Wahyu 3:3 - Taaz Weru Witu u Nunuwu'en Tombulu

³ Niitumo, gena-genangen an tutuzu' kinailekan wo tinalinga niouo. Pahwangunela niitu wo itula'umola a singkéla' pahwangunen niou. Pahpaan sa ni kamu zéi'kan timégam, ni Aku i mawurimé sumaup é mahkompo-kompo' umané tanu si maremu', wo ni kamu én zéi'kan mata'u sawisa un orasna ni Aku i méyé wia ni kamu.

Wahyu 3:3 Iomraidhean Croise

Matius 25:13

Ang kuan ni Yesus, “Niitumo, tuméga-tégam, pahpaan zéi'kan kata'uan niou sa sawisa un endo wo un oras niitu i mamuali.”

Markus 13:33

Niitumo ni kamu é léwo'zéi' i mile-ilek wo tuméga-tégam! Pahpaan zéi'kan kata'uan niou sawisa un orasna i mamuali.

Markus 13:36

Én taa sia mahkompo-kompo'mé i mawurimé, ni kamu méilekenna én timekel.

1 Tesalonika 5:2

Pahpaan uli-ulit kata'uan niou, ni Sia i méyé sumaup én tanu si maremu' méyé im wengi.

1 Timutius 6:20

Timotius, pahilekela lé'os péléng a mémoitarawésa wia ni ko. Tia' mahkii-kiit i mahsirita an zéi'kan siapa torona wo an zéi'kan mahsigi' si Opo Empung wo a mahzéi-zéi'an tumoro ang kata'uan,

2 Timutius 1:13

Pahkiitela lumé'o-lé'os péléng an tutuzu' mémoituzu'ku wia ni ko. An tutuzu' itii ém wangunela kékéréan an tutuzu' kaulitan. Wo pahwangunela niitu karia um pa'émanen wo u raraatéan pahpaan i nimaesamo karia ni Kristus Yesus.

Ibrani 2:1

Niitumo, totoz im pahwéhanla genang an tutuzu' tumoro si Yesus an tinalingatamo, wo kita tia' kauréna éng kazou'na im wana an tutuzu' itii a mémoikua wia ni kita wo sinungkultamo, ang kumiit an tutuzu' a mahlululu uman um pa'émanenta.

2 Petrus 1:13

Karegas ni aku i menou-noupé', ni aku é léwo'zéi' mapagenanga niana péléng wia ni kamu.

2 Petrus 3:1

Katuari-katuari ikararaatéku, um pinantikku kenu ém pinantik kazua u méiwéhé wia ni kamu. Im witu un zua pinantik kenu, ni aku é nimahtututu' i mapagenang wia ni kamu wo ang genang niou ém weresi.

2 Petrus 3:10

Taan un endo si Mahpiara i mawurimé sumaup én tanu si maremu' i mérumemu'. Im witu un endo itii, u langit é mazéi' karia un zanina un erut totoz makaindé'en. Péléng am witi langit é nimala'ung makaz i maapu wo ung kaayahan wo péléng am witu é maapu.

Wahyu 16:15

“Ilekené, ni Aku i méyé én tanu si maremu'. Mahpaa-paazola si tou totoz timégam wo niméhé genang witu ung kinaraina, wo sia i lumampang én zéi'kan maizang pahpaan in timangkol.”

Wahyu 2:25

Taan am wiamo ni kamu én tio-tionan makaz ni Aku i mawurimé sumaup.

Wahyu 2:5

Niitumo gena-genangen, ni kamu én totozo zou' im witu u raraaté niou im puuna. Kumana'mola i memangu-mangun an téntu wo mahwangunola tanu am pahwangunen niou im puuna. Sa kamu zéi'kan tumula'u a singkéla' niou, ni Aku é méyé wia ni kamu i mémukum ni kamu, un tanumokan ni Aku i méméndo am penono'tolan niou a solo.

Wahyu 22:7

Ang kuan ni Yesus, “Un ulitna ni Aku zéi'mo uré é méyémo. Mahpaa-paazla sé tou mahkiit a nuwu' ni Opo Empung a méipantik witu ung kitap kenu!”

Wahyu 3:11

Zéi'mo uré ni Aku é méyémo! Tio-tionan am wiamo ni kamu, wo zéi'kan siapa sé méndo ung kukulu un tanumokan poporongen ni kolano u méiwéhé-Ku wia ni kamu.

Wahyu 3:19

Sé tou ikararaaté-Ku éng kakoro'ang-Ku wo ukumeng-Ku sa séra simala'. Niitumo, ni kamu én uli-ulit mahkiitla si Opo Empung wo itula'umola a singkéla' niou.

Wahyu 3:2

Rumendaiomé wo enté'ela am wiapé' ni kamu an tawimo maté. Pahpaan niilek-Kumo, zozo' in esa im wana am pinaayang niou én zéi'kan siapa u lekep im witu u sinaru ni Opo Empung-Ku.