Wahyu 22:14 - Taaz Weru Witu u Nunuwu'en Tombulu

¹⁴ Mahpaa-paazola sé tou mahkemes ang karai tonton néra akaz i maweresi. Pahpaan ni séra én toro kuman am wua'na ang kai u mahwéhémé ung katou-touan wo toro muntep witu um wanua tua'na itii lumangkoia wana am pepenet tua'na.

Wahyu 22:14 Iomraidhean Croise

Yohanes 10:7

Niitumo si Yesus kimua kasiima, “Uli-ulit ikua-Kuma wia ni kamu, ni Akumo si pepenet wia sé domba itii.

Yohanes 10:9

Ni Akumo si pepenet. Séi uman si muntep kimiité ni Aku, ni sia én ipilot im witu un ukuman wana a singkéla'. Ni sia én tanu si domba si muntep wo mondol a makailek kakanen.

Yohanes 14:15

Kuan ni Yesus kasii wia sé pahtuzu'en-Na, “Sa kamu rumaraaté ni Aku, ni kamu é mangun a méiperénta-Ku.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 4:12

Si Yakub ama' né nimaopo nai, niméhé um parigi kenu wia ni kai. Ni sia karia né oki'na é mengéngéndo zano pengengelepen néra im wia'i téntu kangkasii sé tatamun anuna. Apa pahgenangela ni Tuang i si Tuang lumousé si Yakub?”

1 Korintus 7:19

Pahpaan sinunat kaapa zéi'kan sinunat én zéi'kan siapa torona. Um wéwéhan torona é mahkiit a méiperénta ni Opo Empung.

1 Korintus 8:9

Zozo' kamu toro kuman péleng ang kakanen, taan mile-ilek én taa kamu maéndo raraung wia sé katuari zéi'kampé' enté' um pa'émanen néra.

1 Korintus 9:5

Zéi'kan toro wé kai lumampang mahwali sé mahayo nai sé ma'émano, tanu sé aatu ni Yesus walina, sé katuari ni Yesus si Mahpiara wo si Kefas?

Galatia 5:6

Pahpaan sinunat kaapa zéi'kan sinunat é masuat uman im wia sé tou sé nimaesamo karia ni Kristus Yesus. Un totoz ipahpuu-puuna é ma'éman si Kristus Yesus un toro pa'ileken karia i rumaraaté sé tou walina.

1 Yohanes 3:3

Si tou niméré' un téntu wia ni Sia é limenas un touna tanu si Kristus i lenas.

1 Yohanes 5:3

Pahpaan ung kenumo u rumaraaté wia si Opo Empung: Ni kita é mahkiit am perénta-Na. Am perénta-Na itii én zéi'kan wutez,

Wahyu 2:7

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat: Si tou nimuntung, ni sia én énéang-Ku ing kuman um wua'na ung kai u mahwéhémé ung katou-touan, um witu un Uma ni Opo Empung.’ ”

Wahyu 21:12

U ri'riz makaliklik um wanua tua'na itii én tua'na wo rakék. Am pepenetna é mapulu' wo zua, wo im wana am wawo am pepenetna én tata'saan malaekat mahtéiz. Wo wana am wawo am pepenetna ém pinantikan a ngaran né mapulu' wo zua suzu ni Israel.

Wahyu 21:27

Sé tou mahwangun a makati'tiren, kaapa sé mahwangun a makazi'zisen kaapa mahtowo én zéi'kan toro muntep witu um wanua tua'na itii. Taan sé toro muntep witu én akaz uman sé tou a ngaran néra é méipantik witu ung Kitap Katou-touan un anu ni Anak ni Domba itii.

Wahyu 22:2

Un zanona é mahso'so'ma witu un unez u lalan witu um wanua tua'na itii. Wana an tembir zua masaru u so'so'an itii ém wéwéhan ung kai u mahwéhémé ung katou-touan u mahwua' makapulu' wo zua witu u sana ta'un. Sekez i loloho'en, ung kai itii é makasa mua'mé. An zani'na ung kai itii ém pahpakén in ipahundam péléng sé tahsasana wanua.

Wahyu 22:7

Ang kuan ni Yesus, “Un ulitna ni Aku zéi'mo uré é méyémo. Mahpaa-paazla sé tou mahkiit a nuwu' ni Opo Empung a méipantik witu ung kitap kenu!”

Wahyu 7:14

Am wingkotengkula, “Zéi'kan ndo'tuu kata'uangku tuang, ni ko in esa si mata'u ni séra.” Ang kuana wia ni aku, “Ni séramo sé limangkoiomé wana an zézéha zéi'mo kakuaan. Wo karia un zaha' ni Anak ni Domba, ni séra kimemesoma ung karai tonton néra makaz nimakulo'.