Wahyu 3:14 - Taaz Weru Witu u Nunuwu'en Tombulu

¹⁴ Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Laodikia in téntii: ‘Kenumo a Nuwu' am wia Si Amin, Si toro pa'émanen wo ulit i mahkua ang kata'uan-Na tumoro u Nuwu' ni Opo Empung, wo péléng am winangun ni Opo Empung ém wia ni Sia a méyé.

Wahyu 3:14 Iomraidhean Croise

Yohanes 1:3

Peléng am péléng ém winangun ni Opo Empung mengiité u Nuwu' ni Opo Empung. Wo zéi'kan siapa zozo' in esa im wia péléng am winanguno kenu ém winangun sa zéi'kan siapa u Nuwu' ni Opo Empung.

Yohanes 8:14

Kuan ni Yesus wia ni séra, “Zozo' ni Aku mahkua tumoro un tou-Kukan, um pahkua-Ku én ulit, pahpaan kata'uang-Ku, wisa ni Aku a méyé wo wisa un angéang-Ku. Taan ni kamu én zéi'kan mata'u, wisa ni Aku a méyé wo wisa un angéang-Ku.

2 Korintus 1:20

Si Kristus ni Siamo si ‘Éné’ im wana péléng a méitaaz ni Opo Empung. Ni kai mahkua ‘Amin’ pahpaan si Kristus i mahsigi' wo mahlooz si Opo Empung.

Kolose 1:15

Si Yesus Kristus én tumuzu'mé si Opo Empung si zéi'kan kailekan, ni Sia si kataré-taré wo ipahpuu-puuna im wia péléng sé winangun ni Opo Empung.

Kolose 1:18

Ni Sia én ulu wo sé jamaat én awak. Ni Sia si kataré-taré wo ni Sia si puuna méitoumé ni Opo Empung im wia sé nimaté, niitumo ni Sia si ipahpuu-puuna im wana péléng am péléng.

Kolose 2:1

Pahpaan kapaazku ni kamu mata'ula, i ni aku én totozo nima'ulit mahpaayang i sumawang ni kamu in jamaat witi Kolose wo sé witi Laodikia, wo wia péléng sé tou zéi'kampé' nimahile-ilekala kariaku.

Kolose 4:16

Wo sa um pinantik kenu ém binacamoma im wia ni kamu, pahtututu'en kangkasiila im bacana wia sé jamaat witi Laodikia. Téntu kangkasii um pinantik méiwéhé wia sé jamaat witi Laodikia én ibaca wia ni kamu.

Wahyu 1:11

Un zanina én téntii, “Ipakapantikla witu ung kitap péléng an ipapailek-Ku wia ni ko wo iwéhéma wia sé pitu jamaat sé witi: Efesus, Smirna, Pergamus, Tiatira, Sardis, Filadelfia wo sé witi Laodikia.”

Wahyu 1:5

wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,

Wahyu 19:11

An ilekengkuma ung kasendukan é nimawukama, im witu ém wéwéhan si kawalo kulo' sinakéan ni makangaran, ‘Si Toro Pa'émanen wo Si Ulit’. Ni Sia én zéi'kan mahsanaweka i mahtotoz ulit kaapa zéi'kan am pinahwanguné né tou wo i mahkoro'.

Wahyu 2:1

A si Oki' ni Tou kumuala wia ni aku, “Ipantikmula wo iwéhéma wia si malaekat si wia sé jamaat witi Efesus in téntii: ‘Kenumo u Nuwu' um wia ni Sia a méyé, si timion sé pitu tototi'en karia u lengen-Na kakan wo mahlampang wana am pinaselat am pitu pahto'tolan solo a mas am wangunen a méipenoo-nooz.

Wahyu 21:6

Kuan-Na kasii wia ni aku, “Niana péléng é nimamualimoma. Ni Akumo Si Alfa wo Si Omega, Si Kataré-taré wo Si Kamurian. Séi si maré'o, ni sia én tambérang-Ku un zano elepen, u mahondolé witu ung kembu'an u mahwéhémé ung katou-touan.

Wahyu 22:13

Ni Akumo Si Alfa wo Si Omega, Si Kataré-taré wo Si Kamurian, ni Aku ém wiamo rengané Im Puuna wo makaz Ing Kauré-uré.”

Wahyu 22:6

Ang kuan ni malaekat itii wia ni aku, “Péléng a méikuakuma kenu én ulit wo toro pa'émanen. Si Opo Empung, si niméhé roh wia sé nabi é nimatumoma si malaekat-Na wia sé ata-Na i mapata'u an zéi'mo uré in totoz mamuali.”

Wahyu 3:7

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Filadelfia in téntii: ‘Kenumo a Nuwu' wia Si Lenas, Si Ulit, si timion ung kusi' ni Daud a méyé. Sa Sia si nimukama um pepenet, zéi'kan siapa si toro menet niitu. Wo sa Sia si nimeneta um pepenet, zéi'kan siapa si toro muka niitu.