Wahyu 3:11 - Taaz Weru Witu u Nunuwu'en Tombulu

¹¹ Zéi'mo uré ni Aku é méyémo! Tio-tionan am wiamo ni kamu, wo zéi'kan siapa sé méndo ung kukulu un tanumokan poporongen ni kolano u méiwéhé-Ku wia ni kamu.

Wahyu 3:11 Iomraidhean Croise

1 Korintus 9:25

Sé tou kumiit i mahlolowaan é léwo'zéi' makaezen a lelo néra im wana am péléng, wo séra toro makailek ung kukulu wia ung kaayahan u maléwo' uman. Taan ni kita mahlolowaan i makailek kukulu un zéi'kan maléwo'.

Filipi 4:5

Mahtututu'la wo ung kalé'osan un até niou éng kata'uana péléng né tou. Pahpaan un endo si Yesus Mahpiara i mawurimé sumaup éng kaleleznamo.

2 Timutius 2:5

Si tou kumiit um pahlolowaan én zéi'kan muntung sa sia zéi'kan mahkiit an tinotoz im witu um pahlolowaan.

2 Timutius 4:8

In tarékan ung kukulu iwéhé wia ni aku é niimeko ni Opo Empung, pahpaan ni aku é nimangunola an ulit witu u sinaru-Na. Ni Sia én zéi'kan mahsanaweka i mahtotoz ulit kaapa zéi'kan am pahwangunen né tou. Zéi'kan uman ni aku si makailek niitu, taan maan péléng sé ma'ento' si Yesus i mawurimé sumaup.

Yakobus 1:12

Mahpaa-paazola si tou ezen im wana am pema'wa'en, pahpaan sa sia ezen, ni sia é makailek ung kukulu, ung katou-touan makaz ing kauré-uré u mémoitaaz ni Opo Empung wia sé tou rumaraaté ni Sia.

Yakobus 5:9

Katuari-katuari, ni kamu én tia' mema'o-ma'os wo mahpasasala' si esa wo si esa, wo kamu zéi'kan ukumen. Si mahtotoz am winangun né tou in ulit kaapa zéi'kan é rimendaio witu um pepenet.

Wahyu 1:3

Mahpaa-paazola sia si nimacama wo séra sé timalingama a méipantik tumoro a mamuali wo mahkiit a méipantik witu. Pahpaan péléng niana én zéi'mo uré i mamuali.

Wahyu 16:15

“Ilekené, ni Aku i méyé én tanu si maremu'. Mahpaa-paazola si tou totoz timégam wo niméhé genang witu ung kinaraina, wo sia i lumampang én zéi'kan maizang pahpaan in timangkol.”

Wahyu 2:10

Tia'mo maindé' wana an zézéha a léwo'zéi' im pendanen niou. Gena-genangen! Pahpaan i ma'éman ni Aku, sé woopira im wia ni kamu én iuntep ni tonaas né sétang witi bui im pema'wa'en wo zézéhan witu, mapulu'na endo ung kauréna. Taan zozo'pé' in téntu, ni kamu én tia' mazéi' i ma'éman wia ni Aku makaz i maté, wo ni kamu ém wéhang-Ku ung katou-touan makaz ing kauré-uré. Niitu ung kukulu-Ku wia ni kamu.

Wahyu 2:13

Kata'uang-Ku um pahwéha-wéhan niou. Ni kamu é mahento' witu un tampa kinawasaan ni tonaas né sétang. Taan zozo' in téntu, ni kamu én zéi'kan mazéi' i ma'éman wia ni Aku, wo ni kamu kangkasii én zéi'kan mahkélong i ma'éman ni Aku. Téntu kangkasii, ni kamu én zéi'kan mazéi' i ma'éman, im witu un endo si Antipas si mengungua a niilek wo tinalingana tumoro ni Aku, si totoz ma'éman ni Aku, im winunu' witu u saru-sarun niou witu un tampa kinawasaan ni tonaas né sétang.

Wahyu 2:25

Taan am wiamo ni kamu én tio-tionan makaz ni Aku i mawurimé sumaup.

Wahyu 22:12

Ang kuan ni Yesus, “Ni Aku én uli-ulit zéi'mo uré é méyémo wo ni Aku i méyé é mahalimé um wawaér in iwaér wia si esa wo si esa, mengiité am pinahlé'osnamé.

Wahyu 22:20

Ni Sia si kimua a niilek wo tinalinga-Na tumoro niana péléng éng kimuamé, “Éné, ni Aku zéi'mo uré é méyémo!” Niitumo ni aku, Yohanes éng kumuama, “Amin. Méyémo, o Yesus Mahpiara!”

Wahyu 22:7

Ang kuan ni Yesus, “Un ulitna ni Aku zéi'mo uré é méyémo. Mahpaa-paazla sé tou mahkiit a nuwu' ni Opo Empung a méipantik witu ung kitap kenu!”

Wahyu 3:3

Niitumo, gena-genangen an tutuzu' kinailekan wo tinalinga niouo. Pahwangunela niitu wo itula'umola a singkéla' pahwangunen niou. Pahpaan sa ni kamu zéi'kan timégam, ni Aku i mawurimé sumaup é mahkompo-kompo' umané tanu si maremu', wo ni kamu én zéi'kan mata'u sawisa un orasna ni Aku i méyé wia ni kamu.

Wahyu 4:10

sé zuana pulu' wo epat pahtutu'an itii kumuruzla witu u sinaru-Na si rimumez witu u rurumezan ni Kolano itii. Ni séra mahongkot wo mahsigi' ni Sia, si menou-nou makaz ing kauré-uré. Wo in toro niitu, wuka nérala am poporongen néra ing kolano, an ilombo' nérama witu sinaru u rurumezan itii karia i mahkua,

Wahyu 4:4

Wo witu u makaliklik u rurumezan ni Kolano itii kasii ém wéwéhan an zuana pulu' wo epat rurumezan né kolano walina a rinumezan né zuana pulu' wo epat pahtutu'an, sé kimarai ang karai kulo' wo nimorong am poporongen né kolano u mas am wangunen.