niitu isoro'nama a sia rumumezla witu um watu itii.

Markus 15:33

Péléng un tana' itii é nimarimbengbenga rengan witu un jam mapulu' wo zua i lolambot makaz witu un jam katelu im wengindo.

Wahyu 11:13

In toro niitu, a méhzo'mé totoz repet. U sana pahpulu' um wanua tua'na itii é nimakemu, wo sé pituna riwu tou é nimaté pahpaan un éhzo' itii. Sé tou walina én totoz maindé', a séra mahsigi' wo mahlooz si Opo Empung si witi kasendukan.

Wahyu 16:18

Mitpité u sena'na un tila'pong wo menderé un erut, a méhzo'mé totoz repet un zéi'kampé' kawisa nimahmua-mualila rengané sé tou i menou-nou wia ung kaayahan.

Wahyu 16:8

Si malaekat kaepat mamuwu'mé wia si endo u méitahu' witu un eelepan um wia ni sia. A si endo itii wéhana ung kawasa i luma'ung sé tou karia un api.

Wahyu 8:12

Si malaekat kaepat sumengoma um pontuangna, an toroana u sana pahtelu ni endo, u sana pahtelu ni loloho'en, wo u sana pahtelu né tototi'en taka-takazan u sana pahtelu un endo én zéi'mo tahlous ayah, téntu kangkasii u sana pahtelu um wengi én totoz nimarimbengbenga.

Wahyu 8:5

Tumondong niitu si malaekat itii méndomé um pahtunuan ang kamania, tutungannala karia un api niéndonamé witu um pahtunuan a raragés, a niitu ilombo'namé wia ung kaayahan. A zumanimé un erut nimahwalimé karia un tila'pong wo un éhzo'.