Wahyu 4:9 - Taaz Weru Witu u Nunuwu'en Tombulu

⁹ Sekez sé epat tumou-tou itii i mahkua a lolooz wo a sisigi'an wo u makasé wia ni Sia si rimumez witu u rurumezan ni Kolano wo si menou-nou akaz ing kauré-uré,

Wahyu 4:9 Iomraidhean Croise

Ibrani 7:25

Niitumo ni Sia én uli-ulit makawawa i milot péléng sé tou im witu un ukuman wana a singkéla', sé méyé wia si Opo Empung mengiité ni Sia. Pahpaan ni Sia menou-nou makaz ing kauré-uré wo ni Sia zéi'kan mazéi' i mahmengaléi ni séra wia si Opo Empung.

Ibrani 7:8

Sé suzu ni Lewi sé winéhan paayangen i maéndo walian sé makailek u sana pahpulu' um pahkailekané né tou Israel, ni séra én tou uman sé lamaté. Taan, tanu u méipantik witu um Pinantik Lenas, si Melkisedek si nimakailek sana pahpulu' wana ang kinahaté ni Abraham, ni sia é menou-nou makaz ing kauré-uré.

Wahyu 1:18

wo Si Menou-nou. Ni Aku é nimatémoma, taan ilekené, ni Aku é Menou-nou makaz ing kauré-uré wo ni Aku si timion péléng ang kusi' um patéan wo um pahwéha-wéhan né tou nimatémo.

Wahyu 10:6

a sia mahtiwa' witu u ngaran-Na si menou-nou makaz ing kauré-uré, si nimangun u langit wo péléng am witu, ung katanaan wo péléng am witu, wo un tasik wo péléng am witu, kuana, “Un oras si Opo Empung i mangun ang ginenang-Na én zéi'mo isoro'!

Wahyu 15:7

A si esa im wia sé epat tumou-tou itii méhéma wia sé pitu malaekat itii am pitu eelepan a mas am wangunen a mawuta-wuta un upi' ni Opo Empung, si menou-nou makaz ing kauré-uré.

Wahyu 21:5

Ni Sia si rimumez witu u rurumezan-Na ing Kolano éng kimuamé, “Ilekena, péléng am péléng ém pahwerung-Kumo!” Ang kuan-Na wia ni aku, “Ipantikla, pahpaan péléng a méikuama kenu én toro pa'émanen wo ulit.”

Wahyu 4:2

In toro niitukan, ni aku kinawasala ni Roh ni Opo Empung, an ilekengkuma u rurumezan ni Kolano witi kasendukan, wo im witu ém wéwéhan si Tou rimumez.

Wahyu 4:8

An tétéwél né epat tumou-tou itii én taheenem. Wana makaliklik wo lalem an tétéwél néra é mawuta-wuta am weren. Endo wo wengi sé tumou-tou itii én zéi'kan kumana' i mahlooz si Opo Empung. Kuan néra, “Lenas, lenas, lenasela si Opo Empung, si Totoz Mahkawasa. Si Opo Empung si wia rengané im puuna, in tarékan, wo in tumondong.”

Wahyu 5:1

An ilekengkuma ni Sia si rimumez witu u rurumezan ni Kolano itii. Witu u lengen-Na kakan ém wéwéhan ung kitap ginulung. Ung kitap itii ém pinantikan zua masaru, winéhan um pitu segel.

Wahyu 6:16

Ni séra é mahkua wana ang kentur wo wana am watu tua'na itii, “Mawuswusomé wia ni kai wo kai ikawunila im wia ni Sia si rimumez witu u rurumezan ing Kolano wo im witu un upi' ni Anak ni Domba itii.”

Wahyu 7:15

Niitumo, ni séra é rimendai makasaru u rurumezan ni Opo Empung ing Kolano wo mahpaayang wia ni Sia endo wo wengi witi Walé-Na. Ni Sia si rimumez witu u rurumezan-Na ing Kolano én tuméiz ni séra.