Wahyu 3:1 - Taaz Weru Witu u Nunuwu'en Tombulu

¹ A si Oki' ni Tou kumuala wia ni aku, “Ipantikmula wo iwéhéma wia si malaekat si wia sé jamaat witi Sardis in téntii, ‘Kenumo a Nuwu'-Na, si makaanu sé pitu Roh ni Opo Empung wo timion sé pitu tototi'en. Kata'uang-Ku péléng am pinaayang niouo. Ni kamu ém pahkuan i menou-nou taan ndéén nimatémo.

Wahyu 3:1 Iomraidhean Croise

Lukas 15:24

Pahpaan si oki'ku kenu én tanu a nimatémo a matoumé sumaup, si méikalulu éng kinailekanola sumaup.’ A séra péléng rengan i mahpaa-paaz.

Lukas 15:32

Niitumo ni kita ém wangun i mahpaa-paaz pahpaan si tuarimu én tanu nimatémo a matoumé sumaup, si méikalulu éng kinailekanola sumaup.’ ”

Yohanes 1:16

Pahpaan u raraatéan-Na én zéi'kan ikana', wo im witu u raraatéan-Na ni kita mahkaileké ung kamang un zéi'kan ipahkana-kana'la im pahtambéré.

Yohanes 1:33

Wo ni aku in esa im puuna én zéi'kan mata'u ni Sia, taan si Opo Empung si nimatumé ni aku i mahsarani karia un zano éng kimuamo wia ni aku, ‘Sa ko milek si Roh itii timumpama wia si tou wo mento'la wia ni Sia, ni Siamo si mésumarani karia si Roh Lenas.’

Yohanes 20:22

Makakuama niitu a Sia sumengoma wia ni séra wo mahkua, “Sungkulenola si Roh Lenas.

Yohanes 3:34

Séi si méiatumé ni Opo Empung, ni Siamo si mahwoka' u nuwu' ni Opo Empung, pahpaan si Opo Empung é niméhémé wia ni Sia si Roh-Na karia in zéi'kan siapa akazna.

Kisah Rasul-rasul 2:33

Tumondongla niitu, ni Sia é méirakék ni Opo Empung a makaileké si Roh Lenas si méitaaz ni Ama'. An itumpa-Namé si Roh itii tanu a niilek wo tinalinga niou wia un tampa kenu.

Efesus 2:1

Puunala ni kamu i ma'éman, ni kamu én tanu nimatémo pahpaan a léwo'an wo a singkéla' niou.

Efesus 2:5

Pahpaan a siningkéla'ta, ni kita én tanu nimatémo. Taan ni kita é mémoitou sumaup ni Opo Empung karia ni Kristus. Niitu ém pahpaan uman ung kamang méitambér-Na i ni kamu méipilot im witu un ukuman wana a singkéla'.

Kolose 2:13

Ni kamu kangkasii, im puuna in zéi'kampé' ma'éman én tanu nimatémo pahpaan a siningkéla' wo pahpaan zéi'kan sinunat witu un awak, taan in tarékan ni kamu é méitoumomé sumaup ni Opo Empung karia ni Kristus, kumawusa si Opo Empung i niméhéla ampungan wana a singkéla'ta,

1 Timutius 5:6

Taan si wéwéné mahesa-esamokan si menou-nou mengiit uman um paazna in esa, zozo' sia i menou-noupé' taan ni sia é masuatokan i nimatémo.

Yakobus 2:26

Pahpaan tanu un awak sa zéi'kan kinaria ni roh é nimaté, téntu kangkasii um pa'émanen, sa zéi'kan kinaria am pahlé'osen é nimaté.

1 Petrus 1:11

A méipapata'u itiimo am pinahtata'uma né nabi, sawisa wo kura niitu i mamuali. Si Roh ni Kristus si wia sé nabi itii é nimapata'u i si Kristus é masungkul an zézéha. Mengiité an zézéha itii, si Kristus é makailek u sigi' wo looz.

Yudas 1:12

Ni séra én tanu a sezingna im wia ni kamu. Pahpaan i ni kamu mahkan mahwali-wali ing gumenang u raraatéan ni Opo Empung, ni séra én zéi'mo siapa izangna i mahkan wo zéi'kan mahgenang sé tou walina. Ni séra én tanu a ninahak zéi'kan mamuali uzan un ipahwali-wali uman u reges. Ni séra én tanu uman ung kai zéi'kan mahwua' im witu un oras i mua', um winutwutan an ahmutna wo uli-ulit nimaté.

Wahyu 1:11

Un zanina én téntii, “Ipakapantikla witu ung kitap péléng an ipapailek-Ku wia ni ko wo iwéhéma wia sé pitu jamaat sé witi: Efesus, Smirna, Pergamus, Tiatira, Sardis, Filadelfia wo sé witi Laodikia.”

