Wahyu 21:11 - Taaz Weru Witu u Nunuwu'en Tombulu

¹¹ Um wanua tua'na itii é mahsena'mé u sena' ni Opo Empung. U sena'na um wanua tua'na itii én tanumokan u sena'na um watu totoz wangun wo mahal, tanumokan um watu yaspis wo ung kalénona én tanumokan ung kaléno ung kristal.

Wahyu 21:11 Iomraidhean Croise

Wahyu 15:8

A mawutama karia an teremuz um Walé ni Opo Empung itii pahpaan ung kawangko'an ni Opo Empung wo pahpaan ung kawasa-Na. Zéi'kan siapa zozo' in esa si tou toro muntep witu um Walé ni Opo Empung itii, sa zéi'kampé' simampeta am pitu meléwo' né pitu malaekat itii.

Wahyu 22:1

An ipapailek kasiimé ni malaekat itii wia ni aku u so'so'an un zanona é mahwéhé ung katou-touan. Un zanona én totoz léno tanumokan ung kaléno ung kristal. Wo un zano itii é mahso'so' mahondolé witu um wawa' u rurumezan ni Opo Empung ing Kolano wo ni Anak ni Domba.

Wahyu 22:5

Im witu um wanua tua'na itii én zéi'mo siapa wengi wo péléng am witu én zéi'mo memandung sena' u solo wo u sena' ni endo, pahpaan si Opo Empung si nimaéndo sena' i mahsena'ma wia ni séra. Wo ni séra é merénta ing kolano makaz ing kauré-uré.

Wahyu 4:3

Si Tou rimumez witu u rurumezan itii é mahsena' tanumokan a sena'na am watu pahkuan yaspis wo sardis. Wo wéwéhan kasii un zuni' meto-petot tanumokan petotna um watu pahkuan zamrud, limiklik u rurumezan itii.

Wahyu 4:6

Wo witu sinaru u rurumezan itii ém wéwéhan un tasik kaca, ung kalénona é masuat wo ung kristal. Wo wana a liklik u rurumezan um witu un unez itii ém wéwéhan sé tumou-tou epat. Witu um puuna wo u muri un awak néra é mawuta-wuta am weren.