Wahyu 5:13 - Taaz Weru Witu u Nunuwu'en Tombulu

¹³ An talingangkumé péléng sé tumou-tou witi kasendukan, wia ung kaayahan, witi lalem un tana', witi tasik wo péléng sé witu é mahkua, “Wia ni Sia si rimumez witu u rurumezan-Na ing Kolano wo wia si Anak ni Domba, u lolooz, u sisigi'an, ung kawangko'an wo ung kawasa makaz ing kauré-uré!”

Wahyu 5:13 Iomraidhean Croise

Matius 6:13

wo tia'mo ipahwali ni kai witu um pema'waan, taan ipiloté ni kai im wia si léwo'. [Pahpaan ni Komo si makaanu ung Kakolanoan, wo ung kawasa, wo ung kawangko'an makaz ing kauré-uré. Amin.]

Lukas 2:14

“U sigi' wo u looz én iwéhé uman wia si Opo Empung si witi kaséndukan! Wo ung kaluasan witu un até wia sé tou wia ung kaayahan, sé mahwangun si Opo Empung mahpaa-paaz.”

Yohanes 1:29

Masandonamé, si Yohanes nimilek si Yesus méyé wia ni sia. A si Yohanes kumuala, “Ilekena si Anak ni Domba ni Opo Empung, si zuméi' a singkéla' né tou wia ung kaayahan.

Roma 11:36

Pahpaan péléng am péléng ém winangun-Na, wo wia ni Sia a méyé, wo wia ni Sia uman. U looz wo sigi' ém wia ni Sia uman makaz ing kauré-uré. Amin.

Roma 16:27

Ni Sia uman si Opo Empung, si totoz tulap. Wia ni Sia uman péléng a looz wo a sigi' mengiité si Yesus Kristus, makaz ing kauré-uré! Amin.

Roma 9:5

Ni séra é suzu né nimaopota. Si Mesias in tou é nimatoumé wia sé nimaopota wo ni Sia é mahkawasa wana péléng am péléng. Ni Siamo si Opo Empung si léwo'zéi' im pahloozen makaz ing kauré-uré. Amin!

Efesus 3:21

U looz wo u sigi' né jamaat ém wia uman si Opo Empung mengiité si Kristus Yesus makaz im pahpuyunan wo makaz ing kauré-uré! Amin.

Filipi 2:10

wo witu u ngaran ni Yesus, péléng sé witi langit wo sé wia ung kaayahan wo sé witu u lalem un tana', un tampa né nimatémo éng kumuruz i mahongkot wia ni Sia,

Kolose 1:23

Niitumo, ni kamu én tia'mo kumana' i ma'éman wo tia'mo mahzua-zua genang. Ni kamu én uli-ulit ma'émanla wo tia' ipahtutula'u um pahéré'an niou witu u Nuwu' Lé'os tumoro si Yesus, un tinalinga niouo itii. U Nuwu' Lé'os itii é méikawoka'mo wia ung kaayahan, wo ni aku, Paulus, si mahpaayang a méiatu ni Opo Empung i mapata'u u Nuwu' Lé'os tumoro si Yesus itii.

1 Timutius 4:16

Ime-imeken ung katou-touannu wo an tutuzu'mu. Tia' ko mazéi' i mahwangun niana péléng, pahpaan karia in téntu ni ko toro tumulung un toumu wo péléng sé tou mahtalinga an tutuzu'mu, im witu un ukuman ni Opo Empung.

1 Petrus 4:11

Sa wéwéhan tou tinambéran i mahkua u Nuwu' ni Opo Empung wia sé tou, ni sia é léwo'zéi' mahnuwu' mahkiit u Nuwu'-Na. Wo sa wéwéhan si tinambéran i sumawang sé kasuat tou, pahwangunennala niitu karia ung ketez méiwéhémé ni Opo Empung wia ni sia. Niitumo, wangunen nioula lumé'o-lé'os an tatambér itii wo sé tou lumooz wo sumigi' si Opo Empung. Karia in téntu si Opo Empung é loozen wo sigi'en wana péléng am péléng mengiité si Yesus Kristus. Ni Siamo si mahkawasa wo wangun i sigi'en wo loozen makaz ing kauré-uré. Amin.

1 Petrus 5:11

Ni Sia si mahkawasa makaz ing kauré-uré. Amin.

Yudas 1:25

Si Opo Empung si esa uman, si nimiloté ni kita im witu un ukuman wana a singkéla', mengiité si Yesus Kristus Mahpiarata. Wia ni Sia uman u sigi' wo looz, ung kawangko'an, ung kaketezan wo ung kawasa um wiamo rengané im puuna, in tarékan wo makaz ing kauré-uré. Amin.

Wahyu 1:6

wo nimangun ni kita i maéndo tou-Na witi Kakolanoan-Na, wo kasii maéndo walian mahpaayang wia si Opo Empung, si Ama'-Na. Wia ni Sia u lolooz wo u sisigi'an wo ung kawasa makaz ing kauré-uré. Amin.

Wahyu 13:8

Si binatang itii ém pahongkotan wo pahsigi'en péléng né tou mahento' wia ung kaayahan, sé rengané ung kaayahan kenu im winangun, a ngaran néra én zéi'kan méipantik witu ung Kitap Katou-touan un anu ni Anak ni Domba, si kinerizo.

Wahyu 5:1

An ilekengkuma ni Sia si rimumez witu u rurumezan ni Kolano itii. Witu u lengen-Na kakan ém wéwéhan ung kitap ginulung. Ung kitap itii ém pinantikan zua masaru, winéhan um pitu segel.

Wahyu 5:12

Ni séra é mahkantar totoz rimez, kuan néra, “Si Anak ni Domba si kinerizo itii, si wangun i makailek ang kawasa, ang kawa'ilanan, ang katulapan, ang kaenté'an, a sisigi'an, ang kawangko'an wo a lolooz!”

Wahyu 5:3

Taan zéi'kan siapa si toro muka ung kitap ginulung itii, kaapa milek a méipantik witu, zozo' ni séra ém witi kasendukan, wia ung kaayahan kaapa witi lalem un tana' a méyé.

Wahyu 5:6

An ilekengkuma si Anak ni Domba si tanu ing kinerizo, rimendai witu un unez u rurumezan ni Kolano wo né epat tumou-tou, wo sé zuana pulu' wo epat pahtutu'an limiklik ni Sia. Ni Sia ém wéwéhan am pitu sungé wo am pitu weren: niitu é sé pitu Roh ni Opo Empung, sé méiatu-Na i méyé wia péléng ung kaayahan.

Wahyu 5:9

A sé epat tumou-tou wo sé zuana pulu' wo epat pahtutu'an kumantaré ung kakantaren weru. Kuan néra, “Ni Ko si wangun i makailek ung kitap ginulung itii, wo muka a segelna; pahpaan ni Ko si Anak ni Domba éng kinerizo, wo karia un zaha'-Mu sé tou wia ung kaayahan ém winaér-Mumo im wia sé tahsasana suzu, sé tahsasana nunuwu'en, sé tahsasana réwok mahtuari wo wia sé tahsasana wanua i maéndo anu ni Opo Empung.

Wahyu 6:16

Ni séra é mahkua wana ang kentur wo wana am watu tua'na itii, “Mawuswusomé wia ni kai wo kai ikawunila im wia ni Sia si rimumez witu u rurumezan ing Kolano wo im witu un upi' ni Anak ni Domba itii.”