Wahyu 1:16

U lengen-Na kakan én timion sé pitu tototi'en, wo witu u sumah-Na é nimondolé um pisou tewel zua masaru. Ung gio-Na é mahsena' tanumokan u sena' ni endo ing karentu-rentungna.

Wahyu 1:20

Ung kalakoan a méiwunipé' itii én téntii: Sé pitu tototi'en tinionan u lengen-Ku kakan é sé pitu malaekat wia sé pitu jamaat, wo um pitu pahto'tolan solo a mas am wangunen é sé pitu jamaat.”

Wahyu 1:4

Um pinantik kenu ém wia ni aku Yohanes a mangé, iwéhé wia ni kamu sé pitu jamaat witi Asia. Mengalé-ngaléi uman ung kamang tatambér wo ung kaluasan witu un até é menaté-natér ni kamu. Ung kamang tatambér wo ung kaluasan witu un até ém wia si Opo Empung, si wiamo rengan im puuna, in tarékan wo in tumondong, wo um wia sé pitu roh sé makasaru u rurumezan-Na ing Kolano,

Wahyu 2:13

Kata'uang-Ku um pahwéha-wéhan niou. Ni kamu é mahento' witu un tampa kinawasaan ni tonaas né sétang. Taan zozo' in téntu, ni kamu én zéi'kan mazéi' i ma'éman wia ni Aku, wo ni kamu kangkasii én zéi'kan mahkélong i ma'éman ni Aku. Téntu kangkasii, ni kamu én zéi'kan mazéi' i ma'éman, im witu un endo si Antipas si mengungua a niilek wo tinalingana tumoro ni Aku, si totoz ma'éman ni Aku, im winunu' witu u saru-sarun niou witu un tampa kinawasaan ni tonaas né sétang.

Wahyu 2:19

Kata'uang-Ku péléng am pinaayang niou: U raraaté niou wo kasii um pa'émanen niou, um paayangen niou wo ung kaezenan niou im wana an zézéha. Kata'uang-Ku am pinaayang niou in tarékan é lumouspé'mé am pinaayang niou im puuna in taré ma'émanla wia ni Aku.

Wahyu 2:2

Kata'uang-Ku péléng am pinaayang niou. Ni kamu é mahtututu' i mahwangun ang kapaaz-Ku wo kasii zéi'kan mazéi' i ma'éman zozo' in zézéha. Kata'uang-Ku kasii i ni kamu én zéi'kan makaezen wia sé tou léwo'. Sé tou mengua-ngua in aatu-Ku taan ndéén zéi'kan ém pinahtata'u niouola, wo kinata'uan niouola i ni séra én tantowo.

Wahyu 2:9

Kata'uang-Ku ni kamu én zézéha wo zéi'kan siapa apa, taan ni kamu ém wa'ilan im witu u sinaru ni Opo Empung. Kata'uang-Ku kasii an tumoro sé mahtawuruk ni kamu. Ni séra é mahkua i ni séra én tou Yahudi sé pinéléng ni Opo Empung, taan un ulitna én zéi'kan. Un ulitna ni séra én jamaat ni tonaas né sétang.

Wahyu 3:15

Kata'uang-Ku péléng am pahpaayangen niou. Ni kamu én zéi'kan pasu' wo zéi'kan zaté. Tawimo ni kamu pasu' kaapa zaté.

Wahyu 3:2

Rumendaiomé wo enté'ela am wiapé' ni kamu an tawimo maté. Pahpaan niilek-Kumo, zozo' in esa im wana am pinaayang niou én zéi'kan siapa u lekep im witu u sinaru ni Opo Empung-Ku.

Wahyu 3:8

Kata'uang-Ku péléng am pahpaayangen niou. Ilekena, ni Aku é nimukamoma um pepenet wia ni kamu, wo zéi'kan siapa zozo' in esa si toro menet niitu. Kata'uang-Ku i ni kamu én zéi'kan tahlos enté'. Taan zozo' in téntu, ni kamu é mahkiit a nuwu'-Ku wo zéi'kan kawisa mahkua in zéi'kan ma'éman ni Aku.

Wahyu 4:5

Im witu u rurumezan ni Kolano um witu un unez itii, mahpetoté un tila'pong wo mahenderé un erut. Witu sinaru u rurumezan itii ém wéwéhan am pitu obor melaya-layas, niitu é sé pitu Roh ni Opo Empung.

Wahyu 5:6

An ilekengkuma si Anak ni Domba si tanu ing kinerizo, rimendai witu un unez u rurumezan ni Kolano wo né epat tumou-tou, wo sé zuana pulu' wo epat pahtutu'an limiklik ni Sia. Ni Sia ém wéwéhan am pitu sungé wo am pitu weren: niitu é sé pitu Roh ni Opo Empung, sé méiatu-Na i méyé wia péléng ung kaayahan.