Wahyu 4:2 - Taaz Weru Witu u Nunuwu'en Tombulu

² In toro niitukan, ni aku kinawasala ni Roh ni Opo Empung, an ilekengkuma u rurumezan ni Kolano witi kasendukan, wo im witu ém wéwéhan si Tou rimumez.

Wahyu 4:2 Iomraidhean Croise

Matius 22:43

A si Yesus meligau sumaup wia ni séra, “Sa téntu, kaa im puuna i si Daud kinawasa ni Roh Lenas ni sia in esa éng kimua sa si Mesias itii én Tuangna. In toro niitu, ni sia éng kimua in téntii,

Ibrani 8:1

Un totoz ipahpuu-puuna witu um pahkuaku kenu, ni kita ém wéwéhano si Walian Wangko' téntu, si rimumezo witu ung kakan u rurumezan ni Opo Empung si Kolano Totoz Wangko' witi kasendukan.

Wahyu 1:10

Witu un endo i mahragés wia si Opo Empung, ni aku éng kinawasa ni Roh-Na. In toro niitu, talingangkumé un zani totoz rimez un tanu zanina um pontuang witu u muriku.

Wahyu 12:5

A si wéwéné itii makaileké si Lowai. Si Lowai itii si mamerénta péléng sé tahsasana wanua wia ung kaayahan karia un teken uaséi. Kumompo'mé si Lowai itii éng kinahata am pahalina wia si Opo Empung wo witu u rurumezan-Na ing Kolano.

Wahyu 17:3

A ni aku kawasanla ni Roh ni Opo Empung, an ipahwalima ni malaekat itii witi kapelasan. Im witu niilekkumé ém wéwéhan si wéwéné rimumez wia si binatang si totoz rangdang, si pinantikan mawuta-wuta a ngaran séséro' wia si Opo Empung. An ulu ni binatang itii ém pitu wo a sungéna é mapulu'.

Wahyu 19:4

Ang kumuruzla sé zuana pulu' wo epat pahtutu'an wo sé epat tumou-tou itii wo mahsigi' si Opo Empung si rimumez witu u rurumezan-Na ing Kolano. Ang kuan néra, “Amin! Haleluya!”

Wahyu 20:11

An ilekengkuma u rurumezan ni Kolano ung kulo' wo tua'na wo ni Sia si rimumez witu. Witu u saru-sarun-Na a mazéi'ma u langit wo ung kaayahan makaz in zéi'mo pinahile-ilekla un tampana.

Wahyu 21:10

A ni aku kawasanla ni Roh ni Opo Empung, an iwalima ni malaekat itii witi wawona ung kentur tua'na wo rakék. Im witu an ipapaileknamé wia ni aku um wanua tua'na lenas, u Yerusalem, um wia si Opo Empung witi kasendukan an itumpamé.

Wahyu 21:5

Ni Sia si rimumez witu u rurumezan-Na ing Kolano éng kimuamé, “Ilekena, péléng am péléng ém pahwerung-Kumo!” Ang kuan-Na wia ni aku, “Ipantikla, pahpaan péléng a méikuama kenu én toro pa'émanen wo ulit.”

Wahyu 3:21

Séi si nimuntung, énéang-Ku i marumumez karia-Ku witu u rurumezang-Ku ing Kolano, tanu ni Aku i nimuntungo wo rimumez mahwali-wali karia ni Ama'-Ku witu u rurumezan-Na ing Kolano.

Wahyu 4:10

sé zuana pulu' wo epat pahtutu'an itii kumuruzla witu u sinaru-Na si rimumez witu u rurumezan ni Kolano itii. Ni séra mahongkot wo mahsigi' ni Sia, si menou-nou makaz ing kauré-uré. Wo in toro niitu, wuka nérala am poporongen néra ing kolano, an ilombo' nérama witu sinaru u rurumezan itii karia i mahkua,

Wahyu 4:5

Im witu u rurumezan ni Kolano um witu un unez itii, mahpetoté un tila'pong wo mahenderé un erut. Witu sinaru u rurumezan itii ém wéwéhan am pitu obor melaya-layas, niitu é sé pitu Roh ni Opo Empung.

Wahyu 4:9

Sekez sé epat tumou-tou itii i mahkua a lolooz wo a sisigi'an wo u makasé wia ni Sia si rimumez witu u rurumezan ni Kolano wo si menou-nou akaz ing kauré-uré,

Wahyu 5:1

An ilekengkuma ni Sia si rimumez witu u rurumezan ni Kolano itii. Witu u lengen-Na kakan ém wéwéhan ung kitap ginulung. Ung kitap itii ém pinantikan zua masaru, winéhan um pitu segel.

Wahyu 5:13

An talingangkumé péléng sé tumou-tou witi kasendukan, wia ung kaayahan, witi lalem un tana', witi tasik wo péléng sé witu é mahkua, “Wia ni Sia si rimumez witu u rurumezan-Na ing Kolano wo wia si Anak ni Domba, u lolooz, u sisigi'an, ung kawangko'an wo ung kawasa makaz ing kauré-uré!”

Wahyu 6:16

Ni séra é mahkua wana ang kentur wo wana am watu tua'na itii, “Mawuswusomé wia ni kai wo kai ikawunila im wia ni Sia si rimumez witu u rurumezan ing Kolano wo im witu un upi' ni Anak ni Domba itii.”