Wahyu 21:12 - Taaz Weru Witu u Nunuwu'en Tombulu

¹² U ri'riz makaliklik um wanua tua'na itii én tua'na wo rakék. Am pepenetna é mapulu' wo zua, wo im wana am wawo am pepenetna én tata'saan malaekat mahtéiz. Wo wana am wawo am pepenetna ém pinantikan a ngaran né mapulu' wo zua suzu ni Israel.

Wahyu 21:12 Iomraidhean Croise

Matius 18:10

“Gena-genangen! Tia' meroros si esaané im wia sé koki' kenu. Pahpaan ikua-Kuma wia ni kamu, wéwéhan sé malaekat mahtéiz ni séra sé witi kasendukan, sé mengile-ngilek uman ung gio ni Ama'-Ku. [

Lukas 15:10

Ni Aku kumuama wia ni kamu, téntu kangkasii sé malaekat ni Opo Empung sé witi kasendukan é mahpaa-paaz pahpaan wéwéhan si tou mahsingkéla' timula'u a singkéla'na.”

Lukas 16:22

Matéma si tou zéi'kan siapa apa itii, a sia ipahwalima né malaekat maméirumez witu u rété ni Abraham. Si tou wa'ilan kangkasii é matéma, a sia mailewengé.

Kisah Rasul-rasul 26:7

Sé mapulu' wo zua suzu ni Israel é mengento-ngento' un oras ni Opo Empung i mélumekep a méitaaz-Na itii. Wo karegas i ma'ento' a méitaaz itii, endo wo wengi ni séra én zéi'kan mazéi' i mahragés. O kolano Agripa, pahpaano um pahéré'an itii, sé tou Yahudi é mahtoké ni aku.

Ibrani 1:14

Sa téntu, séi ndéén sé malaekat kenu wé? Ni séra é roh sé mahsawang si Opo Empung. Ni séra méiatu ni Opo Empung i mésumawang sé tou ma'éman sé méipilot im witu un ukuman wana a singkéla'.

Wahyu 21:13

Im witu u sendangan, amian, timuh wo talikuzan én tahtetelu am pepenet tua'na.

Wahyu 21:15

Si malaekat nimahnuwu'mé wia ni aku, ni sia ém wéwéhan un teken ipahukur u mas am wangunen. Un ipahukur itii ém pahukur um wanua tua'na itii karia am pepenet tua'na wo u ri'riz makaliklik um wanua tua'na itii.

Wahyu 21:25

Am pepenet tua'na um wanua tua'na itii én zéi'kan pahpeneten kauré un endo, pahpaan im wana én zéi'mo siapa wengi.

Wahyu 22:14

Mahpaa-paazola sé tou mahkemes ang karai tonton néra akaz i maweresi. Pahpaan ni séra én toro kuman am wua'na ang kai u mahwéhémé ung katou-touan wo toro muntep witu um wanua tua'na itii lumangkoia wana am pepenet tua'na.