Wahyu 3:17 - Taaz Weru Witu u Nunuwu'en Tombulu

¹⁷ Pahpaan ni kamu é mahkua in téntii: Ni kai ém wa'ilan wo nimawa'ilano, niitumo péléng am pemandungen nai ém wutulo. Taan zéi'kan kata'uan niou i ni kamu én tou totoz zézéha, totoz makararaatén, zéi'kan siapa apa, letok wo timangkol.

Wahyu 3:17 Iomraidhean Croise

Matius 5:3

“Mahpaa-paazola sé tou zéi'kan siapa apa wo niméré' uman wia si Opo Empung, pahpaan ni séramo sé makaanu ung Kakolanoan ni Opo Empung.

Matius 9:12

U méikua nérama én tinalingama ni Yesus, ang kuan-Na wia ni séra, “Zéi'kan sé tou zéi'kan saki sé memandung si dokter, taan sé tou saki.

Lukas 1:53

Winéhan-Namé péléng am wangun wia sé tou maharem makaz ni séra nimawesuh, wo sé tou wa'ilan é méipapawuri-Na zéi'kan siapa pinahalima.

Lukas 6:24

Taan ikaléwo'la ni kamu sé in tarékan tou wa'ilan, pahpaan ni kamu é nimahpaa-paazola witu ung kawa'ilanan niou.

Roma 11:20

Niitu én ulit téntu! Taan gena-genangen ang kenu, ni séra sé tanumokan um panga itii éng kinetora pahpaan ni séra én zéi'kan ma'éman, taan ni kamu in tou zéi'kan Yahudi toro nimaesa karia ung kai itii pahpaan i ma'éman. Niitumo, ni kamu én tia' mahlooz un tou niou, taan tawimo ni kamu i maindé'la.

Roma 11:25

Katuari-katuari, tia' kamu mahgenangla i ni kamu é mata'umo péléng am péléng. Kapaazku ni kamu é mata'uma un ipahwuni-wunipé' kenu: lakez im wia sé tou Israel én tampezéi' taan niitu é mamuali uman akaz sé tou zéi'kan Yahudi sé ma'éman si Opo Empung lekepo.

Roma 12:3

Ung kamang tatambér ni Opo Empung é méiwéhémomé wia ni aku. Niitumo ni aku sumésama wia ni kamu: Ni kamu én tia'mo megena-genang lumousé séi un ulitna ni kamu, taan tawimo ni kamu gumenangola lumé'o-lé'os mengiit um pa'émanen niou tanu a méitambér-Namo wia ni kamu si esa wo si esa.

Roma 7:24

Ni aku én tou totozo méikaléwo'! Séi si toro miloté ni aku im witu un awak kenu u makawali ni aku witu um patéan?

2 Petrus 1:9

Taan séi si zéi'kan mahwangun niana péléng, ni sia é nimaletok wo zéi'kan totoz tulap. Pahpaan kinaliuzannamola sa a singkéla'na im puuna é zinéi'mola ni Opo Empung.

Wahyu 16:15

“Ilekené, ni Aku i méyé én tanu si maremu'. Mahpaa-paazola si tou totoz timégam wo niméhé genang witu ung kinaraina, wo sia i lumampang én zéi'kan maizang pahpaan in timangkol.”

Wahyu 2:9

Kata'uang-Ku ni kamu én zézéha wo zéi'kan siapa apa, taan ni kamu ém wa'ilan im witu u sinaru ni Opo Empung. Kata'uang-Ku kasii an tumoro sé mahtawuruk ni kamu. Ni séra é mahkua i ni séra én tou Yahudi sé pinéléng ni Opo Empung, taan un ulitna én zéi'kan. Un ulitna ni séra én jamaat ni tonaas né sétang.

Wahyu 3:16

Taan pahpaan ni kamu én tuwang, zéi'kan pasu' wo zéi'kan zaté, niitumo ni kamu én ilua'-Ku im witu u sumah-Ku.