Wahyu 22:13 - Taaz Weru Witu u Nunuwu'en Tombulu

¹³ Ni Akumo Si Alfa wo Si Omega, Si Kataré-taré wo Si Kamurian, ni Aku ém wiamo rengané Im Puuna wo makaz Ing Kauré-uré.”

Wahyu 22:13 Iomraidhean Croise

Yohanes 13:32

Sa si Opo Empung pahloozen wo pahsigi'en mengiité ni Sia, si Opo Empung kangkasii é mangun si Oki' ni Tou pahloozen wo pahsigi'en né tou. Wo ni Sia é rengan i loozen wo sigi'en ni Opo Empung.

Wahyu 1:11

Un zanina én téntii, “Ipakapantikla witu ung kitap péléng an ipapailek-Ku wia ni ko wo iwéhéma wia sé pitu jamaat sé witi: Efesus, Smirna, Pergamus, Tiatira, Sardis, Filadelfia wo sé witi Laodikia.”

Wahyu 1:17

I ni aku nimileka ni Sia, a ni aku ikakepama witu rété un a'é-Na, tanumokan sé nimatémo, taan ni Sia é zimeta'mé u lengen-Na kakan wia ni aku, ang kumua, “Tia'mo maindé'! Ni Akumo Si Kataré-taré wo Si Kamurian,

Wahyu 1:8

Si Opo Empung kimua, “Ni Aku én Alfa wo Omega, ung kalakoana é si Kataré-taré wo si Kamurian. Ni Aku ém wiamo rengané im puuna, in tarékan wo in tumondong. Ni Aku én Totoz Mahkawasa.”

Wahyu 2:8

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Smirna in téntii: ‘Kenumo a Nuwu' am wia Si Kataré-taré wo Si Kamurian a méyé, si nimatémoma taan méitoumé sumaup.

Wahyu 21:6

Kuan-Na kasii wia ni aku, “Niana péléng é nimamualimoma. Ni Akumo Si Alfa wo Si Omega, Si Kataré-taré wo Si Kamurian. Séi si maré'o, ni sia én tambérang-Ku un zano elepen, u mahondolé witu ung kembu'an u mahwéhémé ung katou-touan.

Wahyu 3:14

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Laodikia in téntii: ‘Kenumo a Nuwu' am wia Si Amin, Si toro pa'émanen wo ulit i mahkua ang kata'uan-Na tumoro u Nuwu' ni Opo Empung, wo péléng am winangun ni Opo Empung ém wia ni Sia a méyé.