Wahyu 22:4 - Taaz Weru Witu u Nunuwu'en Tombulu

⁴ Ung gio ni Opo Empung én ileken néra, wo u ngaran ni Opo Empung én ipantik wana an tungtung néra.

Wahyu 22:4 Iomraidhean Croise

Matius 5:8

Mahpaa-paazola sé tou sé linenas un até néra, pahpaan ni séra é mamilek si Opo Empung.

Yohanes 12:26

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

Yohanes 17:24

O Ama', kapaaz-Ku wisa uman un angéang-Ku, ni séra é memali-mali karia-Ku. Ni séra sé mémoiwéhémé ni Ama' wia ni Aku wo ni séra mahileka ung kawangko'an-Ku u mémoiwéhé ni Ama' wia ni Aku, pahpaan si Ama' é rimaraatémola ni Aku puunala ung kaayahan im winangun.

1 Korintus 13:12

In tarékan, zéi'kampé' tahlous katulapanta un tumoro si Opo Empung, niitu é masuat wo ni kita mahilek un touta witu u lélénoan kewur. Taan sa kita nimasaruano karia-Na taré totoz katulapanta un tumoro ni Sia. In tarékan péléng an tumoro ni Sia én zéi'kampé' tahlous kata'uangku, taan niitu én totoz makata'uangku, tanu ni Sia in totoz mata'u ni aku.

Ibrani 12:14

Mahtututu'la i menou-nou mahlé'o-lé'osan karia péléng sé tou wo mahtututu'la i menou-nou karia un até zéi'kan siapa pahséro'an witu u sinaru ni Opo Empung, pahpaan sa zéi'kan menou-nou karia un até zéi'kan siapa pahséro'an, zéi'kan siapa zozo' in esa si mamilek si Opo Empung.

Wahyu 14:1

An ilekengkuma si Anak ni Domba rimendai witi kentur Sion wo sé memali-mali karia-Na é sé sana atus epatna pulu' wo epatna riwu tou-Na. Im wana an tungtung né tou itii ém pinantikan u ngaran-Na wo u ngaran ni Ama'-Na.

Wahyu 3:12

Séi si nimuntung, ni sia én éndong-Ku tombol witi Walé ni Opo Empung-Ku wo ni sia é mento'mo witu makaz ing kauré-uré. Wia si tou itii kasii ém pantikang-Ku u ngaran ni Opo Empung-Ku, u ngaran um wanua tua'na ni Opo Empung-Ku, u Yerusalem weru. Um wanua tua'na itii ém witi kasendukan, wia si Opo Empung-Ku an itumpamé. U ngaran-Ku weru kasii én ipantik-Ku wia si tou itii.

Wahyu 7:3

kuana, “Tia'pé' pahléléwo'en niou un tana' kaapa un tasik kaapa ang kai, sa zéi'kampé' tinandaan naima an tungtung né ata ni Opo Empungta.”