Wahyu 21:3 - Taaz Weru Witu u Nunuwu'en Tombulu

³ An talingangkumé u nuwu' totoz rimez kimérété im witi rurumezan ni Kolano kimuamé, “Ilekena, um pahwéha-wéhan ni Opo Empung ém witumo un unez né tou wo ni Sia é mamento' mahwali-wali karia néra. Ni séra é maéndo tou-Na, wo ni Sia é menaté-natér ni séra wo maéndo Opo Empung néra.

Wahyu 21:3 Iomraidhean Croise

Yohanes 1:14

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Yohanes 14:23

Ang kuan ni Yesus, “Si tou rumaraaté ni Aku é mangun a nuwu'-Ku. Si Ama'-Ku é rumaraaté ni sia wo si Ama'-Ku wo ni Aku é méyé wia ni sia wo mento' mahwali-wali kariana.

2 Korintus 6:16

Apa u masuat um witu um Walé ni Opo Empung wo um witu um walé né opo-opo? Ni kita i ma'éman ém Walé ni Opo Empung. Niitu én tanu u méipantik witu um Pinantik Lenas, in téntii, “Ni Aku é mamento' karia néra, wo menou-nou karia néra, wo ni Aku é maéndo Opo Empung néra, wo ni séra é maéndo tou-Ku.

2 Korintus 6:18

Wo ni Aku é maéndo Ama' niou, ni kamu é maéndo koki'-Ku tuama wo koki'-Ku wéwéné. Niitu u Nuwu' ni Mahpiara, ni Sia si kimawasa péléng am péléng.”

1 Tesalonika 3:11

Mengalé-ngaléi uman si Opo Empung si Ama'ta wo si Yesus Mahpiarata é méhémé lalan, wo kai toro mahilekan sumaup karia niou.

Ibrani 11:16

Taan in tarékan, ni séra é lumelo un tana' u lumouspé'mé ung kawangunanna, niitu un tana' witi kasendukan. Niitumo si Opo Empung én zéi'kan maizang im pahkuan néra in Opo Empung néra, pahpaan si Opo Empung é nimimeko um wanua tua'na esa wia ni séra.

Ibrani 8:10

“Ung kenumo um pinataazan um winangun-Ku karia né tou Israel im wana an endo in tumondong. An tinotoz-Ku én iwéhé-Ku witu ung genang néra wo ipantik-Ku witu un até néra wo ni Aku maéndo Opo Empung néra wo ni séra é maéndo tou-Ku.

Ibrani 8:2

Ni Sia si mahpaayang am paayangen ni Walian Wangko' witi tampa totoz lenas witi ténda pahento'an ni Opo Empung witi kasendukan. Un ténda itii ém winangun ni Opo Empung, zéi'kan winangun né tou.

Wahyu 10:4

I nimakanuwu'momé un erut pitu itii, ipahpapantikkumo a méikuamé un erut itii, taan talingangkumé um witi kasendukan éng kimuamé, “Tia'mo ipahpapantikmu itu! Totoz in iwunimula an ipahkuamé an erut pitu itii.”

Wahyu 10:8

An talingangkumé um witi kasendukan éng kimua kasiimé wia ni aku, kuana, “Mangémo, ma'éndoné ung kitap ginulung u nimawukamo, um witu u lengen ni malaekat rimendai witu um wawo un tasik wo witu um wawo un tana' itii.”

Wahyu 12:10

An talingangkumé u nuwu' rimez witi kasendukan u mahkuamé, “In tarékan én orasnamo si Opo Empung i milot sé tou-Na im witu un ukuman wana a singkéla' i mapailek ung kawasa-Na, merénta ing kolano wo si Kristus si méitaaz-Na i mapailek ung kawasa-Na ing kolano wia ung kaayahan. Pahpaan si tonaas né sétang si im puuna endo wo wengi rimendai witu u sinaru ni Opo Empung i mahtoké sé katuari esa pa'émanen é méiondolomé an ilombo'mé wia ung kaayahan.

Wahyu 21:7

Séi si nimuntung, niitu péléng éng kailekanna. Ni Aku é maéndo Opo Empungna, wo ni sia é maéndo oki'-Ku.

Wahyu 22:3

Im witu um wanua tua'na itii zéi'mo siapa sé matoron un epa'. U rurumezan ni Opo Empung ing Kolano wo u rurumezan ni Anak ni Domba ing Kolano é maizeta' witu un untep um wanua tua'na itii. Wo sé ata-Na é marumagés wia ni Sia.

Wahyu 7:15

Niitumo, ni séra é rimendai makasaru u rurumezan ni Opo Empung ing Kolano wo mahpaayang wia ni Sia endo wo wengi witi Walé-Na. Ni Sia si rimumez witu u rurumezan-Na ing Kolano én tuméiz ni séra.