Wahyu 21:5 - Taaz Weru Witu u Nunuwu'en Tombulu

⁵ Ni Sia si rimumez witu u rurumezan-Na ing Kolano éng kimuamé, “Ilekena, péléng am péléng ém pahwerung-Kumo!” Ang kuan-Na wia ni aku, “Ipantikla, pahpaan péléng a méikuama kenu én toro pa'émanen wo ulit.”

Wahyu 21:5 Iomraidhean Croise

Lukas 5:38

Un anggor weru é léwo'zéi' itahu' witu um pahtahu'an anggor werupé'.

2 Korintus 5:17

Niitumo, séi uman si mahkiit si Kristus, ni sia ém winerumo. Ung katou-touanna én zéi'mo tanu im puuna in zéi'kampé' mahkiit si Kristus. Taan ung katou-touanna ém werumo, un uré é nimazéi'moma wo um weru ém wiamo.

Ibrani 12:27

Ung kukuan “Makasapé',” ung kalakoana péléng am winangun ni Opo Empung wia ung kaayahan én iéhzo' wo kemun, taan an zéi'kan nyéhzo' én ikatula'u.

Wahyu 1:11

Un zanina én téntii, “Ipakapantikla witu ung kitap péléng an ipapailek-Ku wia ni ko wo iwéhéma wia sé pitu jamaat sé witi: Efesus, Smirna, Pergamus, Tiatira, Sardis, Filadelfia wo sé witi Laodikia.”

Wahyu 1:19

Niitumo, ipantikmula péléng a niilekmu, a nimamuali in tarékan wo a mamuali i mahmurimé.

Wahyu 19:9

A si malaekat itii kumuamé wia ni aku, “Ipantikola in téntii, ‘Mahpaa-paazola sé tou kinua i méyé witu um pésta kawéng ni Anak ni Domba.’ ” Ang kuana kasii wia ni aku, “A méikuaku kenu én ulit, ang kenu é Nuwu' wia si Opo Empung a méyé.”

Wahyu 20:11

An ilekengkuma u rurumezan ni Kolano ung kulo' wo tua'na wo ni Sia si rimumez witu. Witu u saru-sarun-Na a mazéi'ma u langit wo ung kaayahan makaz in zéi'mo pinahile-ilekla un tampana.

Wahyu 22:19

Wo sa wéwéhan si tou mina'la apa uman wana a nuwu' ni Opo Empung a méipantik witu ung kitap kenu, si tou itii én éndoan ni Opo Empung um wéténgna im wana am wua'na ung kai u mahwéhémé ung katou-touan wo um wéténgna im witu um wanua tua'na lenas, tanu u méipantik witu ung kitap kenu.”

Wahyu 22:6

Ang kuan ni malaekat itii wia ni aku, “Péléng a méikuakuma kenu én ulit wo toro pa'émanen. Si Opo Empung, si niméhé roh wia sé nabi é nimatumoma si malaekat-Na wia sé ata-Na i mapata'u an zéi'mo uré in totoz mamuali.”

Wahyu 4:2

In toro niitukan, ni aku kinawasala ni Roh ni Opo Empung, an ilekengkuma u rurumezan ni Kolano witi kasendukan, wo im witu ém wéwéhan si Tou rimumez.

Wahyu 4:9

Sekez sé epat tumou-tou itii i mahkua a lolooz wo a sisigi'an wo u makasé wia ni Sia si rimumez witu u rurumezan ni Kolano wo si menou-nou akaz ing kauré-uré,

Wahyu 5:1

An ilekengkuma ni Sia si rimumez witu u rurumezan ni Kolano itii. Witu u lengen-Na kakan ém wéwéhan ung kitap ginulung. Ung kitap itii ém pinantikan zua masaru, winéhan um pitu segel.