Wahyu 21:8 - Taaz Weru Witu u Nunuwu'en Tombulu

⁸ Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”

Wahyu 21:8 Iomraidhean Croise

Matius 10:28

Ni kamu én tia' maindé' wia sé tou sé makawawa uman i munu' un awak niou, taan zéi'kan makawawa i munu' si roh niou. Taan maindé'la ni Sia si wéwéhan ung kawasa i munu' un awak wo si roh niou witi naraka.

Matius 25:25

Niitumo, ni aku é maindé' a mailé'oskumé an zoit itii méikiaré witu un tana'. In tarékan, kenumo an zoit ni Tuang.’

Matius 8:26

Taan kuan ni Yesus wia ni séra, “É kamu sé zéi'kan tahlous ma'éman, kaa kamu maindé'?” A si Yesus rumendaié a rekaken-Nama u reges wo u sempa' itii. A mapenesa u louz itii.

Markus 9:44

Im witu, sé sapat zéi'kan mahpaté wo un api én zéi'kan mahpaté.]

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

2 Tesalonika 2:9

Si tou totoz léwo' itii i méyé ém pahpaan um pinaayang ni tonaas né sétang. Ni sia é mangun a mahwangun sé tou mahkusingsing, an zéi'kan kakuaan wo a makakompo'en towo.

1 Timutius 4:2

an ipahkuamé mengiité sé tou léwo' sé mahtowo i lé'os karia an towo néra. Ung genang lé'os néra én zéi'mo mata'u wisa un ulit wo wisa u simala'.

Titus 1:16

Ni séra é mahkua i mata'u si Opo Empung, taan im wana am pemangu-mangunen néra, ni séra é mahkélong ni Sia. Sé tou itii én totoz makazi'zisen, zéi'kan mahtali-talinga wo zéi'mo makawawa i mangun am wangun.

Ibrani 12:24

Ni kamu kasii mahilekan karia ni Yesus Kristus si nimahalimé un taaz weru u niénéan ni Opo Empung wo karia un zaha'-Na u nimangun sé tou nimaweresi, taka-takazan si Opo Empung niméhé ampungan wana a singkéla' né tou. Niitumo, un zaha' ni Yesus é lumouspé'mé ung kawangunan un zaha' ni Habel. Pahpaan un zaha' ni Habel é méisaroi pahpaan un téutéu.

Ibrani 13:4

Péléng sé tou é léwo'zéi' i mahsigi'la u mahkawéng wo tia' ung kokolo'an maéndo tampa pahsamekan, pahpaan si Opo Empung é mukum sé samek wo sé tou sangaya.

1 Yohanes 2:22

Séi wé si towo itii? Zéi'kankuaa ni sia si mahkélong sa si Yesus é Mesias? Si kenumo si kakoro' ni Kristus, si mahkélong si Ama' wo si Oki'-Na.

1 Yohanes 3:15

Séi si mazi'zis si katuarina esa pa'émanen, ni sia é memumunu' tou. Kata'uan niou in zéi'kan siapa si memumunu' tou é makailek ung katou-touan makaz ing kauré-uré.

1 Yohanes 5:10

Séi si ma'éman wia si Oki' ni Opo Empung, witu un aténa ém wéwéhano un ipahkua ni Opo Empung tumoro si Oki'-Na itii. Séi si zéi'kan ma'éman wia si Opo Empung, winangunna si Opo Empung in tantowo, pahpaan zéi'kan pa'émanenna un ipahkua ni Opo Empung tumoro si Oki'-Na.

Wahyu 14:10

én toron un upi' ni Opo Empung. Ni sia én zézéhan karia un api wo um walélang witu saru-sarun né malaekat lenas wo witu u saru-sarun ni Anak ni Domba, tanumokan ni séra nimelep un anggor pa'it zéi'kan sinembor u méitahu' in esa ni Opo Empung witu un eelepan.

Wahyu 19:20

A si binatang makaindé'en karia si nabi towo itii kationala. Si nabi towo itii é si nimahwangunola a makakompo'en witu u sinaru ni binatang itii karia ung kawasa méiwéhénamé. Karia a makakompo'en itii, méipahlulunamé sé tou nimakaileko un tanda ni binatang itii wo nimahongkot wo nimahsigi'mola si patongna. Si binatang makaindé'en wo si nabi towo itii é menou-noupé' an ilombo'ma witu un tasik api wo walélang melaya-layas.

Wahyu 2:11

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat: Si tou nimuntung én zéi'kan mahpenda-pendanla an zézéha witu um patéan kazua.’ ”

Wahyu 2:2

Kata'uang-Ku péléng am pinaayang niou. Ni kamu é mahtututu' i mahwangun ang kapaaz-Ku wo kasii zéi'kan mazéi' i ma'éman zozo' in zézéha. Kata'uang-Ku kasii i ni kamu én zéi'kan makaezen wia sé tou léwo'. Sé tou mengua-ngua in aatu-Ku taan ndéén zéi'kan ém pinahtata'u niouola, wo kinata'uan niouola i ni séra én tantowo.

Wahyu 21:27

Sé tou mahwangun a makati'tiren, kaapa sé mahwangun a makazi'zisen kaapa mahtowo én zéi'kan toro muntep witu um wanua tua'na itii. Taan sé toro muntep witu én akaz uman sé tou a ngaran néra é méipantik witu ung Kitap Katou-touan un anu ni Anak ni Domba itii.

Wahyu 22:15

Taan sé tou tanumokan sé asu wo sé meriara, sé samek, sé mahwunu' tou, sé mahongkot wo mahsigi' sé opo-opo, wo sé totoz paaz an towo wo mahwangun niana, zéi'kan toro muntep witu um wanua tua'na itii.

Wahyu 9:17

Witu um pina'ilekku, ni aku é nimilek sé kawalo wo sé suraro simaké wia sé kawalo itii, ni séra éng kimarai ang karai uaséi rangdang tanu an api, dongker tanu um watu safir, wo ririh tanu am walélang. Wo an ulu né kawalo itii én tanu an ulu né singa, wo im wana a sumah né kawalo itii é mahondolé api, teremuz wo walélang.

Wahyu 9:21

Ni séra kasii é soo tumula'u am pahwangunen néra, tanu a: mahwunu' tou, mahriara, mahsamek wo mahremu'.