Wahyu 22:15 - Taaz Weru Witu u Nunuwu'en Tombulu

¹⁵ Taan sé tou tanumokan sé asu wo sé meriara, sé samek, sé mahwunu' tou, sé mahongkot wo mahsigi' sé opo-opo, wo sé totoz paaz an towo wo mahwangun niana, zéi'kan toro muntep witu um wanua tua'na itii.

Wahyu 22:15 Iomraidhean Croise

Matius 7:6

Tia' mahwéhé u lenas wia si asu én taa si asu itii mézuméha ni kamu. Wo tia' mahwéhé u mutiara wia si wawi én taa niitu maipeléé-léékna uman.”

Matius 8:12

Taan sé tou Yahudi sé im puuna nimaéndo tou witi Kakolanoan ni Opo Empung én ilombo' witu ung karimbengbengan zéi'mo kakuaan. Im witu ni séra é mamé' makaz am waang néra éng karékétokan.”

Yohanes 8:46

Im wia ni kamu, séi si toro tumuzu'mé i ni Aku é simingkéla'mola? Sa ni Aku mahkua ung kaulitan, kaa ni kamu zéi'kan ma'éman ni Aku?

Kisah Rasul-rasul 8:11

Ni séra é mahkii-kiit ni sia, pahpaan ni sia én urémo i memangu-mangun ni séra i mengusi-ngusingsing karia a riara pahwangunenna.

Filipi 3:2

Mile-ilek im wia sé tou sé wangun im pahkuan asu. Mile-ilek im wia sé tou mahpaayang a léwo'an. Mile-ilek im wia sé tou sé mahtututu' i sumunat ni kamu mengiit un ukum Torat.

Kolose 3:6

Péléng niitu é mahwangun uman si Opo Empung in totoz maupi' wia sé tou soo mahtali-talinga wia ni Sia.

1 Timutius 1:10

sé tou samek wo sé tuama mahwangun karia né katuama nérakan an toro uman pahwangunen né tuama wo wéwéné, sé mahremu' sé tou in iwangkér maéndo ata, sé tantowo, sé mahtiwa' an zéi'kan ulit wo péléng an zéi'kan mahkiit an tutuzu' ulit

Wahyu 18:23

U sena'na u solo én zéi'mo sumena'mé im witi wanua tua'na itii, wo sé mezazani witi tampa pahkawéngan én zéi'mo talingané im witi wanua tua'na itii. Pahpaan sé tou witi wanua tua'na itii sé mahwangké-wangkér é sé tou totoz ipahkua-kua im wia ung kaayahan, wo pahpaan a riaramu, péléng sé tahsasana wanua é méilulumu.”

Wahyu 21:27

Sé tou mahwangun a makati'tiren, kaapa sé mahwangun a makazi'zisen kaapa mahtowo én zéi'kan toro muntep witu um wanua tua'na itii. Taan sé toro muntep witu én akaz uman sé tou a ngaran néra é méipantik witu ung Kitap Katou-touan un anu ni Anak ni Domba itii.

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”