Wahyu 3:19 - Taaz Weru Witu u Nunuwu'en Tombulu

¹⁹ Sé tou ikararaaté-Ku éng kakoro'ang-Ku wo ukumeng-Ku sa séra simala'. Niitumo, ni kamu én uli-ulit mahkiitla si Opo Empung wo itula'umola a singkéla' niou.

Wahyu 3:19 Iomraidhean Croise

Matius 25:7

Kaitalingamé niitu, sé raraha mapulu' itii é rengan in timoozé a séra mimekla a solo néra.

Yohanes 2:17

Ang kagenangala né pahtuzu'en ni Yesus u méipantik witu um Pinantik Lenas, “U raraatéang-Ku witu um Walé-Mu, o Opo Empung, nimangun un até-Ku wuaya tanumokan un api i mahlayas.”

Roma 12:11

Ma'ulitla i mahpaayang. Ni kamu én tia'mo soo i mahtututu'. Maayangla wia si Mahpiara karia ung kaenté'an u méiwéhémé ni Roh ni Opo Empung si mahkawasa.

1 Korintus 11:32

Taan sa kita ukumen ni Opo Empung, ni kita ém pahtuzu'en i mahwangunla an ulit, wo kita zéi'kan maukumen makaz ing kauré-uré karia né tou zéi'kan ma'éman wia ung kaayahan.

2 Korintus 6:9

Ni kai éng kata'uan, taan pahwangunen tanu an zéi'kan kata'uan. Ni kai én tawimo maté taan menou-nou. Ni kai ém pahzézéhan taan zéi'kan maté.

2 Korintus 7:11

Amoké pakagena-genangen nioula! Pahpaan u merara un até ung kapaaz ni Opo Empung nimamuali wia ni kamu, nimangun ni kamu kalousna mahtututu', mapailek i ni kamu zéi'kan mahsingkéla' wo u nimangun ni kamu maupi' wia sé tou mahwangun a singkéla' wo maindé' sa zéi'kan uli-ulit mahkiit si Opo Empung. Niitu kangkasii u nimangun ni kamu i lumelo wo totoz mahtututu' i mahwangun a lé'os, kapaaz niou sé tou mahsingkéla' én ukumen. Im wana niana péléng tumuzu'mé i ni kamu én zéi'kan siapa a sinala'.

Galatia 4:18

Niitu én ulit sa si tou mahtututu' i mahwéhé genang wana am wangun sekez in endo, zéi'kan uman i ni aku mahwali-wali karia niou taan kasii i ni aku zéi'kan mahwali-wali karia niou.

Titus 2:14

Ni Sia é nimayomola un tou-Na i milot ni kita im wana péléng a léwo'an wo mangun ni kita maéndo tou lenas wo maéndo tou-Na sé zéi'kan mazéi' mahlé'os am wangun.

Yakobus 1:12

Mahpaa-paazola si tou ezen im wana am pema'wa'en, pahpaan sa sia ezen, ni sia é makailek ung kukulu, ung katou-touan makaz ing kauré-uré u mémoitaaz ni Opo Empung wia sé tou rumaraaté ni Sia.

Wahyu 2:5

Niitumo gena-genangen, ni kamu én totozo zou' im witu u raraaté niou im puuna. Kumana'mola i memangu-mangun an téntu wo mahwangunola tanu am pahwangunen niou im puuna. Sa kamu zéi'kan tumula'u a singkéla' niou, ni Aku é méyé wia ni kamu i mémukum ni kamu, un tanumokan ni Aku i méméndo am penono'tolan niou a solo.