Wahyu 6:1 - Taaz Weru Witu u Nunuwu'en Tombulu

¹ Tumondongla niitu, ilekengkuma si Anak ni Domba itii nimukama u segel kataré wana am pitu segel itii. An talingangkumé si esaané im wia sé epat tumou-tou itii é mahkérété, ung karimezna én tanumokan un zanina un erut in téntii, “Méyémo!”

Wahyu 6:1 Iomraidhean Croise

Yohanes 1:29

Masandonamé, si Yohanes nimilek si Yesus méyé wia ni sia. A si Yohanes kumuala, “Ilekena si Anak ni Domba ni Opo Empung, si zuméi' a singkéla' né tou wia ung kaayahan.

Kisah Rasul-rasul 4:20

Pahpaan zéi'kan mamuali a niilek wo an tinalinga naimo, zéi'kan ikua nai wia sé tou.”

Wahyu 11:19

A mawukama um Walé ni Opo Empung um witi kasendukan. Ilekengkuma un Tatahu'an liné'osan um pinataazan ni Opo Empung witi untep um Walé-Na itii. A mahsena'mé an tila'pong wo mahzanimé an erut, méhzo'mé wo mahuzané éis totoz repet.

Wahyu 13:8

Si binatang itii ém pahongkotan wo pahsigi'en péléng né tou mahento' wia ung kaayahan, sé rengané ung kaayahan kenu im winangun, a ngaran néra én zéi'kan méipantik witu ung Kitap Katou-touan un anu ni Anak ni Domba, si kinerizo.

Wahyu 14:2

An talingangkumé u nuwu' totoz rimez witi langit, tanumokan enderna un tapahan wo un erut. U nuwu' tinalingakumé itii én tanumokan an zanina ang kecapi am pahléongan né tou.

Wahyu 19:6

An talingangku kasiimé un tanu u nuwu' né sana réwok tou lakez i mahnuwu', tanumokan un enderna un tapahan wo tanumokan un zanina un erut totoz rimez, mahkuamé, “Haleluya! Pahpaan si Mahpiara, si Opo Empungta, Si Totoz Mahkawasa é mahkawasamo ing Kolano.

Wahyu 4:8

An tétéwél né epat tumou-tou itii én taheenem. Wana makaliklik wo lalem an tétéwél néra é mawuta-wuta am weren. Endo wo wengi sé tumou-tou itii én zéi'kan kumana' i mahlooz si Opo Empung. Kuan néra, “Lenas, lenas, lenasela si Opo Empung, si Totoz Mahkawasa. Si Opo Empung si wia rengané im puuna, in tarékan, wo in tumondong.”

Wahyu 5:1

An ilekengkuma ni Sia si rimumez witu u rurumezan ni Kolano itii. Witu u lengen-Na kakan ém wéwéhan ung kitap ginulung. Ung kitap itii ém pinantikan zua masaru, winéhan um pitu segel.

Wahyu 5:12

Ni séra é mahkantar totoz rimez, kuan néra, “Si Anak ni Domba si kinerizo itii, si wangun i makailek ang kawasa, ang kawa'ilanan, ang katulapan, ang kaenté'an, a sisigi'an, ang kawangko'an wo a lolooz!”

Wahyu 5:8

I ni Sia niméndomé ung kitap ginulung itii, sé epat tumou-tou karia né zuana pulu' wo epat pahtutu'an é rengan ing kimuruzla karia i nimongkot witu u sinaru ni Anak ni Domba itii. Ni séra péléng én timion tata'saan ung kecapi wo un eelepan u mas am wangunen a mawuta-wuta ang kamania. Ang kamania itii ém pengaléien né tou ni Opo Empung.

Wahyu 6:3

I si Anak ni Domba itii mukama u segel kazua, an talingangkumé si tumou-tou kazua éng kimuamé, “Méyémo!”

Wahyu 6:5

I si Anak ni Domba itii mukama u segel katelu, talingangkumé si tumou-tou katelu kimuamé, “Méyémo!” Ilekengkuma si kawalo zemdem wo si tou simaké wia si kawalo itii én timion un timbangan.

Wahyu 6:7

I si Anak ni Domba itii mukama u segel kaepat, talingangkumé si tumou-tou kaepat kimuamé, “Méyémo!”

Wahyu 8:1

I si Anak ni Domba nimukama u segel kapitu, toro niitukan, um witi kasendukan é nimapenesa woo teluna pulu' menit.