Wahyu 5:5 - Taaz Weru Witu u Nunuwu'en Tombulu

⁵ A si esaané im wia sé zuana pulu' wo epat pahtutu'an itii kumuamé wia ni aku, in téntii, “Ni ko én tia'mo mahamé'. Wéhanla genang lumé'o-lé'os, si pahkuan i Singa wia sé suzu ni Yehuda, si suzu ni Daud éng kimalamoma sé kakoro'-Na. Niitumo ni Sia toro muka am pitu segel wo ung kitap ginulung itii.”

Wahyu 5:5 Iomraidhean Croise

Lukas 23:28

Si Yesus luméngéma wia ni séra ang kuan-Na, “É kamu wéwéné tou Yerusalem! Ni Aku én tia'mo ipahamé' niou, taan iamé' nioula un tou niou in esa karia né koki' niou.

Lukas 7:13

I si Yesus nimileka si wéwéné itii, mawiamé u raraatéan-Na. Ang kuan-Na, “Ina', tia'mo mahamé'!”

Lukas 8:52

Péléng sé tou é mahamé' karia i mahkérét pahpaan si kooki' nimatémo itii. Taan kuan ni Yesus, “Tia'mo mahamé'! Si kooki' itii én zéi'kan nimaté, ni sia én timekel uman.”

Yohanes 20:13

Kuan né malaekat itii wia ni sia, “Ina', kaa ko mahamé'?” Ang kuan ni Maria wia ni séra, “Si Tuangku é niéndomoma né tou wo zéi'kan kata'uangku wisa u zinetaan ni Sia.”

Roma 1:3

U Nuwu' Lé'os itii én tumoro si Oki' ni Opo Empung, si niméyé wia ung kaayahan in tou uman, méitoumé im wia si suzu ni kolano Daud.

Roma 15:12

Si nabi Yesaya kangkasii é nimantik witu um Pinantik Lenas in téntii: “Im wia sé suzu ni Isai é méyé si tou si mamerénta wia péléng sé tahsasana wanua, wia ni Sia uman séra niméré'.”

Ibrani 7:14

Pahpaan péléng sé tou é mata'umo i si Yesus Mahpiarata ém wia sé suzu ni Yehuda a méyé. Tumoro sé suzu ni Yehuda kenu, zéi'kan kawisa si Musa ing kimua im wéwéhan si maéndo walian im wia ni séra.

Wahyu 1:1

A méipantik witu um pinantik kenu én tumoro a méipapailek ni Yesus Kristus, a méiwéhé ni Opo Empung wia ni Sia in ipapata'u wia sé ata-Na wo séra toro mata'u an totoz i mamuali. Si Yesus Kristus é nimapaileko niana péléng wia si Yohanes ata-Na, mengiité si malaekat méiatu-Na.

Wahyu 22:16

Kuan ni Yesus, “Ni Aku, Yesus, nimatumoma si malaekat-Ku i makumua a niilek wo tinalingana tumoro niia péléng wia ni kamu, wo ikua nioula wia sé jamaat. Ni Akumo u suzu, si suzu ni Daud, tototi'en kaendoan, si mahserité totoz sena'.”

Wahyu 3:21

Séi si nimuntung, énéang-Ku i marumumez karia-Ku witu u rurumezang-Ku ing Kolano, tanu ni Aku i nimuntungo wo rimumez mahwali-wali karia ni Ama'-Ku witu u rurumezan-Na ing Kolano.

Wahyu 4:10

sé zuana pulu' wo epat pahtutu'an itii kumuruzla witu u sinaru-Na si rimumez witu u rurumezan ni Kolano itii. Ni séra mahongkot wo mahsigi' ni Sia, si menou-nou makaz ing kauré-uré. Wo in toro niitu, wuka nérala am poporongen néra ing kolano, an ilombo' nérama witu sinaru u rurumezan itii karia i mahkua,

Wahyu 4:4

Wo witu u makaliklik u rurumezan ni Kolano itii kasii ém wéwéhan an zuana pulu' wo epat rurumezan né kolano walina a rinumezan né zuana pulu' wo epat pahtutu'an, sé kimarai ang karai kulo' wo nimorong am poporongen né kolano u mas am wangunen.

Wahyu 5:4

Un atéku én totoz rumara a ni aku mamé', pahpaan zéi'kan siapa zozo' in esa si wangun i muka ung kitap ginulung itii kaapa milek a méipantik witu.

Wahyu 6:1

Tumondongla niitu, ilekengkuma si Anak ni Domba itii nimukama u segel kataré wana am pitu segel itii. An talingangkumé si esaané im wia sé epat tumou-tou itii é mahkérété, ung karimezna én tanumokan un zanina un erut in téntii, “Méyémo!”

Wahyu 7:13

Si esaané im wia sé pahtutu'an itii é meligau wia ni aku, “Séi séra sé tou kimarai ang karai tonton kulo' itii? Wisa séra a méyé?”