Wahyu 21:1 - Taaz Weru Witu u Nunuwu'en Tombulu

¹ An ilekengkuma u langit weru wo un tana' weru, pahpaan u langit kataré wo un tana' kataré é nimazéi'moma, maan kangkasii un tasik é nimazéi'moma.

Wahyu 21:1 Iomraidhean Croise

Roma 8:21

Taan wéwéhan um pahéré'an, pahpaan péléng sé wia ung kaayahan én ikapilot im witu ung kawasa u mangun ni séra i léwo'en, wo péléng sé wia ung kaayahan én uli-ulit méikapilot i loozen wo sigi'en karia né oki' ni Opo Empung.

2 Petrus 3:10

Taan un endo si Mahpiara i mawurimé sumaup én tanu si maremu' i mérumemu'. Im witu un endo itii, u langit é mazéi' karia un zanina un erut totoz makaindé'en. Péléng am witi langit é nimala'ung makaz i maapu wo ung kaayahan wo péléng am witu é maapu.

2 Petrus 3:13

Taan ni kita sé ma'éman é ma'ento' u langit weru wo ung kaayahan weru u méitaaz ni Opo Empung, u mapahwéha-wéhan né tou niéndo ulit ni Opo Empung.

Wahyu 13:1

An ilekengkuma si binatang makaindé'en nimondolé witu un tasik. A sungé ni binatang makaindé'en itii é mapulu' wo an uluna ém pitu. Wana a rawis a sungéna ém wéwéhan am poporongen né kolano. Wo wana an uluna ém pinantikan a ngaran séséro' wia si Opo Empung.

Wahyu 20:11

An ilekengkuma u rurumezan ni Kolano ung kulo' wo tua'na wo ni Sia si rimumez witu. Witu u saru-sarun-Na a mazéi'ma u langit wo ung kaayahan makaz in zéi'mo pinahile-ilekla un tampana.

Wahyu 21:5

Ni Sia si rimumez witu u rurumezan-Na ing Kolano éng kimuamé, “Ilekena, péléng am péléng ém pahwerung-Kumo!” Ang kuan-Na wia ni aku, “Ipantikla, pahpaan péléng a méikuama kenu én toro pa'émanen wo ulit.”

Wahyu 6:14

U langit éng kimoskosa, tanumokan ung kitap ginulung, péléng ang kentur wo ang katanaan é méikaérama.