Wahyu 22:2 - Taaz Weru Witu u Nunuwu'en Tombulu

² Un zanona é mahso'so'ma witu un unez u lalan witu um wanua tua'na itii. Wana an tembir zua masaru u so'so'an itii ém wéwéhan ung kai u mahwéhémé ung katou-touan u mahwua' makapulu' wo zua witu u sana ta'un. Sekez i loloho'en, ung kai itii é makasa mua'mé. An zani'na ung kai itii ém pahpakén in ipahundam péléng sé tahsasana wanua.

Wahyu 22:2 Iomraidhean Croise

Lukas 4:18

“Si Roh ni Opo Empung ém wia ni Aku, pahpaan ni Sia si timotoz ni Aku, i mahwoka' u Nuwu' Lé'os wia sé tou zéi'kan siapa apa; wo ni Aku é méiatu-Na

1 Petrus 2:24

Ni Sia nimasaan a singkéla'ta karia un tou-Na in esa, i ni Sia nimaté witu u salip. Karia in téntu, ni kita sé nimatémo wana a singkéla'ta én toro ikapiloté im witu ung kawasa a singkéla'ta i menou-nou mahkiit ung kapaaz ni Opo Empung. Wo pahpaan am péla'-Na ni kita é nimalé'os.

Wahyu 2:7

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat: Si tou nimuntung, ni sia én énéang-Ku ing kuman um wua'na ung kai u mahwéhémé ung katou-touan, um witu un Uma ni Opo Empung.’ ”

Wahyu 21:21

U mapulu' wo zua pepenet tua'na itii é mapulu' wo zua mutiara am wangunen, un esa wo un esa é mutiara esa am wangunen wo a lalan witu um wanua tua'na itii é mas nahas am wangunen, léno tanumokan kaléno ung kaca.

Wahyu 21:24

Péléng sé tahsasana wanua wia ung kaayahan é lumampang witu u sena' itii wo sé kolano wia ung kaayahan é mahali kasiimé ang kawa'ilanan néra witu um wanua tua'na itii.

Wahyu 22:1

An ipapailek kasiimé ni malaekat itii wia ni aku u so'so'an un zanona é mahwéhé ung katou-touan. Un zanona én totoz léno tanumokan ung kaléno ung kristal. Wo un zano itii é mahso'so' mahondolé witu um wawa' u rurumezan ni Opo Empung ing Kolano wo ni Anak ni Domba.

Wahyu 22:14

Mahpaa-paazola sé tou mahkemes ang karai tonton néra akaz i maweresi. Pahpaan ni séra én toro kuman am wua'na ang kai u mahwéhémé ung katou-touan wo toro muntep witu um wanua tua'na itii lumangkoia wana am pepenet tua'na.

Wahyu 22:19

Wo sa wéwéhan si tou mina'la apa uman wana a nuwu' ni Opo Empung a méipantik witu ung kitap kenu, si tou itii én éndoan ni Opo Empung um wéténgna im wana am wua'na ung kai u mahwéhémé ung katou-touan wo um wéténgna im witu um wanua tua'na lenas, tanu u méipantik witu ung kitap kenu.”