Wahyu 21:4 - Taaz Weru Witu u Nunuwu'en Tombulu

⁴ Péléng a lué' néra é maisu'en-Na im wana am weren néra. Zéi'mo siapa si maté, zéi'mo siapa si mahpengasi', kaapa mahamé' karia i mahkérét, kaapa mendan u rumara un até. Pahpaan péléng an urémo itii é limangkoioma.”

Wahyu 21:4 Iomraidhean Croise

Matius 24:35

U langit wo ung kaayahan é mazéi', taan u Nuwu'-Ku én zéi'kan mahzéi-zéi'la.”

1 Korintus 15:26

Si kakoro' ing kamurian si zinéi' ni Opo Empung é si patéan.

1 Korintus 7:31

Wo sé tou mahpaké uman am pemandungen wia ung kaayahan, tia'mo megena-genang i mahpaké niana, pahpaan ung kaayahan wo péléng am wia ung kaayahan é mazéi'.

2 Korintus 5:17

Niitumo, séi uman si mahkiit si Kristus, ni sia ém winerumo. Ung katou-touanna én zéi'mo tanu im puuna in zéi'kampé' mahkiit si Kristus. Taan ung katou-touanna ém werumo, un uré é nimazéi'moma wo um weru ém wiamo.

2 Korintus 6:17

Pahpaano niitu, Mondolé ni kamu im witu un unez né tou zéi'kan ma'éman, wo tumampasé im wia ni séra, Nuwu' ni Opo Empung. Wo tia' kamu memua-muali a singkéla' u mangun ni kamu i makati'tiren, wo kamu sungkuleng-Ku.

Ibrani 12:27

Ung kukuan “Makasapé',” ung kalakoana péléng am winangun ni Opo Empung wia ung kaayahan én iéhzo' wo kemun, taan an zéi'kan nyéhzo' én ikatula'u.

2 Petrus 3:10

Taan un endo si Mahpiara i mawurimé sumaup én tanu si maremu' i mérumemu'. Im witu un endo itii, u langit é mazéi' karia un zanina un erut totoz makaindé'en. Péléng am witi langit é nimala'ung makaz i maapu wo ung kaayahan wo péléng am witu é maapu.

1 Yohanes 2:17

Ung kaayahan wo péléng ang kapaaz né tou é lelezo mazéi', taan si tou mahwangun ang kapaaz ni Opo Empung é menou-nou makaz ing kauré-uré.

Wahyu 20:13

Un tasik nimayoma sé tou nimaté witu, um patéan wo um pahwéha-wéhan né tou nimaté é nimayoma sé tou nimaté witu, wo si esa wo si esa én totozen mengiit am pinahlé'os néramé.

Wahyu 20:14

Kumawusa niitu, um patéan wo um pahwéha-wéhan né tou nimatémo é méiwerita witu un tasik api melaya-layas. Un tasik api itiimo um patéan kazua.

Wahyu 21:1

An ilekengkuma u langit weru wo un tana' weru, pahpaan u langit kataré wo un tana' kataré é nimazéi'moma, maan kangkasii un tasik é nimazéi'moma.

Wahyu 22:3

Im witu um wanua tua'na itii zéi'mo siapa sé matoron un epa'. U rurumezan ni Opo Empung ing Kolano wo u rurumezan ni Anak ni Domba ing Kolano é maizeta' witu un untep um wanua tua'na itii. Wo sé ata-Na é marumagés wia ni Sia.

Wahyu 7:17

Pahpaan si Anak ni Domba si rimumez witu un unez u rurumezan ni Kolano itii é mamiara ni séra wo mahwali ni séra i mamelep witi kembu'an u mahwéhémé ung katou-touan. Wo si Opo Empung é misu' péléng a lué' néra.”