Wahyu 22:3 - Taaz Weru Witu u Nunuwu'en Tombulu

³ Im witu um wanua tua'na itii zéi'mo siapa sé matoron un epa'. U rurumezan ni Opo Empung ing Kolano wo u rurumezan ni Anak ni Domba ing Kolano é maizeta' witu un untep um wanua tua'na itii. Wo sé ata-Na é marumagés wia ni Sia.

Wahyu 22:3 Iomraidhean Croise

Matius 25:21

Ang kuan ni tuangna wia ni sia, ‘Totoz wangun um winangunmula itii. Ni ko én ata lé'os wo toro pa'émanen. Ni ko én toro pa'émanen i mahpaayang ang kori', niitumo ni ko én tarawésaangku u lumouspé'mé niitu. In tarékan muntepomé wo méyémo i mahpaa-paaz kariaku!’

Matius 25:41

Ang kuan-Na wia sé tou witu ung kawihi-Na, ‘Tumingkasa im witu u sinaru-Ku, é kamu sé tou tinoro un epa'! Muntepoma witu un api zéi'kan mahpaté u niimek in iwéhé wia si tonaas né sétang wo sé malaekatna.

Yohanes 12:26

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

Yohanes 13:32

Sa si Opo Empung pahloozen wo pahsigi'en mengiité ni Sia, si Opo Empung kangkasii é mangun si Oki' ni Tou pahloozen wo pahsigi'en né tou. Wo ni Sia é rengan i loozen wo sigi'en ni Opo Empung.

Yohanes 14:3

Sa ni Aku nimangémomé witu wo nimimekomé un tampa niou, ni Aku é méyé sumaup wo mahwali ni kamu mangé witi pahwéha-wéhang-Ku, wo wisa uman un angéang-Ku, ni kamu kasii ém witu.

Yohanes 17:24

O Ama', kapaaz-Ku wisa uman un angéang-Ku, ni séra é memali-mali karia-Ku. Ni séra sé mémoiwéhémé ni Ama' wia ni Aku wo ni séra mahileka ung kawangko'an-Ku u mémoiwéhé ni Ama' wia ni Aku, pahpaan si Ama' é rimaraatémola ni Aku puunala ung kaayahan im winangun.

Wahyu 7:10

Karia i rimez ni séra mahkua in téntii, “Si toro milot ni kita im witu un ukuman wana a singkéla' én akaz uman si Opo Empungta si rimumez witu u rurumezan-Na ing Kolano wo si Anak ni Domba.”

Wahyu 7:9

Kumawusa niitu, ilekengkuma sé sana réwok tou totoz lakez sé zéi'mo karékénan. Ni séra ém wia péléng sé tahsasana wanua, tahsasana suzu, tahsasana réwok mahtuari, wo sé tahsasana nunuwu'en. Ni séra péléng é rimendai witu sinaru u rurumezan ni Kolano wo witu sinaru ni Anak ni Domba, kimarai ang karai tonton kulo', timion am pala'pa'na am palem.