Wahyu 21:14 - Taaz Weru Witu u Nunuwu'en Tombulu

¹⁴ U ri'riz méiliklik um wanua tua'na itii é méirendai witu u mapulu' wo zua watu to'tolan. Wo wana am wawo am watu to'tolan itii ém pinantikan a ngaran ni esa wo ni esa né mapulu' wo zua aatu ni Anak ni Domba itii.

Wahyu 21:14 Iomraidhean Croise

Matius 16:18

Wo ni Aku kangkasii éng kumuama wia ni ko: Ni ko ém Petrus, ung kalakoana ém watu. Witu um wawo um watu kenu ni Aku é rumendai sé jamaat-Ku, wo um patéan zéi'kan mata'u kumawasa niitu.

Kisah Rasul-rasul 1:26

A séra sumawuta lot i mahtata'u séi si mapéléng. Si nimapéléng é si Matias. A sia totozen nérala i maéndo aatu ni Yesus karia né mapulu' wo esa aatu itii.

Galatia 2:9

I nimilekola ung kamang méitambéré ni Opo Empung wia ni aku, si Yakobus, si Petrus wo si Yohanes sé pahkuan in tonaas ipahpuu-puuna né jamaat, nimaayoala lengen kariaku wo karia ni Barnabas, niitu un tumuzu'mé i ni kai é nimaesaano. Um pinaesaan nai é, ni kai mahwoka' u Nuwu' Lé'os tumoro si Yesus wia sé tou zéi'kan Yahudi wo ni séra é mahwoka u Nuwu' Lé'os tumoro si Yesus wia sé tou Yahudi.

Efesus 2:20

Ni kamu sé ma'éman wia si Kristus Yesus én toro pasuaten karia um walé winangun ni Opo Empung. Sé aatu ni Yesus wo sé nabi sé zimeta'ma um watu to'tolan um walé wo um watu to'tolan itii é si Kristus Yesus.

Efesus 3:5

un im puuna én zéi'kan méipahkua-kuala wia sé tou taan in tarékan é méikuamo ni Roh ni Opo Empung wia sé aatu wo wia sé nabi-Na, sé linenas ni Opo Empung.

Efesus 4:11

Ni Siamo si timambér wia sé tou i makawawa maéndo aatu-Na, maéndo nabi, wéwéhan sé maéndo mahwoka' u Nuwu' Lé'os, sé maéndo tonaas i mahahkit wo mahtuzu' sé jamaat.

Ibrani 11:10

Pahpaan si Abraham uli-ulit ma'éman i ni sia é milek um wanua tua'na u makato'tolan enté', u niimeko wo winangun ni Opo Empung, niitumo ni sia é ma'ento' karia in zéi'kan mahzua-zua genang i makailek um wanua tua'na itii.

Yudas 1:17

Taan ni kamu katuari-katuari ikararaatéku, gena-genangen a mémoipahkuama né aatu ni Yesus Kristus, Mahpiarata, im puuna.

Wahyu 18:20

Mahpaa-paazola é kamu sé witi kasendukan, ni kamu sé tou ni Opo Empung, sé aatu wo sé nabi, pahpaan am winangun néra wia ni kamu, sé tou witu um wanua tua'na itii é niukummoma ni Opo Empung!

Wahyu 21:13

Im witu u sendangan, amian, timuh wo talikuzan én tahtetelu am pepenet tua'na.