Wahyu 4:5 - Taaz Weru Witu u Nunuwu'en Tombulu

⁵ Im witu u rurumezan ni Kolano um witu un unez itii, mahpetoté un tila'pong wo mahenderé un erut. Witu sinaru u rurumezan itii ém wéwéhan am pitu obor melaya-layas, niitu é sé pitu Roh ni Opo Empung.

Wahyu 4:5 Iomraidhean Croise

Matius 25:1

Kuan ni Yesus, “In toro niitu, ung Kakolanoan ni Opo Empung én tanu sé raraha mapulu' mahali-ali a solo i masumungkul si brédégom.

Matius 3:11

Ni aku é mahsarani ni kamu karia un zano, un tumuzu'mé ni kamu én timula'umola a singkéla' niou. Taan ni Sia si tumondongé ni aku, ni Siapé' si mahkawasa taan ni aku. Maan i muka uman u sapatu-Na, ni aku én zéi'kan wangun. Ni Sia masumarani ni kamu karia si Roh Lenas wo un api.

Kisah Rasul-rasul 2:3

An ileken nérama an api tanumokan a lila' a méikasera mahta'sama i mahtumpama wia ni séra.

Wahyu 1:4

Um pinantik kenu ém wia ni aku Yohanes a mangé, iwéhé wia ni kamu sé pitu jamaat witi Asia. Mengalé-ngaléi uman ung kamang tatambér wo ung kaluasan witu un até é menaté-natér ni kamu. Ung kamang tatambér wo ung kaluasan witu un até ém wia si Opo Empung, si wiamo rengan im puuna, in tarékan wo in tumondong, wo um wia sé pitu roh sé makasaru u rurumezan-Na ing Kolano,

Wahyu 10:3

A sia kumérété, u nuwu'na én tanumokan si singa mahséngker. I ni sia nimakanuwu'moma, an talingané un erut pitu nimuwu'mé.

Wahyu 11:19

A mawukama um Walé ni Opo Empung um witi kasendukan. Ilekengkuma un Tatahu'an liné'osan um pinataazan ni Opo Empung witi untep um Walé-Na itii. A mahsena'mé an tila'pong wo mahzanimé an erut, méhzo'mé wo mahuzané éis totoz repet.

Wahyu 3:1

A si Oki' ni Tou kumuala wia ni aku, “Ipantikmula wo iwéhéma wia si malaekat si wia sé jamaat witi Sardis in téntii, ‘Kenumo a Nuwu'-Na, si makaanu sé pitu Roh ni Opo Empung wo timion sé pitu tototi'en. Kata'uang-Ku péléng am pinaayang niouo. Ni kamu ém pahkuan i menou-nou taan ndéén nimatémo.

Wahyu 5:6

An ilekengkuma si Anak ni Domba si tanu ing kinerizo, rimendai witu un unez u rurumezan ni Kolano wo né epat tumou-tou, wo sé zuana pulu' wo epat pahtutu'an limiklik ni Sia. Ni Sia ém wéwéhan am pitu sungé wo am pitu weren: niitu é sé pitu Roh ni Opo Empung, sé méiatu-Na i méyé wia péléng ung kaayahan.

Wahyu 8:5

Tumondong niitu si malaekat itii méndomé um pahtunuan ang kamania, tutungannala karia un api niéndonamé witu um pahtunuan a raragés, a niitu ilombo'namé wia ung kaayahan. A zumanimé un erut nimahwalimé karia un tila'pong wo un éhzo'.