Wahyu 21:10 - Taaz Weru Witu u Nunuwu'en Tombulu

¹⁰ A ni aku kawasanla ni Roh ni Opo Empung, an iwalima ni malaekat itii witi wawona ung kentur tua'na wo rakék. Im witu an ipapaileknamé wia ni aku um wanua tua'na lenas, u Yerusalem, um wia si Opo Empung witi kasendukan an itumpamé.

Wahyu 21:10 Iomraidhean Croise

Kisah Rasul-rasul 8:39

I ni séra nimondolé im witu un zano, kumompo'mé si Filipus é méipahwalimoma ni Roh ni Opo Empung nimondolé im witu wo si tonaas itii én zéi'mo nimileka ni sia. Si tonaas itii é meméhé-méhé i mahlampang karia i mahpaa-paaz.

Galatia 4:26

Taan un taaz walina éng kasuat ni mahayo ni Abraham, si Sara. Si Sara én toro pasuaten karia u Yerusalem weru um witi kasendukan. Ni sia én ina'ta, sé zéi'kan ata un ukum Torat.

Wahyu 1:10

Witu un endo i mahragés wia si Opo Empung, ni aku éng kinawasa ni Roh-Na. In toro niitu, talingangkumé un zani totoz rimez un tanu zanina um pontuang witu u muriku.

Wahyu 11:2

Taan u lésaz witi ondol um Walé ni Opo Empung én tia'mo pahuukurennu. Pahpaan, niitu é mémoiwéhé wia sé tahsasana wanua walina sé zéi'kan mata'u si Opo Empung. U Yerusalem um wanua tua'na lenas é maipeléé-léék néra, epatna pulu' wo zuana loloho'en ung kauréna.

Wahyu 17:3

A ni aku kawasanla ni Roh ni Opo Empung, an ipahwalima ni malaekat itii witi kapelasan. Im witu niilekkumé ém wéwéhan si wéwéné rimumez wia si binatang si totoz rangdang, si pinantikan mawuta-wuta a ngaran séséro' wia si Opo Empung. An ulu ni binatang itii ém pitu wo a sungéna é mapulu'.

Wahyu 21:2

Ni Aku kangkasii nimileka um wanua tua'na lenas, u Yerusalem weru, um wia si Opo Empung witi kasendukan an itumpamé. Um wanua tua'na itii é niimek tanumokan si wéwéné kawéngen, niimek i mahilekan karia ni tuama kumawéng ni sia.

Wahyu 3:12

Séi si nimuntung, ni sia én éndong-Ku tombol witi Walé ni Opo Empung-Ku wo ni sia é mento'mo witu makaz ing kauré-uré. Wia si tou itii kasii ém pantikang-Ku u ngaran ni Opo Empung-Ku, u ngaran um wanua tua'na ni Opo Empung-Ku, u Yerusalem weru. Um wanua tua'na itii ém witi kasendukan, wia si Opo Empung-Ku an itumpamé. U ngaran-Ku weru kasii én ipantik-Ku wia si tou itii.

Wahyu 4:2

In toro niitukan, ni aku kinawasala ni Roh ni Opo Empung, an ilekengkuma u rurumezan ni Kolano witi kasendukan, wo im witu ém wéwéhan si Tou rimumez.