Wahyu 3:16 - Taaz Weru Witu u Nunuwu'en Tombulu

¹⁶ Taan pahpaan ni kamu én tuwang, zéi'kan pasu' wo zéi'kan zaté, niitumo ni kamu én ilua'-Ku im witu u sumah-Ku.

Wahyu 3:16 Iomraidhean Croise

Wahyu 2:5

Niitumo gena-genangen, ni kamu én totozo zou' im witu u raraaté niou im puuna. Kumana'mola i memangu-mangun an téntu wo mahwangunola tanu am pahwangunen niou im puuna. Sa kamu zéi'kan tumula'u a singkéla' niou, ni Aku é méyé wia ni kamu i mémukum ni kamu, un tanumokan ni Aku i méméndo am penono'tolan niou a solo.

Wahyu 3:15

Kata'uang-Ku péléng am pahpaayangen niou. Ni kamu én zéi'kan pasu' wo zéi'kan zaté. Tawimo ni kamu pasu' kaapa zaté.

Wahyu 3:17

Pahpaan ni kamu é mahkua in téntii: Ni kai ém wa'ilan wo nimawa'ilano, niitumo péléng am pemandungen nai ém wutulo. Taan zéi'kan kata'uan niou i ni kamu én tou totoz zézéha, totoz makararaatén, zéi'kan siapa apa, letok wo timangkol.