Wahyu 22:10 - Taaz Weru Witu u Nunuwu'en Tombulu

¹⁰ Ang kuana kasii wia ni aku, “Tia'mo pahsesegelennu a nuwu' ni Opo Empung méipantik witu ung kitap kenu, pahpaan un oras niana péléng i mamuali é lelezokan.

Wahyu 22:10 Iomraidhean Croise

Matius 10:27

A méikua-Ku wia ni kamu karia in ipahwuni-wuni é maipakaulitla wia sé tou. Wo a méipahkewit-Ku umanla wia ni kamu é maiwoka'la wia sé tou tanu im witu um wawo um walé wo mahwoka'.

Roma 13:11

Niia u léwo'zéi' im wangunen niou pahpaan ni kamu mata'umo a mahmuali in tarékan, i ni kamu sé timekel én orasnamo in tumooz. Pahpaan un oras si Yesus Mahpiarata i mawurimé sumaup, i milot ni kita im witu ung kaayahan léwo' kenu é lelezo, lumelezpé'mé i ni kita taré ma'émanla im puuna.

Roma 13:12

Un orasta i menou-nou wia ung kaayahan én tawimo maapu masuat wo um wengi i maendomo. Un endo si Mahpiara i méyé én zéi'mo uré. Niitumo, kumana'mola i mahwangun a léwo'an tanu am pemangu-mangunen né tou menou-nou wana ang karimbengbengan. Tanu sé suraro nimimeko ang kokoro' i masumaru sé kakoro', ni kita kangkasii é léwo'zéi' i mahwangunla an toro sumawang ni kita i sumaru a léwo'an.

2 Tesalonika 2:3

Zozo' ing kura, tia' kamu towoan umanla né tou! Pahpaan puunala un endo i si Yesus méyé sumaup, ang kenu a léwo'zéi' i mamualipé'la: Lakez sé tou tumamburi im wia si Opo Empung wo si tou totoz léwo' é mapailek un touna wo ni sia én tinotozo i léwo'en.

1 Petrus 4:7

Ung kaakazan ung kaayahan é lelezokan. Niitumo, pahimikela ung katou-touan niou wo tuméga-tégam, wo kamu toro uli-ulit i mengaléi.

Wahyu 1:11

Un zanina én téntii, “Ipakapantikla witu ung kitap péléng an ipapailek-Ku wia ni ko wo iwéhéma wia sé pitu jamaat sé witi: Efesus, Smirna, Pergamus, Tiatira, Sardis, Filadelfia wo sé witi Laodikia.”

Wahyu 1:3

Mahpaa-paazola sia si nimacama wo séra sé timalingama a méipantik tumoro a mamuali wo mahkiit a méipantik witu. Pahpaan péléng niana én zéi'mo uré i mamuali.

Wahyu 10:4

I nimakanuwu'momé un erut pitu itii, ipahpapantikkumo a méikuamé un erut itii, taan talingangkumé um witi kasendukan éng kimuamé, “Tia'mo ipahpapantikmu itu! Totoz in iwunimula an ipahkuamé an erut pitu itii.”

Wahyu 22:16

Kuan ni Yesus, “Ni Aku, Yesus, nimatumoma si malaekat-Ku i makumua a niilek wo tinalingana tumoro niia péléng wia ni kamu, wo ikua nioula wia sé jamaat. Ni Akumo u suzu, si suzu ni Daud, tototi'en kaendoan, si mahserité totoz sena'.”

Wahyu 22:18

Ni aku Yohanes éng kumuama a niilek wo tinalingaku wia sé tou sé mahtalinga a nuwu' ni Opo Empung a méipantik witu ung kitap kenu, “Sa wéwéhan si tou mawesla apa uman wana a méipantik witu ung kitap kenu, si tou itii én awesan ni Opo Empung a meléwo' a méipantik witu ung kitap kenu.

Wahyu 22:20

Ni Sia si kimua a niilek wo tinalinga-Na tumoro niana péléng éng kimuamé, “Éné, ni Aku zéi'mo uré é méyémo!” Niitumo ni aku, Yohanes éng kumuama, “Amin. Méyémo, o Yesus Mahpiara!”

Wahyu 22:7

Ang kuan ni Yesus, “Un ulitna ni Aku zéi'mo uré é méyémo. Mahpaa-paazla sé tou mahkiit a nuwu' ni Opo Empung a méipantik witu ung kitap kenu!”

Wahyu 22:9

Taan kuana wia ni aku, “Tia'mo mahasar téntu! Ni aku én ata, kasuatmu wo sé katuarimu esa pa'émanen, sé nabi wo péléng sé tou mahkiit péléng a méipantik witu ung kitap kenu. Pahongkotala wo pahsigi'ela si Opo Empung!”

Wahyu 5:1

An ilekengkuma ni Sia si rimumez witu u rurumezan ni Kolano itii. Witu u lengen-Na kakan ém wéwéhan ung kitap ginulung. Ung kitap itii ém pinantikan zua masaru, winéhan um pitu segel.